Blog Full

Avropa banklarını çətin günlər gözləyir

Avropa Mərkəzi Bankı (AMB) ənənəvi maliyyə sabitliyi icmalında ən azıdan gələn il üçün avrozonadakı kommersiya bankları üçün çətin dövrlər proqnozlaşdırır. Sözgedən sənəd tənzimləyicinin saytında dərc olunub.

AMB-nin qiymətləndirməsinə görə, bank sektorunun mənfəətinin ötən ilin səviyyəsinə qədər bərpa edilməsi, 2022-ci ildən əvvəl mümkün olan deyil. Bu isə öz növbəsində, bütün Avropa iqtisadiyyatının vəziyyətinə mənfi təsir göstərəcək, çünki kreditləşmə potensialını azaldacaq.

2020-ci ilin nəticələrinə görə, xalis mənfəətin səhmdar kapitalının həcminə nisbəti kimi hesablanan şəxsi kapitalın rentabelliyi (ŞKR) ötən ilki 6 faizə qarşı cəmi 1,7 faiz təşkil edə bilər. Daha sonra o, tədricən bərpa olunmağa başlayacaq – 2021-ci ildə 3,1 faizə qədər və 2022-ci ildə 5 faizə qədər.

Bununla yanaşı, bu son proqnoz deyil və Avropa ölkələri tərəfindən yeni məhdudiyyətlərin tətbiq edilməsi səbəbindən azalmaya doğru yenidən baxıla bilər.

Bank sektoru borc bazarında faiz dərəcələrinin artırılması şərtilə özünü daha inamlı hiss edə bilərdi, lakin yaxın gələcəkdə bu, mümkün deyil, çünki bir çox ölkələrin tənzimləyiciləri kimi, AMB yeni ucuz kreditlər vasitəsilə iqtisadiyyatı stimullaşdırmaq üçün yumşaq pul-kredit siyasətinə riayət edir.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Karantin rejimi dövründə fəaliyyətinə qismən və ya tam icazə verilən sahələr üzrə əmək münasibətlərinin tənzimlənməsi ilə bağlı müəyyən suallar yaranır. Mövzunu iqtisadçı ekspert Anar Bayramov şərh edir.

Nazirlər Kabinetinin 31 mart 2020-ci il tarixli, 122 saylı qərarına əsasən, dövlət orqanlarında və qurumlarında işə cəlb edilməyən işçilərin əməkhaqqının saxlanılması nəzərdə tutulub. Həmin qərarın 1.4-cü bəndində göstərilib ki, bu Qərarın 2 nömrəli əlavəsində müəyyən edilmiş fəaliyyətinə icazə verilən sahələrdən başqa, digər sahələrdə işə cəlb edilməyən işçilərin əməkhaqlarının saxlanılması işəgötürənlərə ciddi tövsiyə edilsin.

Qərarın 1.5-ci bəndində isə qeyd edilib ki, imkan oduqda işə cəlb edilməyən işçilərin öz evində, habelə distant (məsafədən) iş və ya teleiş formasında işləmələri təmin edilsin.

Fəaliyyəti tam məhdudlaşdırılmayan sahələr üzrə karantin rejiminə uyğun əmək münasibətlərinin qurulması digər qanunvericilik aktları ilə tənzimlənir. Əmək Məcəlləsinin 169-cu maddəsinə əsasən, boşdayanmanın başlanması haqqında işçi işəgötürənə və ya iş yeri üzrə rəhbərinə (briqadirə, ustaya, digər vəzifəli şəxslərə) xəbərdarlıq etdikdə, işçinin təqsiri olmadan boşdayanma vaxtı işçi üçün müəyyən edilmiş dərəcənin tarif (vəzifə) maaşının üçdə iki hissəsindən az olmayaraq ödənilir.

Misal: Fəaliyyətinə icazə verilən turizm müəssisəsi ancaq xarici səfərlərin təşkili ilə məşğul olduğu üçün məcburi boşdayanma yaranıb. Bu zaman işəgötürən qərar verir ki, işçilərin tarif maaşının üçdə iki hissəsini ödəsin və onlar müəyyən müddət işə gəlməsinlər.Tutaq ki, tur operatorunun aylıq əməkhaqqı 600 manat, satışlara görə aldığı bonusun məbləği isə 200 manat olub. Buna baxmayaraq, işəgötürən yalnız tarif maaşının 2/3 hissəsini, yəni 400 manat ödəməklə işçiləri evə buraxa bilər:

(600 manat x 2 / 3) = 400 manat.

Boşdayanma müddətində satışların olmaması və ya çox az olması bonusları da dayandırır.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun