Blog Full

Rusiyalılar bank əmanətlərindən imtina etməyə hazırlaşırlar

Rusiyalıların demək olar ki, 30 faizi əmanətlər üzrə ödənilən faizlərin aşağı düşməsi səbəbilə öz vəsaitlərini banklardan geri almağa hazırdırlar. Rusiya dövlət sığorta bankının apardığı tədqiqatlar nəticəsində belə bir mənzərə ortaya çıxıb. Bu haqda Lenta.ru saytı məlumat verib.

Respondentlərin 36 faizi əmanət strategiyasının dəyişiklik olmadan qalmasına razıdırlar, iki faiz əmanətçi isə pullarını qismən götürəcəklərini söyləyiblər. Onların 7,6 və 4 faizi investisiya üçün müvafiq olaraq qızılı, istiqrazları və daşınmaz əmlakı alternativ kimi gördüklərini söyləyiblər.  Daha 12 faiz respondent isə öz əmanətləri və yatırımları üçün daha əlverişli metodlar axtaracaqların bəyan ediblər.

Respondentlər arasında 21 yaşından 35 yaşına kimi olanların 36 faizi banklardakı bütün vəsaitlərini geri almağa hazır olduqlarını söyləyiblər, amma, 55 yaşından yuxarı olan rusiyalılar arasında bu göstərici 25 faiz təşkil edir.

Gənclər arasında yeni investisiya variantları axtarışına hazır olanlar 14 faiz təşkil edir, yaşlılar arasında isə bu 11 faizdir. Gənclərin üçdə biri investisiya strategiyasını dəyişdirməkdən imtina ediblər, yaşlı nəsil arasında isə belələri 43 faiz təşkil edir. Gənc nəsil səhmləri və daşınmaz əmlakı daha cəlbedici investisiya aləti hesab edirlər.

Valyuta kursu yüksələcəyi halda 68 faiz rusiyalı banklardakı əmanətlərinə toxunmayacaqlarını bildiriblər. 16 faiz respodent isə kursun dəyişəcəyi halda rublla olan əmanətlərini xarici valyutaya dəyişdirəcəklərini söyləyiblər. Əmanətçilərin altı faizi isə vəsaitlərini xərcləyəcəklərini bəyan ediblər. 5 faiz əmanətçi valyuta kursunun yüksələcəyi halda bütün əmanətlərini banklardan geri çəkəcəklərini, 1 faiz əmanətçi isə pullarını qızıla, daşınmaz əmlaka yatıracaqlarını və səhmlər satın alacaqlarını bildiriblər

Sorğu 21 yaşdan yuxarı olan və əsasən əhalisi 100 min nəfədən çox olan şəhərlərdə və əmanətləri, yığım hesabları və debet kartları olan 1,2 min nəfər rusiyalı arasında keçirilib.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Qeyri-adekvat baş mühasibin qeydləri: niyə biz hələ də mühasibik və ya peşənin sevincləri barədə

1-ci hissə

Biz niyə mühasib işləyirik? Hazırkı şəraitdə bu peşə mazoxizmin bir növünə çevrilmişdir: qüvvədə olan qanunvericilik daim dəyişir və onun təkmilləşdirilməsi üçün son hədd yoxdur. İlllik, rüblük, aylıq olaraq verilməsi zəruri olan hesabatların sayı həndəsi silsilə ilə artır – və yalnız buna vaxt çatdırmaq qalır. Hesabat dövrləri arasında isə vergi müfəttişlərinin tələb və soğularına cavab verməlisən. Gəlin, etiraf edək ki, belə bir  əməyin müqabilində ödənilən əmək haqqı da adekvat deyil. Bu bizim nəyimizə lazımdır?

Şəxsən məni çox vaxt bütün bunları tərk etmək və evlərin idarə olunması ilə bağlı ixtisasa yiyələnmək fikirləri məşğul edir. Xüsusilə də qanunvericilərin növbəti dəfə hansısa dəyişiklər üzərində “çalışmalarını” eşitdikdə tüklərim biz-biz olur. Bütün bunların üzərinə işəgötürənlərin bir nəfər kimi nəsə qəribə istəklərini də əlavə etmək lazımdır. Hər bir uğursuz şeyə görə cərimə sanksiyalarının böyük bir siyahısını gördükdə isə artıq susuram.

Bəs, biz niyə buranı tərk etmirik?

1C. Mühasibatlıq həyatı fiskal orqanlar tərəfindən əziyyətlərə qatlaşan moskvalı baş mühasib Lena Mixalevanın qeydlərini dərc edib.

Mən baş mühasib vəzifəsində çoxdan işləyirəm – hərdən mənə gəlir ki, bu qədər heç yaşamaq mükün deyil. 8 müxtəlif şirkətlərdə, müxtəlif  rejimlərdə və çox müxtəlif rəhbərlərlə işləyirəm.

Keçmiş həyatımda təbiət elmləri ilə məşğul olduğum üçün fərqli insanların davranış və qavrayışının xüsusiyyətləri məndə canlı maraq doğurur.

Mənim direktorlarım arasında  bir-birinə bənzəyən ikinci birisi yoxdur.

Biri bütün mühasibatlığı mənim üzərimə yüklədikdən sonra rahatlamışdı – təki mən onun işinə mane olmayım. İkincisi əksinə, mənim etdiyim hər bir işlə maraqlanırdı, əvəzimdən Vergi Kodeksi ilə mübahisə edirdi və büdcəyə ödənilən hər bir qəpiyə görə mənim başımı qoparmağa hazır idi.

Hələ də donquldamağı bacardığıma görə utancaqlıq hissi keçirirəm. Lakin, artıq susmaq çox çətindir.

Mənim qeydlərim – debeti kreditdən fərqləndirən hər bir kəsə tanış olan bizlərin sevincləri və problemləri barədədir.

Birincisi, bu qədər illərimi mühasibatlığa verdikdən sonra əlimi ürəyimə qoyub başqa bir ixtisasa, özü də tamamilə yad birinə yiyələnmək, nəsə düzgün alınmır. Ali məktəbdə neçə illər ərzində aldığın təhsili, ixtisasartırma kurslarını, tər və əzm sayəsində əldə etdiyin təcrübəni bir anda yoxluğa çevirməyə təəssüflənirsən.

Qeyri-adekvat baş mühasibin qeydləri (2-ci hissə)

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun