You can display the Full post on your Blog Page
Noyabr ayı üçün qeyri-iş günləri açıqlandı
Azərbaycanda 9 noyabr – Azərbaycan Respublikasının Dövlət Bayrağı günü ilə əlaqədar iş olmayacaq. (qeyri-iş günləri)
Həmin gün (noyabrın 9-u) şənbə gününə təsadüf etdiyindən noyabrın 11-i, həftənin bazar ertəsi də qeyri-iş günü hesab ediləcək.
Beləliklə, ardıcıl 3 gün – noyabrın 9-u, 10-u (bazar günü), 11-i iş olmayacaq.
Noyabrın 12-si (Konstitusiya Günü) isə iş günüdür.
Mənbə: report.az
Vakansiya: Baş Mühasib / İşəgötürən: Agrico LLC
Vakansiya barədə məlumat
– Mühasibat və vergi uçotunun aparılması;
– Mühasibat sənədlərinin düzgün tərtib edilməsi;
– Bütün növ hesabatların hazırlanması və aidiyyəti orqanlara (Xüsusi Rejimli Vergi Xidməti Departamenti, DSMF və Statiştika Şöbəsi) təqdim edilməsi;
– Bank əməliyyatlarının həyata keçirilməsi;
– Bazar ertəsi – Cümə: 8:30 – 17:30
– Şənbə : 10.00 – 16.00
Baş Mühasib üçün tələblər
– Əmək və Vergi Məcəlləsini yaxşı səviyyədə bilməlidir;
– Müvafiq normativ-hüquqi sənədlər, müəssisədaxili normativ sənədlər, iş vaxtının uçotu;
– Ən azı 3-5 il iş təcrübəsi (istehsalat, satış);
– Müvafiq normativ-hüquqi sənədlər;
– Maya dəyərinin hesablanması qaydaları;
– Avans hesablarının təlimatı;
– MS Office, 1C proqramlarında sərbəst işləməyi bacarmalıdır.
Maraqlanan namizədlər mövzu yerində Baş mühasib yazmaqla öz CV-lərini hr@agrico.az / info@finstaff.az ünvanına göndərə bilərlər.
Kreditora olan borc yararsız mallar səbəbi ilə azaldıldıqda hansı vergi öhdəlikləri yaranır?
Sual: Şirkətimizin əsas fəaliyyəti elektrik mallarının topdan və pərakəndə satışını həyata keçirməkdir. Mütəmadi olaraq satdığımız məhsulları xaricdən idxal edirik. İdxal edilən mallara görə xarici şirkətlərə borcumuz yaranır. İdxal edilən mallar şirkətimizin anbarına daxil olunduqdan sonra bəzən qablaşdırmanı açdıqda malların yararsız olduğu (istehsal zamanı qusurlu olduğu) aşkarlanır. Biz komissiya yaradıb yararsız malları akt əsasında silirik və silinmiş malların vergisini ödəyirik. Malların yararsız olmasını xarici şirkət nümayəndələri təsdiq edir və yararsız mallara görə xarici şirkətə yaranan borca Kredit Note təqdim edir və bizim onlara olan borcumuzu azaldır. Azaldılan borc bizim gəlirimiz hesab olunurmu? Bu halda biz təqdim etdiyimiz hesabatlarda azaldılan borcu necə əks etdirməliyik?
Cavab: Bildiririk ki, sorğunuzda qeyd edilən halda vergi ödəyicisi malları ƏDV-ni ödəməklə əldə etmişdirsə və müvafiq əvəzləşdirmə almışdırsa və ya almaq hüququ olmuşdursa ƏDV-nin məqsədləri üçün vergi tutulan əməliyyat sayılır. Malların idxalı zamanı ödənilmiş ƏDV məbləği dövlət büdcəsinə hesablanır.
Fiziki şəxslər tərəfindən dəymiş zərərlərin ödənilməsi ilə bağlı kompensasiya xarakterli gəlirləri gəlir vergisindən azad olduğu üçün gəlir vergisinə cəlb olunmur.
Hüquqi şəxslərin kompensasiya xarakterli gəlirləri mənfəət vergisindən azad edilməsi qanunvericilikdə nəzərdə tutulmadığı üçün həmin gəlirlər ümumi qaydada mənfəət vergisinə cəlb olunur.
Əsas: Vergi Məcəlləsinin 102.1.10-cu, 104-cü, 106-cı, 159.5-ci maddələri.
Mənbə: taxes.gov.az
Hərbi və xüsusi rütbəli şəxslərin pensiya təyinatı heç bir yerə müraciət edilmədən e-qaydada reallaşdırılacaq
Əmək və Əhalinin Sosial Müdafiəsi Nazirliyi tərəfindən sosial təminat sahələri üzrə elektron əsaslar üzərində proaktiv yönümlü xidmətlərin tətbiqi işlərinin əhatə dairəsi daha da genişləndirilir. Nazirliyin İctimaiyyətlə əlaqələr və kommunikasiya şöbəsindən verilən məlumata görə, bu işlər çərçivəsində xüsusi şərtlərlə pensiya təyinatı sisteminin də avtomatlaşdırılması istiqamətində işlərə başlanılıb.
E-sistem işə salınandan sonra xüsusi şərtlərlə pensiya təminat hüququ yaranan vətəndaşların (hərbi və xüsusi rütbəli şəxslər, dövlət qulluqçuları və b.) da bu hüquqları yarandığı gün pensiya təyinatları heç bir yerə müraciət edilmədən və sənəd təqdim olunmadan, e-qaydada reallaşdırılacaq.
Mənbə: vergiler.az
