Blog Full

Mürəkkəb faiz – dünyanın səkkizinci möcüzəsi

2-ci hissə

Məqalənin 1-ci hissəsini buradan oxuya bilərsiniz.

Tarixdə mürəkkəb faizin daha bir əyləncəli və maraqlı nümunəsi də var. Bu, amerikan universitetlərində iqtisadiyyatdan dərs deyən müəllimlərin nümunə gətirdikləri sevimli bir misaldır. 1626-cı ildə koloniyaçılar Manhetten adasını yerli sakinlərdən 24 dollara satın alırlar. Hindular təbii ki, həmin pulları çox tez xərclədilər və bunu ümumiyyətlə, unutdular. Əgər onlar həmin pulu o vaxt hətta mürəkkəb 10 faizlə yatırsaydılar, bu gün üçün hindular Manhetten adasını hətta bütün infrastrukturu (göydələnlər, yollar, metro, mağazalar və s.) ilə birlikdə geri ala bilərdilər. Hindular indiyə kimi 200 trilyon dollardan çox bir məbləğ toplaya bilərdilər (!)

Bu əhvalat həqiqətən böyük təəssürat yaratdı, lakin, gəlin indiki real həyatımıza qayıdaq. Yığım müddətini 20 il ilə məhdudlaşdıraq. Tutaq ki, siz ayda 1000 dollar qazanırsınız. Əgər qazancınızın 10 faizini (yəni, 100 dollar) hər ay illik 20 faizlə yatırım etsəniz, nə ola bilər?

Müddət                        Yatırılmışdır                 Yekun məbləğ

    1 il                                 1200                                 1380

    5 il                                 6000                                 9300

   10 il                               12000                               28000

   15 il                               18000                               65000

   20 il                               24000                               142000

Belə çıxır ki, 20 ilərzində hər ay 100 dollar yatırım etməklə siz yekunda 142 000 dollar əldə edirsiniz. Siz öz yığımınızı 118 dəfə (!) artırmış olursunuz.

Və bütün bu vaxt ərzində biz həmin müddətin əvvəlindəki vəsaitin yeganə yatırımı barədə danışdıq. Əgər siz hər ayda həmin məbləğdən əlavə vəsaitlər də yatırsanız, məbləğ daha tez iki dəfə artmış olacaq. Müəyyən bir məbləği müxtəlif dövrlərdə və fərqli gəlirlilik səviyyələrində kapitallaşdırma və doldurulma yolu ilə müxtəlif onlayn kalkulyatorlardan istifadə etməklə nə qədər qazanc əldə edə biləcəyinizi hesablaya bilərsiniz.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Amerika dolları necə hazırlanır

6-cı hissə

Məqalənin 5-cı hissəsini buradan oxuya bilərsiniz

100 dollarlıq banknot – 1969-cu ildən ABŞ-ın federal ehtiyatlar sisteminin nominal üzrə ən böyük biletidir (baxmayaraq ki, vaxtilə buraxılan 500, 1000, 5000 və 10000 dollarlıq əskinaslar da mövcuddur və onlar da həqiq banknotlar hesab edilir). 100 dollarlıq banknotun üz tərəfində Bencamin Franklinin portreti təsvir olunub, arxa tərəfində isə ABŞ-ın müstəqillik Bəyannaməsi və Konstitusiyasının imzlandığı İndepenendens-holl-un təsviri yer alıb.

İlk 100 dollarlıq biletlər federal hökumət tərəfindən 1862-ci ildə buraxılıb. Franklinin portreti əskinaslarda ilk dəfə 1914-cü ildə, İndepenendens-holl-un şəkli isə 1928-ci ildə peyda olub. Təkcə 2009-cu maliyyə ilində qravüra və çap Bürosu 1 785 600 000 yüz dollarlıq əskinaslar buraxıb.

ABŞ-ın 25-ci prezidenti Uilyam Mak-Kinlinin (William McKinley) portreti 1934-cü ildə buraxılan 500 dollarlıq banknotda yer alıb.

ABŞ-ın 22-ci və 24-cü prezidenti olmuş Grover Klivlendin portreti isə 1934-cü ildə buraxılan 1000 dollarlıq banknotlarda yer alıb.

ABŞ-ın dördüncü prezidenti Ceyms Medisonun portreti isə 5000 dollarlıq banknotlarda təsvir olunub.

Linkolnun prezidentliyi dövründə Maliyyə nazirliyinin rəhbəri, sonralar isə ABŞ Ali məhkəməsinin sədri işləmiş Selmon Çeyzin portreti 1934-cü il nümunəli 10 000 dollarlıq banknotda təsvir olunub. Son dəfə bu banknotlar 1944-cü ildə buraxılıb. Selmon Çeyz amerikan valyutalarının üzərində “Allaha güvənirik” (In God We Trust) mətninin ilk yazılışı ilə bağlı göstəriş verib – həmin sözlər 1864-cü ildə 2 sentlik sikkələrin üzərində də zərb edilib. Kağız dollarlarda isə bu yazı 1957-ci ildə peyda olub, 1963-cü ildən isə daim istifadə edilir. Maraqlıdır ki, 1863-cü ildə buraxılan ilk 1 dollarlıq nümunəli banknotlarda Corc Vaşinqtonun deyil, Selmon Çeyzin portreti təsvir olunmuşdu (10000 dollarlıq banknotlar artıq buraxılmır, lakin, hələ də dövriyyədə 100 ədəd o cür əskinas var və onlar bu günə kimi qanuni ödəniş vasitəsi hesab olunur).

28-ci prezident Vudro Vilsonun portreti 1934-cü ildə buraxılmış 100 000 dollarlıq banknotda təsvir olunub (banknot ABŞ federal ehtiyatlar sisteminin daxili ödənişləri üçün nəzərdə tutulub, heç vaxt sərbəst dövriyyədə olmayıb).

İndi siz dünyanın ən populyar valyutasının necə hazırlandığı barədə hər şeyi bilirsiniz.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

“Vedomost”i nəşrinin yazdığına görə, Federal vergi xidməti (FVX) özünün təxmin etdiyi qiymətləndirməyə əsasən əlavə vergi ödəmələrini tələb edə bilər. Yaxın vaxtlarda Rusiya prezidenti Vladimir Putin Vergi Məcəlləsinə (VM) dəyişikliklər haqqında qanun imzalayacaq.

Rusiya hakimiyyət orqanları daha çox vergi toplamaq istəyir, bu səbəbdən beynəlxalq bazarlarda əməliyyatları məcburi vergi nəzarətinə tabe olan malların siyahısı genişləndiriləcəkdir. Qanun layihəsi bir çox beynəlxalq bazarlara toxunacaqdır. Vergi xidməti daxili qiymətdən yüksək ola biləcək hər hansı bir dəyərləndirilmiş qiymət üzrə verginin ödənilməsini tələb etmək hüququ əldə edəcək. Belədə firmalar vergini transfert və təxmin edilən qiymət arasındakı fərqlə ödəməli olacaqlar.

Qanun layihəsi yalnız şirkətlərə deyil, fiziki şəxslərə də təsir edəcək. “Verginin hesablanmasının və ödənilməsinin düzgünlüyünün yoxlanılması üçün sənədlərin saxlanma müddəti 4 ildən 5 ilə qədər artırılır. Banklar vergi orqanlarının tələbi ilə bank sirri olan əlavə sənədləri təqdim etməli olacaqlar”, – MEF PKF vergi praktikasının tərəfdaşı Gennadi Timoniçev belə deyir.

Bundan əvvəl Maliyyə Nazirliyi “rəqəmsal vergi” tətbiq etməyi düşünürdü və müvafiq beynəlxalq təcrübəni öyrənirdi. İdarə müdirinin müavini Aleksey Sazonov bildirib ki, böyük xarici şirkətlər Rusiyada xidmət göstərməkdən mənfəət alırlar. Lakin büdcəyə heç bir şey ödəmirlər, çünki ölkədə nümayəndəlikləri yoxdur. Bununla əlaqədar hakimiyyət pul vəsaitlərinin alınması mexanizmini işləyib hazırlamaq istəyir.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun