Avro barədə maraqlı faktlar (3-cü hissə)
Avro əskinaslarının həqiqliyi
Avro əskinaslarının həqiqiliyini onun hərflərdən və on bir rəqəmdən ibarət seriya nömrələrinə əsasən də yoxlamaq olar. Latın əlifbasında hərfi sıra nömrəsi ilə əvəz etmək, bu rəqəmi qalanlarına əlavə etmək, sonra bir rəqəm çıxana qədər nəticə rəqəmlərini əlavə etmək lazımdır. Əgər bu rəqəm – 8-dirsə, əskinas həqiqidir.
Bu əskinasın seriya nömrəsidir – P19521377164
İngilis əlifbasının hərfləri
A – 1, B – 2, C – 3, D – 4, E – 5, F – 6, G – 7, H – 8, I – 9, J – 10, K – 11, L – 12, M – 13, N – 14, O – 15, P – 16, Q – 17, R – 18, S – 19, T – 20, U – 21, V – 22, W – 23, X – 24, Y – 25, Z – 26.
Hesablayaqmı?
P – ingilis əlifbasının 16-cı hərfidir, deməli, nümunə bu cür təsvir olunacaq:
16+1+9+5+2+1+3+7+7+1+6+4=62;
6+2=8.
Əskinas həqiqidir
“€” işarəsi
Təsdiq olunmuş qaydalara əsasən banknotda “€” işarəsi nominalın təyin olunmasından əvvəl banknotda yerləşdirilir. Lakin, bəzi ölkələrdə bu işarə əvvəlki vaxtlarda milli valyutalarda olduğu kimi rəqəmlərdən sonra çap olunur. Avstriyada avro qeyri-rəsmi olaraq avronun dizaynı ilə bağlı ümumavropa müsabiqəsinin qalibi olmuş avstriyalı rəssam Robert Kalinanın şərəfinə “kalina” adlandırılır. Digər almandilli ölkələrdə isə məişət arasında onu “oyro” adlandırırlar.