ABŞ-da maaşlar nə qədərdir? Amerikada minimal və orta əməkhaqqı (6-cı hissə)
Birləşmiş Ştatlar – bu, mühacirlər tərəfindən inşa edilmiş, insanlar üçün böyük imkanlar yaradan bir ölkədir. Dinamik inkişaf edən iqtisadiyyat, böyük əmək bazarı, layiqli maaşlar, bütün dünyada qiymət verilən yüksək həyat səviyyəsi və keyfiyyətli təhsil müxtəlif ölkələrdən olan insanların Amerikaya köçməsi üçün bir stimuldur. Lakin, köçməyə qərar verməzdən əvvəl, öz imkanlarınızı və işədüzəlmə şansınızı, eləcə də ixtisasınızı təmin edəcək əməkhaqqı səviyyəsini dərk edərəkdən qiymətləndirmək lazımdır.
Amerikada ən yüksək ödənişli peşələr
Təhsil, uzunmüddətli peşəkar hazırlıq və təcrübə tələb edən ixtisaslı əməyə görə Birləşmiş Ştatlarda yüksək ödəniş edilir. Ən yüksək ödənişli ixtisaslar siyahısına maaşları ən yüksək hesab edilən həkimlər rəhbərlik edir. İllik gəliri 245 min dollar olan həkim-anestezioloqlar hamıdan çox məvacib alırlar. Cərrahların və diş həkimlərinin (müvafiq olaraq 237 və 228 min dollar) əməyi də yüksək qiymətləndirilir.
Digər sahələrdə çalışanlara gəldikdə isə, illik gəlir səviyyəsinə uyğun olaraq, ABŞ-da ən populyar peşələr bunlardır:
Peşə | İllik gəli, min dollar |
İcraçı direktor | 185,0 |
Marketinq üzrə direktor | 177,0 |
Neftçi-mühəndis | 165,0 |
Baş arxitektor | 142,0 |
Vəkil | 134,0 |
Maliyyə meneceri | 132,0 |
Peşəkar idman və şou-biznes sahəsi də gəlirlərin yüksək səviyyəsi ilə fərqlənir. Bu sahələrdə uğur qazanmış insanlar kifayət qədər çox qazanırlar. Bununla yanaşı, qazancları altı, yeddi rəqəmli məbləğ təşkil edən tanınmış atletlərin, musiqiçilərin və aktyorların qonorarları barədə məlumatlar çox vaxt qapalı olur və yalnız vergi orqanlarına məlumdur.
Yüksək əməkhaqqı perspektivi olan peşələr
Ekspertlərin qiymətləndirməsinə görə, yaxın illərdə ABŞ-da ən çox tələb olunan peşələr bunlar olacaq:
- informasiya texnologiyaları sahəsində mütəxəssislər;
- mühəndislər;
- estetik tibb sahəsində işləyən cərrahlar;
- həkimlər və əczaçılar;
- robot texnikləri;
- alimlər və tədiqatçılar;
- marketoloqlar;
- reklam üzrə mütəxəsisslər;
- dizaynerlər;
- arxitektorlar.
Elmin müxtəlif sahələrində elmi tədqiqatlar aparmağa və kəşflər etməyə hazır olan digər ölkələrdən olan alimlər də yaxşı işə düzəlmə perspektivlərinə malikdirlər. Birləşmiş Ştatlar yüksək potensiala malik mütəxəssisləri həvəslə qəbul edir, onlara işləmək və layiqli əməkhaqqı almaq imkanı verir.