Wirecard – əsrin mühasibat fırıldağı yaradıcılarının taleyi (2-ci hissə)
Wirecard ödəniş sisteminin hesablarına artıq 2 milyard avro məbləğində qondarma pul yatırılması ilə bağlı Almaniyanın tarixində baş verən ən böyük mühasibatlıq qalmaqalı, tədricən böyük cinayət işinə çevrilir. Sözügedən sistemin iflası, iki top-menecerin həbsi, üçüncünün qaçışı və biznes-tərəfdaşlarının vaxtsız ölümləri.
Hadisələr necə inkişaf edirdi
Wirecard şirkətinin özündə çalışan üç əsas rəhbərdən başqa digər şəxslər də mövcud olub. Birincisi, bu fırıldaqçılığı üzə çıxaran və şirkətin tezliklə iflas edəcəyinə stavka edən investorlar. İkincisi, uzun illər Wirecard şirkətində hesabatların qaydasında olduğunu təsdiq edən, yekunda isə ona ölüm hökmü çıxaran auditorlar. Üçücüsü, bu mövzunu 2015-ci ildən bəri böyük inadkarlıqla izləyən Financial Times qəzeti.
Məhz, sözügedən qəzetin dərc etdikləri əsasında yenicə başlayan alman təhqiqatı yekunlaşana kimi həmin detektiv əhvalatın hadisələr zəncirini bərpa etmək mümkün idi.
Və baxın, nə alınır.
Erkən illər: 1999-2007
Sözügedən şirkət 1999-cu ildə Münhen ətrafında ortaya çıxmışdı. Bir neçə il sonra iflasa yaxınlaşan Wirecard-ı, korporativ idarəetmə mütəxəssislərindən biri Marcus Braun tərəfindən satın alınır. Bir neçə birləşmədən sonra şirkət Frankfurt birjasında siyahı alır. 2005-ci il üçün sözügedən şirkətin əsas biznesi – ödəniş sistemidir – əsas müştəriləri – onlayan bukmeykerlərdir. Şirkətdə 300-dən çox əməkdaş çalışırdı. Bir ildən sonra həmin şirkət bankı satın alır və ödəniş sistemindən əlavə müştərilərə kredit xidmətləri də göstərmək imkanı da əldə edir.
İlk zəng: 2008
Səhmdarların hüquqlarını müdafiə edən alman assosiasiyası, Wirecard-ın hesabatlarının doğruluğunu açıq şəkildə şübhə altına aldı. Assosiasiya yoxlama üçün EY şirkətinin bir auditorunu işə cəlb edir, o, hesabatı təsdiq edir. Əvvəlcə qəzəblənən iki investor bazar manipulyasiyasına görə cinayət təqibi ilə üzləşirlər.