Hədiyyə kartı ilə satış zamanı NKA çeki verilməlidir?
Sual: “A” MMC hədiyyə kartı satır, hansı ki həmin kartla alıcı televizor əldə edə bilir. Fiziki şəxs Vəli 500 manatlıq hədiyyə kartı alır və kartı digər fiziki şəxsə – Əliyə hədiyyə verir. Əli 600 manatlıq TV alır – 100 manatı öz bank kartından, 500 manatı hədiyyə kartından ödəyir. Bu hər iki əməliiyyat zamanı hansında NKA çeki olacaq və www.edvgerial.az saytından kim və hansı məbləğdən istifadə edə biləcək?
Cavab: Bildiririk ki, cəmiyyət tərəfindən müştəriyə təqdim edilən hədiyyə kartına görə əldə olunan vəsaitə görə nəzarət-kassa aparatının çeki təqdim edilir. Eyni zamanda müştəri tərəfindən alınmış hədiyyə kartı əsasında mallar alınarkən satılan malın dəyərinə də nəzarət kassa-aparatının çeki verilir. Bu zaman hədiyyə kartının satışına görə və həmin hədiyyə kartı əsasında təqdim edilən mala görə nəzarət-kassa aparatına vurulmuş məbləğlərin ikiqat vergiyə cəlb edilməməsi üçün bu məbləğlər barədə məlumat vergi orqanına təqdim olunur.
Əsas: Vergi Məcəlləsinin 13-cü, 16-cı və “İstehlakçıların hüquqlarının müdafiəsi haqqında” Azərbaycan Respublikasının Qanununun 7-ci maddələri, Azərbaycan Respublikası Prezidentinin 2017-ci il 19 aprel tarixli 1341 nömrəli Fərmanı ilə təsdiq edilmiş “Pərakəndə ticarət fəaliyyəti sahəsində vergitutma məqsədləri üçün gəlirlərin və xərclərin uçotunun aparılması Qaydası”
Mənbə: taxes.gov.az
Həmçinin bax:
-
Maliyyə fırıldaqçıları tərəfindən mənimsənilən vəsait gəlirdən çıxılan xərc hesab edilirmi?
-
Əvvəlki illərin məzuniyyəti hesablanarkən 200 manat güzəşt hər bir il üçün hesablanmalıdır?
-
Hansı işçilər öz arzularına uyğun vaxtda əmək məzuniyyətinə çıxa bilər?
-
Məzuniyyət və Əmək haqqı eyni ayda olduqda tutulmalar necə hesablanır?