Blog Full

Azərbaycanın Hesablama Palatası ilə Türkiyənin Sayıştay Başkanlığı arasında Həmkar Qiymətləndirməsi çərçivəsində qonşu ölkənin adı çəkilən qurumunun nümayəndə heyəti ölkəmizə səfər edib.

Bu barədə Hesablama Palatasından bildirilib.

Məlumata görə, nümayəndə heyətini Palatanın sədri Vüqar Gülməmmədov qəbul edib. O, iki qurum arasında 2005-ci ildə imzalanmış İkitərəfli Əməkdaşlığa dair Sazişin əhəmiyyətini və bu çərçivədə formalaşan əməkdaşlıq və dostluq əlaqələrinin önəmini vurğulayıb, görüşdə dost dövlətlərin ali audit orqanlarının birgə fəaliyyəti ilə bağlı fikir mübadiləsi aparılıb.

Daha sonra V.Gülməmmədov yeni növ koronavirus (COVID-19) şəraitinin yaratdığı iqtisadi və sosial çətinliklərin təsirlərinin yumşaldılması və aradan qaldırılması məqsədilə dövlətin həyata keçirdiyi geniş miqyaslı və əhatəli dəstək tədbirləri barədə məlumat verib, ali audit orqanları qarşısında həmin tədbirlər üçün icra edilmiş vəsaitlərin auditinin keçirilməsinin aktual bir məsələ kimi durduğunu qeyd edib. Bu baxımdan, Hesablama Palatasının 2020-ci ilin dekabr ayında təsdiq edilmiş cari ilin İş planına pandemiyanın təsirləri ilə mübarizə istiqamətində icra edilmiş vəsaitlərin auditi üzrə tədbirlərin daxil edildiyi, hal-hazırda artıq bu istiqamətdə nəzarət tədbirinin həyata keçirilməkdə olduğu diqqətə çatdırılıb.

Daha sonra Hesablama Palatasının sədr müavini Adil Məhərrəmov qonaqları salamlayıb və Həmkar Qiymətləndirməsi çərçivəsində görülmüş işlər barədə tədbir iştirakçılarını məlumatlandırıb. Sayıştay Başkanlığının Başkan yardımçısı cənab Zekeriya Tüysüz bildirib ki, Həmkar Qiymətləndirməsinin məqsədi Hesablama Palatasının maliyyə, uyğunluq və səmərəlilik (performans) auditləri daxil olmaqla ümumilikdə audit fəaliyyətinin cari vəziyyətinin audit metodologiyası çərçivəsində qiymətləndirilməsi və müəyyən olunan fərqlərin beynəlxalq standartlara uyğunluğunun təmin edilməsi ilə bağlı tövsiyələrin verilməsidir.

Z.Tüysüz həmçinin bildirib ki, ötən müddətdə layihə çərçivəsində öncədən müəyyən edilmiş İşçi Qrup planına əsasən, hər üç audit istiqaməti üzrə Hesablama Palatasının auditorlarının rəhbərliyi altında audit aparmış qruplarla videoformatda müxtəlif görüşlər keçirilib, Sayıştay Başkanlığının əməkdaşları hər üç formada auditlərin müxtəlif meyarlar üzrə qiymətləndirilməsi məqsədilə ümumilikdə 7 audit hesabatının İNTOSAİ tərəfindən qəbul edilmiş beynəlxalq audit standartlarına (İSSAİ) uyğunluğunu araşdırıb, görülmüş işlərin ilkin nəticələri təqdim olunmuş və nəzərdən keçirilmiş hesabatlar ətrafında müzakirələr aparılıb.

4 gün davam edəcək tədbirdə Həmkar Qiymətləndirməsi üzrə növbəti görüş və müzakirələrin keçirilməsi və iki qurumun əməkdaşları arasında təhlil edilmiş audit istiqamətləri üzrə təcrübə mübadiləsinin aparılması nəzərdə tutulub.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Mikayıl Cabbarov: “2 ayda vergi daxilolmaları 118,7 % icra olunub”

“Azərbaycan biznesi koronavirus (COVID-19) pandemiyasından sonrakı bərpa dövrünə daxil olur”.

Bunu iqtisadiyyat naziri Mikayıl Cabbarov feysbuk sosial şəbəkəsindəki hesabında bildirib.

“İlin 2 ayının yekunları ürəkaçandır. İlkin məlumata əsasən, vergi daxilolmaları proqnoza nisbətən 118,7 % icra olunub. Qeyri-neft-qaz sektorundan əlavə daxilolmalar 84,7 milyon manat təşkil edib”, – nazir qeyd edib.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Pullar və Rokfeller sülaləsi barədə 10 əhvalat (1-ci hissə)

1874-cü il yanvarın 29-da  kiçik amerikalı neft sənayeçisi, maliyyəçi, tarixdə ilk milyarderin oğlu və əfsanəvi Rokfellerlər sülaləsinin əsasını qoyan kiçik Con Devison Rokfeller dünyaya gəlib.

Rokfeller soyadı və “sərvət” sözünün – sinonimdir.  Tanınmış politoloq Nikolay Zlobinin fikrincə, Rokfellerlər Amerikanın iqtisadi və siyasi mədəniyyətinin ikonasıdır, Amerikanın qızıl dövrünün simvollarıdır. Amma, sülalə tədricən öz statusunu itirməkdədir – qohumların sayı getdikcə daha da artır, milyardlar isə başqalarının əllərində cəmləşməkdədir. Buna baxmayaraq, Rokfellerlər hələ də mövcuddur. “Bu ailənin üzvləri, birincisi, Amerikanın siyasi isteblişmentinin ümumi əhval-ruhiyyəsinə təsir edirlər, – deyə Zlobin qeyd edir. – Böyük hüquq firmaları, lobbi firmaları, KİV-lər, hərbi qurumlar arasında onların nümayəndələri az deyil. Baxmayaraq ki, təsiri əvvəlki kimi deyil, bəzi səviyyələrdə bu mövqelər yenə də müqayisə olunur”.

Baba – at oğrusu

Tarixdə ilk milyarder olan şəxsin atası Uilyam Rokfeller 1810-cu ildə anadan olub. Rəsmi olaraq o, dərman ticarəti ilə məşğul olmuşdu. Ancaq, adi bir əczaçı deyildi, heç bir xüsusi təhsili də yox idi və xalq təbabəti ilə məşğul olanlarla əməkdaşlıq edərək, dərman satışı ilə ticarət edirdi. Uilyam ABŞ-ın şimali-şərq hissəsi ilə səyahət edərək, şübhəli dərman iksirləri satırdı. 1849-cu ildə Uilyamın oğlu Con Rokfellerin 10 yaşı olanda, ailə təcili şəkildə yaşayış yerini dəyişdirməli olmuşdu, buna yer dəyişdirmək də demək olmazdı. Əslində ata Rokfeller ailəsi ilə birlikdə həmin yeri qaçaraq tərk etmişdi. Sənədlər bu qaçışın ciddi səbəblərlə bağlı olduğunu təsdiq edir – belə ki, Uilyam Rokfeller at oğurluğunda ittiham olunurdu.

Lal-kara ərə getmək

Dünyanın varlı adamının anası Elayza Devison idi. Qadın növbəti fırıldaqçılıqda iştirak edən və özünü lal-kar kimi qələmə verən Uilyamı ilk dəfə gördükdə, belə söyləmişdi: “Əgər bu şəxs lal-kar olmasaydı, mən ona ərə gedərdim!”. Uilyam bunun faydalı bir fikir olduğunu çox tez başa düşdü – atası Elayzaya 500 dollarlıq cehiz verəcəkdi. Çox tezliklə onlar nişanlandılar, iki ildən sonra isə böyük Con-Rokfeller dünyaya gəldi.

Onun yaxşı eşitdiyini aydınlaşdıranda Elayza ondan ayrılmadı. Qadın hətta əri Nensi Braunu evə gətirəndə belə, yenə də onu atmadı, o və Elayza növbə ilə Uilyam üçün uşaqlar dünyaya gətirməyə başladılar.

Qazanc dalınca əri gecələr gedirdi. O, hara və nə üçün getdiyini izah etmədən qaranlıqda yoxa çıxırdı və bir neçə ay sonra sübh çağlarında geri qayıdırdı – Elayza pəncərə şüşəsinə dəyən kiçik daşın səsindən yuxudan ayılardı. O, evdən bayıra qaçır, darvazanın qapılarını açardı və əri yeni bir atın üstündə, əynində təzə bir kostyum, bəzi vaxtlarda isə barmaqlarında brilyant qaşlı üzüklərlə icəri daxil olardı.

Yaraşıqlı kişi az pul qazanmırdı: atıcılıq müsabiqələrində prizlər əldə edir, “Qolkondadan olan dünyanın ən gözəl zümrüdlə ri” lövhəsi asılmış mağazada bu cür qiymətli daşlarla alver edirdi və özünü məşhur otlarla müalicə həkimi kimi təqdim edirdi. Qonşuları onu iblis-Bill adlandırırdılar: bəziləri Uilyamı peşəkar qumar oyunçusu, digərləri isə quldur hesab edirdilər.

Bir neçə illik sərgərdan həyatdan sonra Rokfellerlər ailəsi nəhayət Klivlenddə oturaq həyata keçdilər, lakin, ona görə deyil ki, Big Bill – Uilyam Rokfelleri at həvəskarları arasında belə adlandırırdılar –  belə istəmişdi. Sadəcə 1855-ci ildə günlərin birində, o, şəxsini həkim Uilyam Livinqston kimi tanıyan Marqaret adında tamamilə gənc bir qızla evlənərək, naməlum istiqamətə üz tutmuşdu.

Məqalənin 2-ci hissəsini buradan oxuya bilərsiniz.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Dünya qızıl bazarı (2-ci hissə)

Nağd qızılın əsas istehlakçısı zərgərlik sənayesidir ki, burada tələbat sasən qızılın qiyməti ilə müəyyən edilir: qiymət nə qədər aşağıdırsa, tələbat da bir o qədər yüksəkdir. Lakin, bu qanunauyğunluq dünyanın iqtisadi yüksəliş dövrlərində fəaliyyət göstərir, tənəzzül dövründə isə zərgərlik sənayesinə tələbat azalır və qiymətlər də nisbətən aşağı düşür.

Məqalənin 1-ci hissəsini buradan oxuya bilərsiniz

Belə bir maraqlı vəziyyət yaranıb. Qızıl hasilatçıları qızılın əsas həcmlərini dünya bazarına çıxararaq malın qiymətinə sırf iqtisadi üsullarla –  qiymət dəyişiklikləri zamanı təklifin həcmlərinin dəyişməsi ilə təsir etmək üçün nisbətən kiçik imkanlara malikdirlər. Onların iki yolu olur. Bunlardan birincisi, qızılın son satış həcmlərini azaltmaq və qaydaya salmaq məqsədi ilə beynəlxalq bankların siyasətinə təsir göstərməkdir. İkincisi, qiymətlərin böyük dəyişikliklərə uyğunlaşdırılması, qiymətlərin aşağı düşdüyü dövrlərdə xüsusi xərcləri elə azaltmağı bacarmaqdır ki, bu şərtlər daxilində də istehsalın rentabelliyini təmin etsin.

Dünyada qızıl hasilatı

GFMS-in məlumatına görə, artıq 2003-cü ilin sonunda hasil edilən qızılın dünya ehtiyatları 150,4 min tona yaxın təşkil edib. Bu ehtiyatlar aşağıdakı kimi paylanıb:

• dövlət Mərkəzi bankları və beynəlxalq maliyyə təşkilatları – təxminən 30 min ton;
• zərgərlik məmulatlarında – 79 min ton;
• elektron sənayesində və stomatologiyada – 17 min ton;
• investisiya yığımları – 24 min ton.

2013-cü ildə hasil edilən qızılın dünya ehtiyatları, hər il metal hasilatının həcmi nəzərə alınmaqla, daha da artıb və təxminən 180 min ton təşkil edib.

Son 25 il ərzində qızıl hasilatının və kəşfiyyatının inkişafının dünya tendensiyalarının təhlili göstərir ki, qızıl istehsalının həm artımı, həm də azalması meylləri fəal şəkildə özünü göstərir. Ötən əsrin yetmişinci illərində qızılın bazar qiymətinin dəfələrlə artması dünya birliyinin əksər ölkələrində onun istehsalçılarının fəallığına ciddi təsir göstərib. Zəif və çətin saflaşdırıla bilən filizləri emal etmək; balansdankənar ehtiyatları (əvvəllər texniki-texnoloji və iqtisadi səbəblərdən hasilata yararsız hesab edilən) istismara cəlb etmək;  əvvəllər tərk edilmiş və “konservasiya edilmiş” karxanaların və poliqonların, mədənlərin və şaxtaların istismarını bərpa etmək; bir çox dağ-mədən və zənginləşdirici kombinatların tərkibində müəyyən miqdarda metallar olan texnogen çöküntülərini (ilkin emal zaman səmt komponentlər və ya tam təmizlənilməmiş komponentlər) emal etmək faydalı olub.

Son üç onillikdə dünyada qızıl hasilatının coğrafi strukturu kökündən dəyişib. Belə ki, 1980-ci ildə Qərb ölkələrində qızılın ümumi istehsalı 944 t təşkil edirdi, özü də həmin qızılın 675 t və ya 70% -dən çoxu CAR-da istehsal olunurdu. Artıq 1990-cı ildə kəskin dəyişikliklər baş verdi. CAR dünyada ən böyük istehsalçısı kimi qalmaqda davam edib, lakin, onun istehsalı 605 tona (Qərb ölkələrində ümumi qızıl istehsalının 35% -i) kimi azalıb. Eyni zamanda, Qərb ölkələrində qızıl istehsalı 80-ci illə müqayisədə 83% artıb – 1755 tona qədər artıb.

Qızılın istehsalı sürətli templərlə artaraq ABŞ-da 294 t (1980-ci il səviyyəsini 10 dəfə üstələyib), Avstraliyada 244 t (14 dəfə), Kanadada 169 t (təxminən 3,5 dəfə) səviyyəsinə yüksəlib. Sakit okean hövzəsinin cənub-qərb hissəsində – Filippin, Papua-Yeni Qvineya və İndoneziyada yeni böyük qızıl produsentləri yaranmışdır. Latın Amerikasında qızıl hasilatı sürətlə artırdı. Qızıl mədəninin ərazi strukturunda mühüm dəyişikliklər 90-cı illər ərzində də baş vermişdir.

Məqalənin 3-cü hissəsini buradan oxuya bilərsiniz

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun