Blog Full - Audit.Az

Oxunma sayı: 143. 262

15 Dek 2020

Dünyanın ən səxavətli ölkəsinin adı məlum olub

by Audit.Az | posted in: Xəbər | 0

Dünyanın ən səxavətli ölkəsinin adı məlum olub

İrlandiya, 2020-ci ildə adambaşına düşən ianə baxımından ən səxavətli ölkə olub, bu haqda Forbes nəşri məlumat verib.

Beşliyə həmçinin ABŞ, Böyük Britaniya, Kanada və Avstraliya da düşüb. İl ərzində bütün ianələr heç də yalnız COVİD-19-la əlaqəli olmayıb. Ümumbərabərlik uğrunda mübarizə aparan təşkilatlar da dəstək alıblar. Bundan başqa, Amerika ərzaq fondu 2020-ci ildə vəsaitlər yığımı üzrə ən uğurlu kampaniya keçirib. Təşkilat ehtiyacı olan amerikalıları yedirtmək üçün 44 milyon dollardan çox vəsait toplaya bilib.

Koronavirusla mübarizəyə bağışlanan şəxsi vəsaitlərin rekordçusu Twitter qurucusu Cek Dorsi seçilib. Cek Dorsi artıq bu məqsədlər üçün milyard dollar pul verib. Biznesmen həm mütləq məbləğ üzrə, həm də öz sərvətindən ayırdığı pay üzrə ən saxavətli xeyriyyəçi olub.

Bu məbləğ digər məşhur mesenatların xərclədiyindən çoxdur. Məsələn, Bill və Melinda Geytslər COVİD-19-la mübarizəyə yalnız 100 milyon dollar pul köçürüblər.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

15 Dek 2020

Kapital Bank “YAŞAT” Fonduna yarım milyon manat köçürdü

by Audit.Az | posted in: Bank, Kapital Bank, Xəbər | 0

Kapital Bank korporativ sosial məsuliyyət strategiyasına uyğun olaraq Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək üçün yaradılan “YAŞAT” Fonduna vəsait ayırıb. Bank fondun hesabına yardım məqsədilə 500 000 manat məbləğində vəsait köçürüb.

Məlumat üçün bildirək ki, Azərbaycan Respublikası Prezidentinin 8 dekabr 2020-ci il fərmanı ilə yaradılan “YAŞAT” Fondunun manat və xarici valyutalarda rekvizitləri açıqlanıb. Bir sıra iri holdinq və şirkətlər kimi Kapital Bank da müəyyən məbləği, qeyd olunan hesaba köçürtdü. Həmçinin PAŞA Qrup şirkətləri tərəfindən “YAŞAT” Fonduna ümumilikdə 2 milyon manat vəsait ianə edilib.

Qeyd edək ki, ölkə başçısı tərəfindən yaradılan fondun əsas məqsədi Vətən Müharibəsi zamanı yaralanmış hərbi qulluqçuların və şəhidlərin ailələrinin sosial müdafiəsi sahəsində dövlət tərəfindən həyata keçirilən tədbirlərə əlavə dəstək verilməsi, maliyyə yardımlarının göstərilməsi və digər dəstək tədbirlərinin həyata keçirilməsidir.

Azərbaycanda ən böyük filial şəbəkəsinə malik olan Kapital Bank, 102 filialı və 18 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

14 Dek 2020

Britaniya şirkəti onlarla öz əməkdaşını milyonçu edib

by Audit.Az | posted in: Xəbər | 0

Böyük Britaniyanın The Hut Group texnologiya şirkətinin qurucusu Mett Moldinq, öz firmasının 74 əməkdaşına şirkətin səhmlərini hədiyyə etməklə, onları milyonçuya çevirib. Bu haqda Mirror nəşri xəbər verib.

Son on il ərzində təxminən 430 əməkdaş (menecerlər və katiblərdən tutmuş, anbar fəhlələrinə qədər) pulsuz səhmlər əldə ediblər. Məsələn, firmada iki ildən də az vaxt ərzində işləyən sürücü, 40 min funt sterlinq (53 min ABŞ dolları) qazanc əldə edib. “Biz Britaniya korporasiyaları tarixində istənilən şirkətdən daha çox milyonçu yaratmışıq”, – Moldinq belə söyləyib. Onun sözlərinə görə, işçi-milyonçuların sayı yüksəlməkdə davam edəcək.

Personal üçün ayrılan təxminən bir milyard funt sterlinqə yaxın (1,3 milyard dollar) səhm məbləğinin, təqribən 175 milyon funt sterlinqini (233 milyon dollar) hələ bölüşdürmək lazım gələcək. Moldinq həmçinin bəyan edib ki, o, özünün bütün əmək haqqını – 750 min funt sterlinqi (997 min dollar) xeyriyyə işlərinə ayırmağı planlaşdırıb.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

14 Dek 2020

KOBİA işğaldan azad olunan ərazilərdə biznes qurmaq istəyən sahibkarlara müraciət edib

by Audit.Az | posted in: Xəbər | 0

Kiçik və Orta Biznesin İnkişafı Agentliyi (KOBİA) işğaldan azad olunmuş ərazilərdə biznes qurmaq istəyən sahibkarlara müraciət edib.

KOBİA-dan bildirilib ki, Azərbaycan Prezidenti, Silahlı Qüvvələrin Ali Baş Komandanı İlham Əliyevin qətiyyəti, Müzəffər Azərbaycan Ordusunun sücaəti nəticəsində işğaldan azad edilmiş ərazilərdə biznes qurmaq istəyən sahibkarlar biznes layihələrini agentliyə təqdim edə bilərlər.

Agentliyə müraciət edən sahibkarlara işğaldan azad olunmuş ərazilərin iqtisadi və investisiya potensialına dair informasiya, məsləhət, əlaqələndirmə və digər dəstək və xidmətlər göstəriləcək.