Əmlak vergisi dünya ölkələrində
Daşınmaz əmlak almaq, daimi yaşayış yeri əldə etmək və ya sahibkarlıq fəaliyyəti göstərmək üçün ölkə seçərkən, ilk növbədə insanı həmin ölkədə mövcud olan vergi qanunvericiliyi maraqlandırır.
Bu dəfəki yazımızda Kipr, Latviya və Monakoda mövcud olan göstəricilərdən bəhs edəcəyik.
Kiprdə əmlak vergisi
Daşınmaz əmlak alınan zaman 0,15-0,20% həcmində vergi tutulur. Əmlakın qeydiyyatı zamanı isə 3-8% həcmində vergi ödənilir.
Yeni əmlakdan 19% ƏDV tutulur. Daşınmaz əmlaka görə illik vergi olaraq 0,6-1,9%+55 avrodan 185 avroya kimi ödəniş etməlisən. Kapital artımına tutulan vergi 20% təşkil edir. Miras və ya vərəsəlik olu ilə keçən əmlaka görə vergi müəyən edilməyib. Fiziki şəxslərdən 0-35% həddində, hüquqi şəxslərdən isə 12,5% miqdarında vergi tutulur.
Latviyada əmlak vergisi
Yeni əmlak alınarkən, vergi tutulmur. Yeni alınan daşınmaz əmlakın qeydiyyatı zamanı 2% vergi ödənilir. Yeni alınan əmlakdan 21% ƏDV tutulur. Əmlaka görə illik vergilər 0,2-0,6% təşkil edir. Kapital artımına görə 15% vergi ödəməli olursan. Mirasa və ya vərəsəlik yolu ilə keçən əmlaka görə vergi nəzərdə tutulmayıb. Bu ölkədə fiziki şəxslərdən 24%, hüquqi şəxslərdən isə 15% gəlir vergisi tutulur.
Monakoda əmlak vergisi
Yeni əmlaka görə vergi ödənilmir. Əmlakın qeydiyyatına görə 4,5% vergi tutulur. Yeni alınan əmlakdan 20% həcmində vergi ödəməlisən. Bu ölkədə əmlaka görə illik və kapital artımına görə vergilər də tutulmur. Miras və ya vərəsəlik yolu ilə keçən əmlakdan 8-16% həcmində vergi ödəməlisən. Maraqlıdır ki, Monakoda fiziki şəxslərdən gəlir vergisi tutulmur, amma hüquqi şəxslərdən 33,33% vergi ödəməli olursan.