Əmlak icarəsi zamanı vergi öhdəliyi
Sual: ƏDV qeydiyyatında olan fiziki şəxs daşınmaz əmlakını ƏDV qeydiyyatında olan hüquqi şəxsə icarəyə verirsə, onun hansı vergi öhdəliyi yaranır?
Cavab: Fiziki şəxslərə ödənilən icarə haqqı vergi ödəyicisi kimi uçotda olan şəxs tərəfindən ödənildiyi halda, ödəmə mənbəyində 14 faiz dərəcə ilə vergiyə cəlb olunur. Daşınmaz əmlakı icarəyə götürən hüquqi şəxs ödəmə mənbəyində 14 faiz dərəcə ilə vergi tutmalı və vergi orqanına hesabat təqdim etməlidir.
İcarə haqqından gəlir əldə edən fiziki şəxslərdən ödəmə mənbəyində vergi tutulduğu üçün həmin gəlirlərdən bir daha vergi tutulmur. İcarə haqqından gəlir fiziki şəxsin qeyri-sahibkarlıq fəaliyyətindən gəlir hesab olunduğundan, əlavə dəyər vergisinə cəlb edilmir.
Mənbə: vergiler.az