Blog Full

“Dövlət vergi orqanlarına işə qəbul olunmaq üçün namizədlərin müsabiqəsinin keçirilməsi haqqında Əsasnamə”də dəyişiklik edilib

“Dövlət vergi orqanlarına işə qəbul olunmaq üçün namizədlərin müsabiqəsinin keçirilməsi haqqında Əsasnamənin təsdiq edilməsi barədə” Azərbaycan Respublikası Prezidentinin 2005-ci il 15 aprel tarixli 222 nömrəli Fərmanında dəyişiklik edilməsi haqqında
Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. “Dövlət vergi orqanlarına işə qəbul olunmaq üçün namizədlərin müsabiqəsinin keçirilməsi haqqında Əsasnamənin təsdiq edilməsi barədə” Azərbaycan Respublikası Prezidentinin 2005-ci il 15 aprel tarixli 222 nömrəli Fərmanında (Azərbaycan Respublikasının Qanunvericilik Toplusu, 2005, № 4, maddə 297; 2009, № 6, maddə 419; 2011, № 3, maddə 182; 2017, № 5, maddə 802) aşağıdakı dəyişikliklər edilsin:

1.1. Preambula üzrə:

1.1.1. “Azərbaycan Respublikasının Vergilər Nazirliyi haqqında Əsasnamə”nin və” sözləri çıxarılsın;

1.1.2. “müddəalarına” sözündən əvvəl “və Azərbaycan Respublikası Prezidentinin 2020-ci il 12 may tarixli 1017 nömrəli Fərmanı ilə təsdiq edilmiş “Azərbaycan Respublikasının İqtisadiyyat Nazirliyi yanında Dövlət Vergi Xidmətinin Əsasnaməsi”nin” sözləri əlavə edilsin;

1.2. 2-ci hissədə “Vergilər Nazirliyinə” sözləri “İqtisadiyyat Nazirliyi yanında Dövlət Vergi Xidmətinə” sözləri ilə əvəz edilsin;

1.3. həmin Fərmanla təsdiq edilmiş “Dövlət vergi orqanlarına işə qəbul olunmaq üçün namizədlərin müsabiqəsinin keçirilməsi haqqında Əsasnamə” üzrə:

1.3.1. 1.1-ci bənddə “2001-ci il 29 mart tarixli 454 nömrəli Fərmanı ilə təsdiq edilmiş “Azərbaycan Respublikasının Vergilər Nazirliyi haqqında Əsasnamə”nin” sözləri “2020-ci il 12 may tarixli 1017 nömrəli Fərmanı ilə təsdiq edilmiş “Azərbaycan Respublikasının İqtisadiyyat Nazirliyi yanında Dövlət Vergi Xidmətinin Əsasnaməsi”nin” sözləri ilə əvəz edilsin;

1.3.2. 1.3-cü bəndə “Test imtahanı” sözlərindən sonra “Azərbaycan Respublikasının İqtisadiyyat Nazirliyi yanında Dövlət Vergi Xidmətinin (bundan sonra – Xidmət) təklifi əsasında” sözləri əlavə edilsin;

1.3.3. 1.4-cü bənd ləğv edilsin;

1.3.4. 1.5-ci bənd aşağıdakı redaksiyada verilsin:

“1.5. Dövlət vergi orqanlarında vakant vəzifələr olduqda, Xidmət, işə qəbulla əlaqədar sənədlərin təqdim edilməsi üçün müəyyən olunmuş son müddət göstərilməklə, kütləvi informasiya vasitələrində və özünün rəsmi internet saytında müsabiqə elanı verir. Müvafiq elan müsabiqənin başlamasına ən azı bir ay qalmış verilir.”;

1.3.5. 2.1-ci bənd üzrə:

1. birinci cümlədə “Vergilər Nazirliyi” sözləri “Xidmət” sözü ilə əvəz edilsin;

2. ikinci cümlədə “vergilər nazirinin” sözləri “Xidmət rəisinin” sözləri ilə, “Vergilər Nazirliyinin Kollegiyasında baxılır və” sözləri “Xidmət rəisinin əmri ilə” sözləri ilə əvəz edilsin;

1.3.6. 2.4-cü bənd ləğv edilsin;

1.3.7. 3.1-ci bəndə “üçün” sözündən sonra “keçirilən” sözü əlavə edilsin və həmin bənddə “ərizə ilə Azərbaycan Respublikasının Vergilər Nazirliyinə” sözləri “forması Xidmət tərəfindən müəyyən edilən ərizə ilə Xidmətə” sözləri ilə əvəz edilsin;

1.3.8. 3.2-ci bənddə “bir ay” sözləri “10 iş günü” sözləri ilə, “Vergilər Nazirliyi tərəfindən yoxlama aparılır” sözləri “Xidmət tərəfindən yoxlama aparılır və nəticəsi barədə namizədə məlumat göndərilir” sözləri ilə əvəz edilsin;

1.3.9. 3.3-cü bənd aşağıdakı redaksiyada verilsin:

“3.3. Vergi orqanlarına işə qəbul üçün aşağıdakı sənədlər tələb olunur:

3.3.1. şəxsiyyəti təsdiq edən sənədin surəti;

3.3.2. tərcümeyi-hal;

3.3.3. kadrlar uçotunun şəxsi vərəqəsi;

3.3.4. 4×6 sm ölçüdə dörd ədəd, 9×12 sm ölçüdə bir ədəd rəngli fotoşəkil;

3.3.5. ali təhsil haqqında dövlət sənədinin (xaricdə təhsil almış namizədlər üçün təhsil haqqında sənədlərin (xarici dövlətlərin ali təhsilə aid kvalifikasiyalarının) tanınması ilə bağlı müvafiq sənədin) notarial qaydada təsdiq olunmuş surəti;

3.3.6. əmək kitabçasının surəti (ilk dəfə əmək fəaliyyətinə başlayanlar istisna olmaqla);

3.3.7. sağlamlıq haqqında arayış;

3.3.8. narkoloji dispanserdən müayinə aktı və arayış;

3.3.9. məhkumluğun olmaması barədə arayış;

3.3.10. hərbi biletin və ya qanunla müəyyən olunmuş qaydada hərbi xidmətdən möhlət hüququ verilməsini təsdiq edən sənədin surəti (qadınlar istisna olmaqla).”;

1.3.10. aşağıdakı məzmunda 3.3-1-ci bənd əlavə edilsin:

“3.3-1. Tərcümeyi-halı və kadrlar uçotunun şəxsi vərəqəsini müraciət edən şəxs özü əllə yazır və imzalayır. Müraciət edən şəxs tərcümeyi-halda və kadrlar uçotunun şəxsi vərəqəsində göstərilən məlumatların doğruluğuna görə cavabdehdir.”;

1.3.11. 3.4-cü və 3.5-ci bəndlər aşağıdakı redaksiyada verilsin:

“3.4. Namizəd aşağıdakı hallarda müsabiqəyə buraxılmır:

3.4.1. bu Əsasnamənin 3.3-cü bəndində göstərilən sənədlər təqdim edilmədikdə və ya həmin sənədlərdə təhrif olunmuş məlumatlar aşkar edildikdə;

3.4.2. məhkəmənin qanuni qüvvəyə minmiş qərarı ilə məhdud fəaliyyət qabiliyyətli və ya fəaliyyət qabiliyyəti olmayan hesab edildikdə;

3.4.3. məhkumluğu ödənilmədikdə və ya götürülmədikdə;

3.4.4. çağırış yaşlı vətəndaşlar qanunla müəyyən olunmuş müddətli həqiqi hərbi xidmət keçmədikdə (qanuni əsaslarla müddətli həqiqi hərbi xidmətə çağırışdan möhlət hüququ olanlar və ya müddətli həqiqi hərbi xidmətə çağırışdan azad edilənlər istisna olmaqla).

3.5. Ərizələri qəbul edilmiş namizədlər Mərkəzin internet portalında qeydiyyatdan keçir.”;

1.3.12. 3.6-cı bənd ləğv edilsin;

1.3.13. 3.7-ci bənddə “Vergilər Nazirliyi” sözləri “Xidmət” sözü ilə əvəz edilsin;

1.3.14. 3.9-cu, 3.11-ci və 3.13-cü bəndlər aşağıdakı redaksiyada verilsin:

“3.9. Test imtahanının nəticələri haqqında məlumat Mərkəzin internet portalında yerləşdirilir. Namizədin müraciəti əsasında test imtahanında topladığı bal barədə 2 gün müddətində ona Xidmət tərəfindən yazılı məlumat verilir.”;

“3.11. Test imtahanının nəticələri Xidmətə təqdim edildiyi gündən 14 iş günü müddətində müsahibənin keçirilmə vaxtı barədə Komissiya qərar qəbul edir. Müsahibənin keçirildiyi yer və vaxt barədə namizədlərə ən azı 5 gün əvvəl məlumat verilir. Müsahibə zamanı videoçəkiliş aparılır. Videoçəkiliş müsahibənin keçirilməsinə, eləcə də Komissiyanın normal fəaliyyətinə maneə törətməməlidir.”;

“3.13. Hər bir namizədlə müsahibə fərdi qaydada aparılır. Müsahibə başa çatdıqdan sonra Komissiyanın üzvləri arasında namizədin iştirakı olmadan onun barəsində fikir mübadiləsi aparılır.”;

1.3.15. 3.14-cü bəndin birinci cümləsindən “0, 1,” rəqəmləri çıxarılsın və həmin bəndə aşağıdakı məzmunda üçüncü cümlə əlavə edilsin:

“Müsahibənin yekun nəticəsi protokolla rəsmiləşdirilir.”;

1.3.16. 4.1-ci bəndin ikinci cümləsinə “əldə etmiş şəxslərdən” sözlərindən sonra “ali təhsil pilləsinin daha yüksək səviyyəsini bitirənlərə, təhsil səviyyəsi eyni olduqda isə” sözləri əlavə edilsin;

1.3.17. 4.2-ci bənd ləğv edilsin;

1.3.18. 4.3-cü bənddə “elan olunur və mətbuatda dərc etdirilir” sözləri “Xidmətin rəsmi internet saytında yerləşdirilir” sözləri ilə əvəz edilsin;

1.3.19. 4.4-cü bəndin birinci cümləsində “vergilər nazirinə” sözləri “Xidmət rəisinə” sözləri ilə əvəz edilsin;

1.3.20. 4.5-ci bəndin birinci cümləsində “Azərbaycan Respublikasının vergilər nazirinə” sözləri “Xidmət rəisinə” sözləri ilə əvəz edilsin, ikinci cümləsində “Vergilər naziri” sözləri “Xidmət rəisi” sözləri ilə əvəz edilsin;

1.3.21. 4.6-cı bənddə “Vergilər Nazirliyinin cari ildəki” sözləri “Xidmətin” sözü ilə əvəz edilsin, həmin bənddən “və bərabər nəticələr əldə edən” və “il ərzində” sözləri çıxarılsın və həmin bəndə aşağıdakı məzmunda ikinci cümlə əlavə edilsin:

“Namizədlərin kadr ehtiyatında saxlanılma müddəti iki ildir.”.

2. Azərbaycan Respublikasının Nazirlər Kabineti:

2.1. dövlət vergi orqanlarına işə qəbul mexanizmlərinin təkmilləşdirilməsi ilə bağlı təkliflərini üç ay müddətində Azərbaycan Respublikasının Prezidentinə təqdim etsin;

2.2. bu Fərmandan irəli gələn digər məsələləri həll etsin.

İlham ƏLİYEV,
Azərbaycan Respublikasının Prezidenti

Bakı şəhəri, 9 aprel 2021-ci il.

Mənbə: vergiler.az

---

Teleqram qrupumuza üzv olun

---

---

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

“Etibarlı mühasib” kitabını yazdığım vaxtlarda, bəzən məndə ilham və əks əlaqə, yəni, rəylər çatışmırdı. İşi belə görəndə, sosial şəbəkələrdə bizim səhifələrdən olan mühasiblərdən onları xoşbəxt edən şeylər barədə fikirlərini bizimlə bölüşməyi xahiş etdik.

1. Yekun hesabatda bütün məlumatlar qəşəng və düzgün əks olunduqda, hədsiz xoşbəxtlik hiss edirəm. Bu isə ilkin sənədlərin düzgün aparılmasından asılı olur… Bu, məhz mühasibatlığa aid olan bir şeydir. Dəqiqlik xoşuma gəlir. Bu, biliklərin və mühasibatlığın, proqramların və qanunvericiliyin və digər hər şeyin göstəricisidir…. Mühasibat uçotu həmçinin musiqi ilə də, məhz, “Mənim sevimli və zərif Heyvanım” filmindən Yevgeniy Doqun valsı ilə assosiasiya olunur. Artan gərginlik, azart və…. yekun akkordlar.
2. İlkin sənədlər “bulmacanı” xatırladır. Üst-üstə düşməli olan bir çox xırdalıqları nəzərə almaq lazım gəlir! Sonda isə “bulmacanın” bütün sözləri düzgün gəlir)). Bu çox maraqlıdır.
3. Mühasib – əla peşədir. Həmişə hər şeyi bilirsən, istənilən sövdələşməni hesablaya bilirslən. Bu, rəqəmlərin əsl simfoniyasıdır!
4. Baş mühasib kimi çalışdığınız zaman işləri bölüşdürməyi öyrənməlisiniz və bunu edə bilsəniz, hər şey yaxşı olacaq.
5. Baş mühasib – bu adamlarla iş üzrə menecerdir. O, sanki bir dirijor və ya məşqçidir.
6. Həmişə düşünməli olursan, ən çox xoşuma bu gəlir. Təhlili çox sevirəm – o, beyin üçün özünəməxsus bir fitnesdir.
7. Bu peşə məni çox təşkilatlandırıb, planlaşdırmanı ortaya çıxarıb, cəsarətləndirib və oxumağa-oxumağa-bir daha oxumağa sövq edib!
8. Konfrans forumlarına (məsələn, Balans Klubu) getməyi sevirəm. Bunun sadəcə vurğunuyam)). Bu məni xoşbəxt edir). Bəli. Həmçinin orada xoş bir simbioz – mühasibatlıq-səyahət-əyləncə-həmkarlar ilə ünsiyyət və daha nələr… nələr. Bunlar isə insanı çox ruhlandırır.

---

Teleqram qrupumuza üzv olun

---

---

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

“İl ərzində əmək məzuniyyətinin mütləq istifadə olunması ilə bağlı Əmək Məcəlləsinə dəyişiklik layihəsi hazırlanıb. Bu sahədə müəyyən tələblərin nəzərə alınmasını istəyirik”.

Bunu Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin (DƏMX) rəisi Fuad Heydərov “Növbətçi Müfəttiş”də çıxışı zamanı deyib.

Onun sözlərinə görə, işçi bəzən bilərəkdən məzuniyyətini istifadə etmir: “Bunda sonda müəyyən şəkildə kompensasiya almaq məqsədi güdülür. Lakin bu düzgün yanaşma deyil. İşəgötürənlərə tövsiyə edirik ki, qabaqcadan işçilərlə razılaşdırılmış şəkildə məzuniyyət qrafiki təsdiq etsin. Məcəllədə qrafikin tərtib olunması nəzərdə tutulub, lakin imperativ norma olmadığından tərtib olunmaya da bilər. Qrafik tərtib olunsa, işəgötürən işçinin qarşısında tələb qoya bilər ki, məzuniyyət hüququndan istifadə etsin. İllərlə məzuniyyətdən istifadə olunmaması gələcəkdə işəgötürənlər üçün arzuolunan deyil. Bu əməyin mühafizəsi qaydalarının pozulmasına gətirib çıxara bilər”.

Mənbə: report.az

---

Teleqram qrupumuza üzv olun

---

---

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Ümumdünya bankı ilk dəfə Ruiyaya borclu olan ölkələrlə bağlı məlumatları açıqlayıb. Rusiya inkişaf etməkdə olan ölkələrin ən böyük suveren kreditorları sırasında beşinci yerdədir. Birinci yerdə – Çindir, bu dövlətə digər ölkələr 149 milyard dollar borcludurlar. İkinci yerdə Yaponiyadır (107,1 milyard dollar), üçüncü yerdə 28,3 milyard dollarla Almaniya, dördüncü yerdə isə 27,3 milyon dollarla Fransa qərarlaşıb.

2019-cu ilin sonuna olan məlumata görə, RF-ə inkişaf etməkdə olan 30 ölkə ikitərəfli borclar üzrə 22,9 milyard dollar həcmində borcludurlar (bu, dövlətlərin borclarıdır və həmçinin hüquqi şəxslərin dövlətlər tərəfindən təmin edilmiş borclarıdır).

Rusiya qarşısında borc həcminə görə birinci yeri Belarus tutur –  8,1 milyard dollar. Bunlar 2019-cu il üçün olan məlumatlardır, burada Moskva və Minskin keçən payızda razılaşdıqları daha 1,5 milyard dollar nəzərə alınmayıb. Və bu yaxınlarda Rusiya Federasiyası ilə Belarusiya arasında 3 milyard dollarlıq yeni kredit üzrə danışıqlardan bəhs olunduğu barədə məlumatlar yayılmışdı.

Venesuela, Vyetnam, Hindistan, Banqldeş və Yəmən Rusiyaya 1 milyard dollardan çox borcludurlar.

Afrika ölkələrinin (Zambiya, Efiopiya, Mozambik, Madaqaskar, Sudan, Tanzaniya, Somali) Rusiya Federasiyası qarşısında ümumi borcunu Dünya bankı 973 milyon dollar qiymətləndirir. Kreditlərin böyük hissəsi hələ sovetlər dövründə ayrılıb. Bu zaman Misirin 495,5 milyon dollarlıq borcu ayrıca qeyd olunub.

Amerika təbii sərvətlərin idarə edilməsi İnstitutunun (NGRİ) iqtisadçısı Devid Mixalının RBK-yə verdiyi məlumata görə, borclar üzrə məlumat inkişaf etməkdə olan ölkələrin Maliyyə Nazirliyinin Dünya bankına verdiyi hesabatlardan irəli gələrək tərtib edilib. İqtisadçı qeyd edib ki, bütün borcların, təxminən, 5%-i kreditor ölkələr üzrə bölünməyib, Rusiya Federasiyasının borcluları siyahısında isə İraq və Kuba yoxdur, həmin dövlətlərin 2018-ci ilin sonuna olan borcları isə mətbuata görə, 4 milyard dollar təşkil edə bilər.

Rusiya Federasiyasının Maliyyə Nazirliyinin məlumatına görə, 1 oktyabr 2020 il tarixinə, dövlət və hüquqi şəxslər Rusiyaya 39,6 milyard dollar (avroistiqrazların  noyabr prospektinin məlumatları) borcludurlar. Belə çıxır ki, Dünya bankının inkişaf etməkdə olan ölkələrin Rusiya qarşısında borcları barədə məlumatları bu borcun yarısından bir qədər çoxunu əhatə edir.

Federal xəzinədarlığın məlumatlarına görə, ötən il Rusiya digər dövlətlərə 211 milyard rubl (2 milyrd 790 milyon ABŞ dolları) kredit verib. Bu il üçün 355 milyard rubl (4 milyard 690 milyon dollar) dəyərində maliyyə və ixrac hökumət kreditləri verilməsi planlaşdırılır.