Blog Full - Audit.Az

Oxunma sayı: 129. 940

30 Noy 2020

Yeni kassa aparatlarının istifadəsi zamanı güzəşt varmı?

by Audit.Az | posted in: sual-cavab, Xəbər | 0

Marketdə istismarda olan 3 ədəd nəzarət-kassa aparatı mövcuddur. 10 yanvar 2020-ci il tarixdə həmin kassa aparatları Vergilər Nazirliyinin elektron informasiya sisteminə qoşulmuş yeni nəsil nəzarət-kassa aparatları ilə əvəzlənib və köhnə aparatlar qeydiyyatdan çıxarılıb. Bu halda, yeni kassa aparatına görə güzəştdən yararlanmaq mümkündürmü?

Vergilər Nazirliyindən bildirilib ki, 1 yanvar 2020-ci il tarixdən Vergi Məcəlləsində edilmiş dəyişikliyə əsasən, Azərbaycan Respublikası Nazirlər Kabineti tərəfindən müəyyən edilmiş meyarlara cavab verən və Vergilər Nazirliyinin elektron informasiya sisteminə real vaxt rejimində qoşulmuş nəzarət-kassa aparatını quraşdıran vergi ödəyicisi tərəfindən hər bir nəzarət-kassa aparatının quraşdırılmasına çəkilən xərclərinin (nəzarətkassa aparatının dəyəri daxil olmaqla) dəyəri Azərbaycan Respublikasının Prezidenti tərəfindən müəyyən edilmiş həddə nəzarət-kassa aparatı quraşdırıldıqdan sonra yaranan vergi öhdəlikləri ilə əvəzləşdirilir.

Aşağıdakı hallarda nəzarət-kassa aparatının quraşdırılmasına çəkilən xərclər vergi öhdəlikləri ilə əvəzləşdirilmir:

NKA 2019-cu ilin 1 yanvar tarixinədək quraşdırıldıqda;

nəzarət-kassa aparatı 2019-cu ilin 1 yanvar tarixindən sonra quraşdırıldıqda, lakin Nazirlər Kabineti tərəfindən müəyyən edilmiş meyarlara cavab vermədikdə;

nəzarət-kassa aparatı 2019-cu ilin 1 yanvar tarixindən sonra quraşdırıldıqda, Nazirlər Kabineti tərəfindən müəyyən edilmiş meyarlara cavab verdikdə, lakin əvvəllər istifadədə olan nəzarət-kassa aparatını əvəzləmədikdə.

Qeyd olunanlara əsasən, 10 yanvar 2020-ci il tarixdə marketdə quraşdırılmış yeni nəzarət-kassa aparatları köhnə kassa aparatlarını əvəz etdiyindən və Vergilər Nazirliyinin elektron informasiya sisteminə qoşulduğundan, həmin nəzarət-kassa aparatlarının alınmasına və quraşdırılmasına çəkilən xərclər qanunla müəyyən edilmiş həddə yaranan vergi öhdəlikləri ilə əvəzləşdirilir.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

30 Noy 2020

Təmir xərcləri hansı qaydalarla tənzimlənir?

by Audit.Az | posted in: sual-cavab, Xəbər | 0

Sual: Azərbaycan Respublikasının Vergı Məcəlləsində “Təmir” sözünün anlayışı necə izah edilir? Belə ki, orta təmir, cari təmir, əsaslı təmir sözlərinin fərqlərinin izahı və bu sözlərdən hansı nəzərdə tutulur? Vergı Məcəlləsində “Təmir” sözü altında. Uzunmüddətli icarəyə götürülmüş avtomaşınların şinlərinin və sürtkü yağlarının (texniki normalar daxilində) dəyişdirilməsi istehsalat xərclərinə aiddir yoxsa təmir xərclərinə?

Cavab: Bildiririk ki, təmir xərclərinin mühasibat uçotunda əks etdirilməsi Azərbaycan Respublikası Maliyyə Nazirliyinin Kollegiyasının 23 sentyabr 2014-cü il tarixli Q-19 nömrəli Qərarı təsdiq edilmiş “Təmir məsrəflərinin mühasibat uçotunda əks etdirilməsinə dair Qaydalar”ı ilə tənzimlənir.

Belə ki, əsas fondların hər bir kateqoriyasının texniki və iqtisadi göstəricilərinin müəyyən edilmiş hədd daxilində saxlanılması üçün (onun ayrı-ayrı tez sıradan çıxan (tezköhnələn) hissələrinin və detallarının dəyişdirilməsi, bərpası, rənglənməsi, sazlanması) həyata keçirilən təmir işləri üzrə məsrəflər cari təmir məsrəflərinə aid edilir. Bunlarla yanaşı, əsaslı təmir məsrəfləri əsas fondların istismar müddətinin uzadılması və (və ya) istismar keyfiyyətinin yaxşılaşdırılması məqsədi ilə smeta sənədləri əsasında hesabat ili ərzində bir dəfədən çox olmamaq şərti ilə yerinə yetirilən işlər üzrə onların tam və ya əhəmiyyətli dərəcədə bərpasına, o cümlədən tam aşınmış (köhnəlmiş), sıradan çıxmış əsas fondların struktur komponentlərinin bütün hissələrinin sökülməsinə və dəyişdirilməsinə çəkilmiş məsrəflərdir.

Vergi Məcəlləsində vergitutma məqsədləri üçün təmir məsrəflərinin əsaslı, cari və ya orta təmir olmasında asılı olmayaraq əsas vəsaitlərin təmirinə çəkilmiş məsrəflər təmir xərclərinə aid edilir. Buna əsasən nəqliyyat vasitələrinin ehtiyat hissələrinin dəyişdirilməsi və ona texniki qulluğun (yağ, şin dəyişmə və s.) göstərilməsi ilə bağlı çəkilən xərclər təmir xərci olmaqla Vergi Məcəlləsinin 115-ci maddəsinin müddəalarına uyğun olaraq norma daxilində gəlirdən çıxılan xərclərə aid edilir, normadan artıq olan məbləğ isə cari vergi ilinin sonuna həmin nəqliyyat vasitələrinin qalıq dəyərinə artırılır.

Bunlarla yanaşı, vergi ödəyicisi tərəfindən balansa götürülmüş nəqliyyat vasitələrinə görə çəkilmiş təmir xərcləri gəlirdən çıxılır. Eyni zamanda nəqliyyat vasitələri icarəçi tərəfindən balansa götürülmədikdə nəqliyyat vasitələrinə görə çəkilmiş təmir xərcləri gəlirdən çıxılmır.

Əsas: Vergi Məcəlləsinin 115-ci maddəsi və “Təmir məsrəflərinin mühasibat uçotunda əks etdirilməsinə dair Qaydalar”ın təsdiq edilməsi barədə 23 sentyabr 2014-cü il tarixli Q-19 nömrəli Qərarı.

Mənbə: taxes.gov.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

30 Noy 2020

Dövlət Vergi Xidməti “ƏDV geri al” layihəsi ilə bağlı açıqlama yayıb

by Audit.Az | posted in: Xəbər | 0

Dövlət Vergi Xidməti “ƏDV geri al” layihəsi ilə bağlı açıqlama yayıb

Son günlər vətəndaşlardan “ƏDV geri al” layihəsi ilə bağlı tətbiq edilən müxtəlif tətbiqlər və həmin tətbiqlərdən istifadə edilən zaman ƏDV-nin geri alınmasında çətinliklərlə üzləşmələri barədə müraciətlər daxil olur.

Bu barədə İqtisadiyyat Nazirliyi yanında Dövlət Vergi Xidmətinin açıqlamasında bildirilir.

Məlumatda həmçinin deyilir ki, vətəndaşlar ticarət və ictimai iaşə obyektlərində ödəmələr zamanı hesablanmış ƏDV məbləğinin qaytarılması üçün www.edvgerial.az saytı və “BirBank” tətbiqindən istifadə edə bilərlər. Rəsmi elan edilmiş bu sayt və “Birbank” tətbiqi ilə bağlı hər hansı çətinliklər mövcud deyildir. Ödənilmiş ƏDV-nin geri alınması üçün qeyd edilən sayt və tətbiqdən istifadə edilməsi tövsiyə edilir.

Vətəndaşlar digər yaradılmış müxtəlif tətbiqlərdən istifadədə diqqətli olmalı, həmin tətbiqləri telefonlara yükləyərkən onların yaradılma məqsəd və şərtləri ilə tanış olmalıdırlar.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

30 Noy 2020

Xidmətlərin göstərilməsi zamanı malların təqdim edilməsi

by Audit.Az | posted in: Xəbər | 0

Vergi ödəyiciləri xidmətlərin göstərilməsi zamanı malların təqdim edilməsi ilə bağlı müəyyən suallarla qarşılarşırlar. Mövzunu iqtisadçı ekspert Anar Bayramov şərh edir.

Vergi Məcəlləsinin 13.2.11-ci maddəsinə əsasən, xidmətlərin göstərilməsi (işlərin görülməsi) zamanı istifadə olunan mallar ayrıca təqdim edilmirsə və ya xidmətin (işin) dəyərinə daxil edilməyən kompensasiyalı xərclər müqavilədə və ya ödəniş sənədlərində ayrıca göstərilmirsə, həmin mallar və ya xərclər xidmətin (işin) ayrılmaz tərkib hissəsi hesab edilir.

Misal 1. Vergi ödəyicisi qarşı tərəflə bağlanmış xidmət müqaviləsinə əsasən, həm konsaltinq xidməti göstərir, həm də həmin xidmətə aid kitablarının satışını həyata keçirir. Artıq bu əməliyyatların hər birinə ayrıca baxılmalıdır:

– xidmət göstərilməsi (konsaltinq xidməti);

– malların təqdim edilməsi (kitabın satışı).

Misal 2. Vergi ödəyicisi qarşı tərəflə ofisin rənglənməsi ilə bağlı 10.000 manatlıq xidmət müqaviləsi imzalayır. Müqavilədə qeyd edilir ki, xidməti göstərən şəxs ofisin rənglənməsi üçün göy və qırmızı rəngli boyalardan istifadə etməlidir. Təbii ki, xidmət göstərən rənglənmə xidmətini həyata keçirmək üçün həmin boyaların alınmasını təmin etməlidir. Burada boyaların alınması xidmətin göstərilməsinin tərkib hissəsidir. O səbəbdən müqavilədə qeyd edilən məbləği ümumi şəkildə xidmətin göstərilməsi kimi qəbul edəcəyik. Bu halda xidmət göstərən şəxs təqdim etdiyi elektron qaimə-fakturada xidmətin göstərilməsi üçün 10.000 manat qeyd edəcək.

Misal 3. Vergi ödəyicisi ofisin rənglənməsi üçün qarşı tərəflə imzaladığı müqavilədə rənglərin mal kimi təqdim edilməsini və xidmətin göstərilməsini ayrıca qeyd edib: müqavilənin ümumi dəyəri 10.000 manat olsa da, 6000 manat məbləğində mallar, 4000 manat məbləğində isə rənglənmə xidmətinin göstərilməsi qeyd edilib. Bu halda xidmət göstərən şəxs təqdim etdiyi elektron qaimə-fakturada xidmət və malların təqdim edilməsini ayrıca qeyd etməlidir. Çünki xidmətlərin göstərilməsi (işlərin görülməsi) zamanı istifadə olunan mallar ayrıca təqdim edilib və ya xidmətin (işin) dəyərinə daxil edilməyən kompensasiyalı xərclər müqavilədə və ya ödəniş sənədlərində ayrıca göstərilib. Bu halda Vergi Məcəlləsinin 13.2.11-ci maddəsinə əsasən, həmin mallar və ya xərclər xidmətin (işin) ayrılmaz tərkib hissəsi hesab olunmadığına görə ayrıca qeyd edilməlidir.

Mənbə: vergiler.az