Blog Full - Audit.Az

Oxunma sayı: 129. 927

27 Noy 2020

Auditorlar Palatası Şurasının növbəti iclası keçirilib

by Audit.Az | posted in: Audit, Xəbər | 0

Auditorlar Palatası Şurasının videokonfrans formatında növbəti iclası keçirilib.

Bu barədə Palataya istinadən xəbər verir.

Məlumata görə, Şura üzvlərinin və Şura yanında komitə sədrlərinin iştirak etdiyi videokonfransda aşağıdakı məsələlər müzakirə edilib və müvafiq qərarlar qəbul olunub.

– Auditorlar Palatası-nın 2021-ci il üzrə iş planının layihəsinin müzakirəsi;

– Auditorlar Palatasının fəaliyyətə başlamasının 25 illiyi ilə əlaqədar hazırlıq tədbirlərinin həyata keçirilməsi;

– Auditorun şəxsi kabineti sisteminin tətbiq edilməsinə dair hesabat;

– Auditə dair kitabların, dərs vəsaitlərinin, məlumat və təbliğat-təşviqat xarakterli kitabça, broşür, prospektlərin və digər materialların hazırlanmasının və nəşr etdirilməsinin təşkil edilməsi;

– Auditor fəaliyyəti ilə əlaqədar təlimatlar, tövsiyələr, metodik göstəriş və şərhlərin hazırlanmasına dair hazırlanmış hesabat.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

27 Noy 2020

Bir şəxslə eyni vaxtda həm əmək həm də xidmət müqaviləsi bağlamaq olar?

by Audit.Az | posted in: sual-cavab, Xəbər | 0

Bir şəxslə eyni vaxtda həm əmək həm də xidmət müqaviləsi bağlamaq olar?

Sual: Öyrənmək istərdim ki, hər hansı işçi müəssisə ilə əmək müqaviləsi bağlayıb işlədiyi halda, həmin müəssisə ilə eyni zamanda əmək müqaviləsi ilə yanaşı digər xidmət müqaviləsi bağlayıb əlavə məvacib ala bilərmi?

Cavab: Bildiririk ki, müraciətinizdə qeyd olunan hal sahibkarlıq fəaliyyəti hesab olunur və qanunvericilikdə bununla bağlı məhdudiyyət nəzərdə tutulmamışdır.

Bu halda həmin şəxs vergi ödəyicisi kimi uçota alınaraq əldə olunan gəlirlərdən həmin gəlirin əldə olunması ilə bağlı xərclərini çıxmaqla gəlir vergisi ödəməlidir.

Vergi ödəyicisi kimi uçotda olmadığı halda isə gəliri ödəyən şəxs ödəmə mənbəyində 14 faiz dərəcə ilə gəlir vergisi və 25 faiz dərəcə ilə sosial sığorta haqqı tutub aidiyyəti üzrə köçürməli, hesabat təqdim etməlidir.

Əsas: Vergi Məcəlləsinin 101-ci,108-ci, 109-cu, 150.1.7-ci, 218.5.10-cu və 218.6-cı maddələri.

Mənbə: taxes.gov.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

27 Noy 2020

PAŞA Bankdan kiçik və orta biznes sahibləri üçün “Black Friday” endirimləri!

by Audit.Az | posted in: Bank, PAŞA Bank, Xəbər | 0

Azərbaycanın aparıcı korporativ bankı, PAŞA Bank “Black Friday” endirim mövsümü çərçivəsində kiçik və orta biznes sahiblərinə onlayn biznes kreditlərinə edilmiş müxtəlif endirim və güzəştlərdən yararlanmağı təklif edir.

26-30 noyabr 2020-ci il tarixlərində davam edəcək kampaniya daxilində onlayn biznes kreditinə müraciət edən sahibkarlar üçün komissiya xərclərinə 25% endirim tətbiq olunacaq və illik faiz dərəcəsi məbləğindən asılı olmayaraq 16.5% olacaq. Bundan əlavə, qeyd olunan tarixlərdə hesab açmaq və ilk ölkədaxili ödəniş tamamilə pulsuz olacaq. Həmçinin, müştərilər təkrar ödənişlərdə də əlavə pulsuz ödənişlər qazanmaq şansını əldə edəcəklər.

Mövcud vəziyyəti nəzərə alaraq onlayn satışa üstünlük verməyi planlaşdıran, lakin ödənişlərin onlayn qəbul olunması üçün saytı və ya mobil tətbiqi olmayan biznes sahibləri PAŞA Bankın “Linklə ödəniş” xidmətinə tətbiq olunan endirimlərdən yararlana bilərlər. Belə ki, kampaniya çərçivəsində mövcud müştərilər bu xidmət üçün hər ödənişə 50%-dək, yeni qoşulan müştərilər isə 10% endirim əldə edəcəklər.

Onu da qeyd edək ki, PAŞA Bankın xüsusi kredit şərtlərindən və endirim platformasından yararlanmağa, eləcə də mobil tətbiq ilə bank xidmətlərindən istifadə etməyə imkan verən yeni sərfəli əməkhaqqı layihəsi mövcuddur. Kampaniya müddətində PAŞA Bank əməkhaqqı layihəsinə yeni qoşulan müştərilər üçün 5 əməkhaqqı kartı pulsuz təklif olunacaq.

Məhsullar haqqında ətraflı məlumat əldə etmək və müraciət üçün https://pashabank.digital/login?utm_source=accounts_payments&utm_medium=email&utm_campaign=black_friday_2020 saytı vasitəsilə və ya PAŞA Bank Əlaqə Mərkəzi ilə əlaqə saxlayın: * 8123 / (+99412) 4965004

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

27 Noy 2020

Vergi Məcəlləsinin 156.1-1-ci maddəsinin tətbiqi

by Audit.Az | posted in: Vergi, Xəbər | 0

Vergi ödəyicisinin Vergi Məcəlləsinin 156.1-1-ci maddəsinin tətbiqi barədə sorğusuna baxılıb.

Vergilər Nazirliyindən bildirilib ki, qeyd olunan maddəyə əsasən, mülkiyyətində və ya istifadəsində olan avtonəqliyyat vasitələri ilə Azərbaycan Respublikasının ərazisində sərnişin və yük daşımalarını (o cümlədən taksi ilə) və yaxud həmin daşımaları müqavilə əsasında digər şəxslər vasitəsilə həyata keçirən şəxslərin ƏDV qeydiyyatına alınmasına dair tələblər müəyyən edilmişdir.

Maddədə deyilir ki, mülkiyyətində və ya istifadəsində olan avtonəqliyyat vasitələri ilə Azərbaycan Respublikasının ərazisində sərnişin və yük daşımalarını (o cümlədən taksi ilə) və yaxud həmin daşımaları müqavilə əsasında digər şəxslər vasitəsilə həyata keçirən və aşağıdakı tələblərə cavab verən şəxslər bu maddə ilə müəyyən olunan hüquqdan istifadə edə bilərlər:

göstərilən xidmətlərin dəyərini və alınmış malların (işlərin və xidmətlərin) dəyərini nağdsız qaydada əldə edən və ödəyən;

digər vergi ödəyicilərinə göstərilən xidmətlər üzrə əldə edilən gəlirlərini və gəlirlərin əldə edilməsi üzrə çəkilən xərclərini elektron qaimə-faktura ilə rəsmiləşdirənlər;

göstərilən xidmətlər üzrə əməliyyatların uçotunu vahid mərkəzləşdirilmiş elektron sistem üzərində aparan və vergi orqanının həmin sistemə məsafədən çıxış imkanını təmin edənlər.

Həmin maddə ilə müəyyən olunmuş tələblərdən biri də qeyd olunan fəaliyyətlə məşğul olan və ƏDV-nin məqsədləri üçün qeydiyyat haqqında könüllü ərizə vermək niyyətində olan şəxslər tərəfindən göstərilən xidmətlər üzrə əməliyyatların uçotunun vahid mərkəzləşdirilmiş elektron sistem üzərində aparılması və vergi orqanının həmin sistemə məsafədən çıxış imkanının təmin edilməsidir.

Bu məqsədlə, qeyd olunan fəaliyyətlə məşğul olan və göstərilən xidmətlər üzrə əməliyyatların uçotunu vahid mərkəzləşdirilmiş elektron sistem üzərində aparan vergi ödəyicisi tərəfindən özünün elektron informasiya sisteminə vergi orqanının çıxış imkanı əldə etməsi üçün müvafiq texniki baza yaradılmaqla ərizə ilə qeydiyyatda olduğu vergi orqanına müraciət edilməlidir.

Mənbə: vergiler.az