Blog Full

Şanxayın Suntszyan rayonu, Beyertszin küçəsi, 34 ünvanında yerləşən Çin mühasibat uçotu muzeyi, mühasibat uçotunun peşəkar muzeyi hesab olunur. 2013-cü il noyabrın 28-də ümumi sahəsi 4500 kvadratmetr, sərgi sahəsi 2800 kvadratmetr olan Çin mühasibat uçotu muzeyinin açılış mərasimi olmuşdur.

Çin mühasibat muzeyinin yaradılmasının məqsədi mühasibat tarixi ilə bağlı mədəni abidələri toplamaq və qorumaq, tarixi mühasibat mədəniyyətini populyarlaşdırmaq, mühasibat tədqiqatlarını və mübadiləsini təşviq etmək üçün muzeyin güclü mədəni irsi, reklam və təhsil funksiyasından istifadə etməkdir.

Məkanın tərkibi

Muzeyə sərgi salonu, beynəlxalq sərgi salonu, mühasibat uçotunun şöhrət zalı, müvəqqəti sərgi salonu, audiovizual zal, sərgi avadanlığının mühafizəsi üçün yer, kolleksiyalar kitabxanası və nəticədə fiziki muzeydən, onlayn muzeydən və rəqəmsal muzeydən ibarət olacaq digər sərgi və anbar otaqları daxildir.

Funksiyaların əhəmiyyəti

Çin mühasibat uçotu muzeyində, mühasibatlıqla bağlı mədəni qalıqların toplanılması və qorunması, mühasibatlıq mədəniyyətinin təbliği, mühasibat uçotu və tədqiqatlarını öyrətmək üçün vahid bir sərgi salonu da inşa ediləcəkdir. Hazırda mövcud olan Çin maliyyə və vergitutma muzeyi, Çin audit muzeyi və Çin hesabdarlıq muzeyi ilə müqayisədə mühasibat uçotu muzeyi, mühasibat uçotu mədəniyyətinin xüsusi təzahürünə diqqət yetirir. Onun məzmunu mühasibat uçotu, sistem, nəzəriyyə, təcrübə və onunla əlaqəli nailiyyətlərin əsas metodlarına yönəldilmişdir.

Təşkilati quruluş

Ofis: gündəlik inzibati məsələlər, xarici işlərin təşkili və muzeyin işinin əlaqələndirilməsi üçün məsuliyyət daşıyır.

Texnologiya şöbəsi: muzeydə mədəni reliktlərin qorunub saxlanılmasının texniki problemləri, muzeyin veb-saytına xidmət göstərilməsi, eləcə də müvafiq avadanlıqların saxlanması və idarə edilməsi üçün məsuliyyət daşıyır.

Mühafizə işlərinə məsul şöbə: muzeyin kolleksiyasının qəbulu, alınması, qaytarılması və qorunması üçün məsuliyyət daşıyır.

İnkişaf şöbəsi: muzeyin inkişafına, o cümlədən inkişafın planlaşdırılmasına, toplanılması və satın alınmasına, sərgi və onunla bağlı fəaliyyətə, KİV-lə qarşılıqlı fəaliyyətə və irəliləyişə görə məsuliyyət daşıyır.

Xidmət şöbəsi: sərgi zalının açıq qəbuluna və məsləhət xidmətləri, həmçinin logistika dəstəyinə görə məsuliyyət daşıyır.

Bərpa şöbəsi: mədəni əmanətlərin qorunması və bərpası üçün məsuliyyət daşıyır.

Sənədlərin tərtibi şöbəsi: mühasibat uçotunun tarixi sənədlərinin toplanması, təşkili və idarə edilməsi üçün məsuliyyət daşıyır.

Mühasibat uçotu mədəniyyəti və mühasibat uçotu tarixi üzrə araşdırmalar mərkəzi: akademik planlaşdırma, akademik mövzular, akademik araşdırmalar və mübadilə fəaliyyətinin tətbiqi və idarə edilməsi üçün məsuliyyət daşıyır.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

ABŞ-da maaşlar nə qədərdir. Amerikada minimal və orta əməkhaqqı (1-ci hissə)

Birləşmiş Ştatlar – bu, mühacirlər tərəfindən inşa edilmiş, insanlar üçün böyük imkanlar yaradan bir ölkədir. Dinamik inkişaf edən iqtisadiyyat, böyük əmək bazarı, layiqli maaşlar, bütün dünyada qiymət verilən yüksək həyat səviyyəsi və keyfiyyətli təhsil müxtəlif ölkələrdən olan insanların Amerikaya köçməsi üçün bir stimuldur. Lakin, köçməyə qərar verməzdən əvvəl, öz imkanlarınızı və işədüzəlmə şansınızı, eləcə də ixtisasınızı təmin edəcək əməkhaqqı səviyyəsini dərk edərəkdən qiymətləndirmək lazımdır.

Amerika əmək bazarının ödəniş xüsusiyyətləri

ABŞ-da ən çox tələbolunan peşələrə yaxşı maaşlar verilməsi ilə bağlı gümanlar səhvdir. Əksinə, əksər hallarda daha aşağı əməkhaqqı ödənilən ixtisaslar sahəsində kadr çatışmazlığı müşahidə olunur. Bu da həmin ixtisaslar üzrə yüksək kadr axını ilə xarakterizə olunur. Bu, həm də onunla izah olunur ki, yüksək əməkhaqqı səviyyəsi olan vakansiyalar nadir hallarda uzun müddət tutulmamış qalır. Çünki belə vəzifələr bir çox amerikalı və xarici mütəxəssisləri özünə cəlb edir.

Aşağı maaşlı peşələrlə əlaqəli vəziyyət isə tamamilə fərqlidir. Belə ki, işəgötürənlər tərəfindən təklif olunan əməkhaqqı çox vaxt işçiləri qane etmir və buna görə də azad iş yerləri yaranır. Çox vaxt fiziki əməyi nəzərdə tutan bu peşələr üçün xüsusi hazırlıq tələb olunmur və minimum təhsilin olması, yetərli hesab edilir.

ABŞ-da ən çox tələbolunan peşələr

Amerikada iş tapmaq üçün ən asan yol iaşə sektorundadır –  kafelərdə, restoranlarda, fast-fudlarda və digər qida məntəqələrində daim işçilər tələb olunur. Ən çox vakansiyalar, işçiləri ildə 19 min dollar qazanan fast-fud yemək məntəqələrindədir ki, bu da ölkədəki ən aşağı maaş göstəricilərdən biridir. Eyni zamanda, fast-fud məntəqələrində iş şərtləri ağır hesab olunur (qızmar peçlər, qaynar plitələr, yemək qoxuları, böyük müştəri axını, gecə növbələri).

Məqalənin 2-ci hissəsini buradan oxuya bilərsiniz

Ofisiantın orta illik əməkhaqqı 21 min dollar təşkil edir. Onu da qeyd etmək lazımdır ki, ofisiantın bir sıra imtiyazları da vardır: bəzi hallarda rəsmi maaşı da ötüb keçən xidmətə görə bəxşiş pulu, çevik iş qrafiki və pulsuz qidalanma. İngilis dilini bilməyən və ya pis bilən postsovet ölkələrindən çıxan mühacirlər çoxsaylı rus restoranlarının birində işə düzələ bilərlər.

Həmçinin ən çox vakansiya ilə ABŞ-da top-onluğa bu peşələr daxildir:

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Ən böyük dövlət borcuna malik ölkənin adı məlum olub

Yaponiya – ÜDM-in 234 faizini təşkil edən dünyanın ən böyük dövlət borcuna sahib olan ölkəsidir. Bu barədə investisiya təhlili və makroiqtisadi tədqiqatlar Mərkəzinin rəhbəri Daniil Nametkin bildirib. Onun söylədiklərindən RİA Novosti agentliyi sitat gətirib.

Nametkin də bu göstərici üzrə digər lider ölkələrin də adını çəkib: Böyük Britaniyada borc ÜDM-in 144 faizini, ABŞ-da 160 faizini, avrozonada isə 120,4 faizini təşkil edir. Ekspert qeyd edib ki, dünyanın bütün ölkələrinin ümumi dövlət borcu ÜDM-in 105 faizini təşkil edir. Ancaq, bir sıra böyük ölkələrdə dövlət borcunun bu qədər yüksək göstəricilərinə baxmayaraq, çətin ki, yaxın gələcəkdə onlar həmin borca xidmət göstərməkdə problem yaşayacaqlar.

Eyni zamanda Nametkin qeyd edib ki, pandemiya fonunda iqtisadiyyatın dəstəklənməsi tədbirləri bir sıra dövlətlərdə inflyasiyanın artmasına gətirib çıxarıb. Xüsusilə, ABŞ-da istehlak qiymətləri 5,4 faiz artıb – bu, 13 il ərzində maksimum artım səviyyəsidir. “Belə bir şəraitdə ABŞ FES-in monetar siyasətinin sərtləşdirilməsinin nəzəri imkanı yaranır ki, bu da borc xidməti ilə bağlı vəziyyəti pisləşdirə bilər”, – ekspert izah edib.

Bundan əvvəl, ABŞ-ın maliyyə naziri Janet Yellen Konqresi defolt təhlükəsi və ölkə iqtisadiyyatına “düzəlməsi mümkün olmayan zərər” təhlükəsi barədə xəbərdarlıq etmişdi.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Pandemiya üzündən hansı ölkələr ən çox itkilərə məruz qalıb?

Bu günə qədər dünyada 193 milyondan çox COVID-19 yoluxma halı qeydə alınıb. Keçən ilin yekunlarına görə dünya iqtisadiyyatı 4,3% azalıb. BMT-nin “Qlobal iqtisadi vəziyyət və perspektivlər” adlı məruzəsində deyilir ki, dünya Böyük depressiya dövründən bəri istehsalın ən güclü azalması ilə üzləşib.

“Moody’s Investors Service” beynəlxalq reytinq agentliyi koronavirus pandemiyası səbəbindən müxtəlif ölkələrin itkilərini hesablayıb. ÜDM-in COVİD-19-dan əvvəlki proqnozu ilə 2020-2023-cü illər üçün olan mövcud proqnozu arasındakı fərqdən asılı olaraq, mütəxəssislər dövlətləri üç qrupa bölüblər.

Pandemiyadan ən az təsirlənən birinci qrupa iqtisadi böyümə proqnozu böhrandan əvvəlki səviyyədən 2% (və ya daha az) aşağı olan ölkələr daxildir. Buraya ABŞ, Qərbi Avropa ölkələri, Çin, Cənubi Koreya və Sinqapur daxildir. Birləşmiş Ştatlarda və Avropa İttifaqında iqtisadiyyatın bərpasına fiskal stimullar, həmçinin peyvəndləşdirmə prosesi kömək edir. Asiya iqtisadiyyatları hökümətin səhiyyə böhranının qarşısının alınması üçün fəaliyyətlərini dəstəkləyib: orada, xəstələnmə artımının lap başlanğıcından etibarən tibb üzərində yükü optimallaşdıran sərt karantinlər tətbiq edilib.

Moody’s Investors Service-in analitikləri ikinci qrupa iqtisadiyyatı orta dərəcədə ziyan çəkən ölkələr daxil edilib: onların cari ÜDM proqnozu pandemiyadan əvvəlki dövrün proqnozundan 2-8% aşağıdır.  Bu Rusiya, Avstraliya, Braziliya, Meksikadır.

Agentliyin məlumatına görə, son qrupa pandemiyadan ən çox zərər çəkmiş ölkələr daxil edilib. Onların itkiləri pandemiyadan əvvəlki ÜDM proqnozundan 8 faizdən də çox aşağıdır. İnkişaf etməkdə olan dövlətlərdə və sərhəd iqtisadiyyatına malik  ölkələrdə (xüsusilə gəlirləri turizm kimi bəzi sahələrdən asılı olan ölkələr), eləcə də yüksək borc yükü olan ölkələrdə vəziyyət daha pisdir. Bunlar Şri Lanka, Tunis, Peru, Surinam, Hindistan, Laosdur.

“COVİD-19-un iqtisadi nəticələri ölkələrin büdcə kəsirləri və borclarının yığılması ilə bağlı əsas problemləri daha da ağırlaşdıracaq. Bu, gəlir səviyyəsinin azalmasına, bərabərsizliyin dərinləşməsinə, yoxsulluğun daha da artmasına gətirib çıxaracaq”, – Moody’s Investors Service hesabatında belə deyilir.

Agentliyin analitiklərinin qiymətləndirməsinə görə, bu il Dünya iqtisadiyyatı 5,7% artacaq. 2023-cü ilə qədər qlobal ÜDM-in artım tempi 3,3% -ə qədər azalacaq.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun