Blog Full - Audit.Az

Oxunma sayı: 152. 909

16 Mar 2019

VM-nin 164.1.34-ci maddəsində göstərilən avadanlıqların satışı ƏDV yə cəlb edilir?

by Audit.Az | posted in: Vergi, Xəbər | 0

VM-nin 164.1.34-ci maddəsində göstərilən avadanlıqların satışı ƏDV yə cəlb edilir?

Sual: Şirkətimiz könüllü olaraq ƏDV ödəyicisi oldu. 164.1.34-cü maddəsində göstərilmiş təyinata uyğun olaraq qurğu və avadanlıqları idxal edən zaman ƏDV tutulmur, malı idxal edəndən sonra ƏDV ödəyicisi olan rezident şirkətə 164.1.34-cü maddəsində göstərilmiş avadanlıq və qurğuları satışında da ƏDV-dən azaddır? ƏDV ödəyicisi olaraq şirkətimiz ƏDV ödəyicisinə e-qaimədə ƏDV üzrə necə qeyd etməlidir? Zəhmət olmasa 164.1.34 maddə tətbiqi ilə bağlı bizə əlavə məlumat verəsiniz.

Kənd təsərrüfatında ƏDV əvəzləşdirilməsi

Cavab: Vergi Məcəlləsinin 164.1.34-cü maddəsinə əsasən bilavasitə kənd təsərrüfatı təyinatlı suvarma və digər qurğuların, maşınların, avadanlıqların və texnikaların idxalı və satışı ƏDV-dən azad edilmişdir. Odur ki, tərəfinizdən bilavasitə kənd təsərrüfatı təyinatlı suvarma və digər qurğuların, maşınların, avadanlıqların və texnikaların idxalı və satışı həyata keçirildiyi zaman ƏDV tətbiq edilməyəcəkdir. Elektron qaimə-faktura Nazirlər Kabinetinin “Elektron qaimə-fakturanın formasının, tətbiqi, uçotu və istifadəsi Qaydaları”na uyğun olaraq tərtib edilir. Həmin qaydalara müvafiq olaraq təqdim edilmiş malın ƏDV-yə cəlb edilməyən dəyəri elektron qaimə-fakturanın “o cümlədən, ƏDV-yə cəlb edilməyən” sütununda əks etdirilməlidir.

Bax: Vergi Məcəlləsinin 164.1.34-cü maddəsi, Nazirlər Kabinetinin 14.03.2017-ci il tarixli 89 nömrəli Qərarı ilə təsdiq edilmiş “Elektron qaimə-fakturanın formasının, tətbiqi, uçotu və istifadəsi Qaydaları”.

Mənbə: taxes.gov.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

15 Mar 2019

Təsisçinin banka olan borcu ilə bağlı vergi öhdəliyi

by Audit.Az | posted in: Vergi, Xəbər | 0

Təsisçinin banka olan borcu ilə bağlı vergi öhdəliyi

Sual: Müəssisənin təsisçisinin banka olan borcu müəssisənin dövriyyə vəsaiti hesabına ödənilib. Bu zaman müəssisənin vergi öhdəliyi yaranırmı?

Cavab: Vergi Məcəlləsinin 1 yanvar 2019-cu ildən qüvvəyə minmiş müddəalarına əsasən, müəssisənin fəaliyyəti zamanı əldə edilmiş aktivlərin, o cümlədən pul vəsaitlərinin (təsisçiyə borcların verilməsi və ya alınmış borcların əvəzinin qaytarılması istisna olmaqla) təsərrüfat fəaliyyətinin məqsədlərindən kənar digər məqsədlər üçün təsisçiyə verilməsi, habelə təsisçinin digər şəxslərə olan borclarının əvəzinin ödənilməsi vergitutma məqsədləri üçün dividend ödəmələrinə bərabər hesab edilir və bu zaman Məcəllənin 122.1-ci maddəsi ilə ödəmə mənbəyində vergi tutulur.

Əsas: Vergi Məcəlləsi, 122.4-cü maddə

Mənbə: vergiler.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

15 Mar 2019

Geri qaytarılan məbləğ ƏDV bəyannaməsinin hansı sətrində qeyd edilməlidir?

by Audit.Az | posted in: Vergi, Xəbər | 0

Sual: Hüquqi şəxs mağazalarda pərakəndə ticarətlə (geyim və aksesuar satışı) məşğul olur. Bildiyimiz kimi, satılan malların geri qaytarılması halları olur. Belə hal olduqda “İstehlakçıların hüquqlarının müdafiəsi haqqında” qanunda nəzərdə tutulmuş qaydada və tələb olunan sənədlərlə qaytarış həyata keçirilir. Qaytarış zamanı müştəri ilə geri qaytarış AKT-ı və pulun verilməsini təsdiq edən məxaric orderi imzalanır. Sualım belədir: Geri qaytarışların məbləği ƏDV bəyannaməsi təqdim olunan zaman hansı qaydada nəzərə alınır? Məsələn, əgər yanvar ayında dövriyyəm 100 manat, geri qaytarış AKT-larımın cəmi isə 25 manat olmuşdur. Geri qaytarılan məbləğ ƏDV bəyannaməsində hansı sətirdə qeyd olunacaqdır?

Cavab: Bildiririk ki, ƏDV məqsədləri üçün vergitutma obyektini malların təqdim edilməsi, yəni mallar üzərində mülkiyyət hüququnun başqasına verilməsi təşkil edir.

Bu baxımdan da, hesabat ayı daxilində müvafiq qaydada rəsmiləşdirməklə istehlakçı tərəfindən alınan və geri qaytarılan mallar təqdim olunmuş hesab edilmir və onların dəyəri ƏDV bəyannaməsində göstərilmir.

Malın satışı ilə geri qaytarılması ayrı-ayrı aylarda baş verdikdə isə mal satılan ayda onun dəyəri bəyannamənin “ ƏDV-nə 18 faiz dərəcəsi ilə cəlb olunan əməliyyatlar” adlı 301-ci sətri, geri qaytarılan ayda isə “ƏDV-yə cəlb olunan əməliyyatlar üzrə azaldılan dövriyyə” adlı 319-cu sətrində göstərilməlidir.

Bax: Vergi Məcəlləsinin 13.2.10-cu, 159.1-ci və 163-cü maddələri, vergilər nazirinin 13.01.2017-ci il tarixli əmri ilə təsdiq edilmiş “Əlavə Dəyər Vergisinin bəyannaməsi”nin tərtib edilməsi Qaydası”.

Mənbə: taxes.gov.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

15 Mar 2019

1000 AZN əmək haqqı ilə Baş Mühasib tələb olunur

by Audit.Az | posted in: İş elanı, Vakansiya, Xəbər | 0

Vakansiya: Baş Mühasib / İşəgötürən: Eurostar Group

Ümumi məlumat

Şəhər: Bakı
Yaş: 30-45 yaş
Cins: Fərqi yoxdur
Təhsil: Ali
İş təcrübəsi: 1 ildən 3 ilə qədər
Əlaqədar şəxs: HR Department
Telefon: 055 213 83 52
Əmək haqqı: 800 – 1000 AZN

Vakansiya barədə məlumat

– Mühasibat, vergi uçotu və DSMF, Statistika ilə bağlı əməliyyatlar
– Vergi orqanları ilə yazışmalar
– Vergi sahəsi ilə bağlı əməliyyatlar – bütün vergi hesabatlarının göndərilməsi
– E-Qaimə fakturalarının və VHF yazılması, gömrük bəyannamələri ilə bağlı əməliyyatlar, vergi qanunvericiliyi ilə dəqiq işləmək bacarığı. E-portal proqramı ilə işləmək bacarığının olması
– Sənədlər və mühasibat yazılışları əsasında vergi və mühasibat hesabatlarının tərtib olunması və qanunvericilikdə müəyyən edilmiş müddət ərzində müvafiq orqanlara göndərilməsini həyata keçirtmək
– Vergi hesabatlarının (Əmlak, Torpaq, ƏDV, ÖMV, Mənfəət) hazırlanması və təqdim edilməsi
– DSMF hesabatlarının (B1, B3) hazırlanması və təqdim edilməsi
– Statistika hesabatlarının hazırlanması və təqdim edilməsi
– Məşğulluq idarəsinə hesabatların hazırlanması və təqdim edilməsi
– BTP proqramında işləməklə vergi bəyannamələri göndərmək və vergi məsələləri ilə bağlı -işlərdə birbaşa iştirak etmək
– İş qrafiki: 5 günlük iş qrafiki 09:00- 18:00
– İş yeri: İçərişəhər

Baş Mühasib üçün tələblər

– Ali təhsil (Maliyyə, iqtisadiyyat, mühasibat uçotu sahəsində olması mütləqdir)
– B1-B3, Microsoft Office proqramlarını bilmək
– 1C 8.2 v 8.3 proqramında sərbəst işləmək təcrübəsi (Istehsal və satış və s.)
– e-gov.az, e-taxes.gov.az və digər portallardan istifadə etmək
– Vergi, əmək qanunvericilikləri üzrə məlumatlı
– Riyazi hesablama aparma, analitik təhlil etmə qabiliyyəti, mal-materialların uçotunun aparılması
– Xidməti borcunu vaxtında və dəqiq yerinə yetirilmək, təşəbbüskar olmaq, ixtisasını daim təkmilləşdirmək
– Balansın çıxarılması
– Excell proqramında yüksək səviyyədə işləmə bacarığı
– Stresədavamlı, tələbkar, məsuliyyətli və işgüzar
– Vergi qanunvericiliyi bilmək
– Beynəlxalq mühasibat uçotu standartlarını bilmək

CV-lərinizi foto ilə birlikdə hr@evrostar.az və info@finstaff.az elektron ünvana “Baş Mühasib” başlığı altında göndərməyiniz xahiş olunur.( xanım namizədlərə aiddir)