ARDNF-nin üçillik maliyyə fəaliyyətinin auditini aparacaq şirkət müəyyənləşib
Azərbaycan Respublikası Dövlət Neft Fondu 2019, 2020, 2021-ci illər üzrə maliyyə fəaliyyətinin auditini keçirmək məqsədi ilə Azərbaycan Respublikasının dövlət satınalmaları haqqında qanunvericiliyinə uyğun olaraq xidmət təkliflərinin cəlb olunması prosedurunu keçirib.
Azərbaycan Respublikası Dövlət Neft Fondundan verilən məlumata görə, xidmət təklifləri sorğusuna əsasən, Azərbaycanda fəaliyyət göstərən nüfuzlu beynəlxalq auditor təşkilatları tərəfindən təqdim olunmuş təkliflərin qiymətləndirilməsi nəticəsində, ən münasib təklif vermiş “PricewaterhouseCoopers Audit Azerbaijan” (PwC) şirkəti müsabiqənin qalibi müəyyən edilib. Və Dövlət Neft Fondu haqqında Əsasnaməyə uyğun olaraq, Azərbaycan Prezidenti tərəfindən ARDNF-nin 2019, 2020, 2021-ci illər üzrə maliyyə fəaliyyətinin auditini keçirmək üçün auditor təyin edilib.
Mənbə: report.az