Oxunma sayı: 154. 616
21 Sen 2018

“Vergilər Nazirliyinin hesabına köçürülən vəsaitdən istifadə Qaydası”nda dəyişikliklər edilib

by | posted in: Vergi, Xəbər | 0

VergilərAZƏRBAYCAN RESPUBLİKASININ
NAZİRLƏR KABİNETİ
Q Ə R A R
№ 399
Bakı şəhəri, 18 sentyabr 2018-ci il
Azərbaycan Respublikası Nazirlər Kabinetinin 2017-ci il 17 oktyabr tarixli 442 nömrəli qərarı ilə təsdiq edilmiş “Vergi orqanları işçilərinin sosial müdafiəsinin gücləndirilməsi, vergi orqanlarının maddi-texniki bazasının möhkəmləndirilməsi, vergi sahəsində elmitexniki potensialın artırılması məqsədi ilə Azərbaycan Respublikası Vergilər Nazirliyinin hesabına köçürülən vəsaitdən istifadə Qaydası”nda dəyişikliklər edilməsi barədə

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikası Vergilər Nazirliyinin təklifinə əsasən Azərbaycan Respublikasının Nazirlər Kabineti QƏRARA ALIR:

Azərbaycan Respublikası Nazirlər Kabinetinin 2017-ci il 17 oktyabr tarixli 442 nömrəli qərarı (Azərbaycan Respublikasının Qanunvericilik Toplusu, 2017, № 10, maddə 1904; 2018, № 3, maddə 587) ilə təsdiq edilmiş “Vergi orqanları işçilərinin sosial müdafiəsinin gücləndirilməsi, vergi orqanlarının maddi-texniki bazasının möhkəmləndirilməsi, vergi sahəsində elmi-texniki potensialın artırılması məqsədi ilə Azərbaycan Respublikası Vergilər Nazirliyinin hesabına köçürülən vəsaitdən istifadə Qaydası”nın 3.2.6-cı yarımbəndinin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 3.2.7-ci yarımbənd əlavə edilsin:

“3.2.7. Vergilər Nazirliyinin təsisçisi olduğu və ya idarəetməsində olan kütləvi informasiya vasitələrinə, o cümlədən sahibi olduğu internet informasiya ehtiyatlarına maliyyə yardımının ayrılmasına.”.

Azərbaycan Respublikasının
Baş naziri                                  Novruz Məmmədov

Mənbə: cabmin.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Mühasibat, Audit və Kadr Xidmətləri üçün linkə daxil olun.

 

21 Sen 2018

21 Sentyabr – Rumıniyada Mühasiblər günüdür

by | posted in: muhasibat, Məqalə, Xəbər | 0

Mühasiblər günüMəlum olduğu kimi, hər il 10 noyabr dünyada Beynəlxalq Mühasiblər Günü kimi qeyd olunur. Amma, buna baxmayaraq, bir çox ölkələrdə mühasiblərin ölkə üzrə keçirilən milli bayram günləri də təsis olunub. Rumıniya da həmin ölkələr sırasındadır. Belə ki, bu ölkədə sentyabrın 21-i Mühasiblər Günü kimi təsis olunub. Rumın mühasiblər bu gün öz peşə bayramlarını qeyd edirlər.

Rumıniya dövləti Avropanın cənubi-şərqində yerləşir. Əhalisi 19 milyon 500 min nəfərdir, ərazisi 238 391 km2 təşkil edir. Hər iki göstəriciyə görə regionun böyük ölkələrindən biri sayılır.

Sənaye ölkəsidir, inkişaf etməkdə olan iqtisadiyyata malikdir. 2017-ci ildə ümumdaxili məhsul (ÜDM) 470 milyard ABŞ dolları təşkil edib ki, bu adambaşına 23 min dollardan çox edir. Pul vahidi rumın leyidir. Hazırda 4 rumın leyi 1 dollar təşkil edir.

Maraqlıdır, bəs Rumıniyada əməkhaqqı ilə bağlı məsələ hansı səviyyədədir, digər peşə sahibləri ilə müqayisədə rumın mühasiblər nə qədər maaş alırlar?

Rumıyada bir sıra peşələr üzrə mövcud olan orta aylıq maaşları sizin diqqətinizə çatdırırıq.

Turizm sahəsində çalışanlar ayda 500 dollar, inşaatçılar 707, rabitəçilər 805, arxitektor 846,  biznes təhlilçilər 905, bank işçiləri 1067, telekommunikasiya sahəsində çalışanlar 1163, satış üzrə menecerlər 1799, mühasibat uçotu sahəsində çalışanlar (mühasiblər) və maliyyəçilər 1816 dollar əməkhaqqı alırlar.

Göründüyü kimi, şərqi Avropa ölkəsi sayılan Rumıniya kimi bir ölkə üçün bu məvacib heç də pis sayıla bilməz. Qeyd etmək lazımdır ki, Rumiyada ən yüksək maaşları tibb işçiləri qazanırlar – onların aylıq əməkhaqqı 4600 dollara çatır.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

21 Sen 2018

Təsisçiyə borc qaytarıldıqda necə rəsmiləşdirilir?

by | posted in: Vergi, Xəbər | 0

borcTəsisçiyə borc qaytarıldıqda necə rəsmiləşdirilir?

Sual: Müəssisə təsisçiyə borcu geri qaytardıqda bunu necə həyata keçirməlidir? Bu zaman banklararası kredit hərracı necə həyata keçirilir. Maddəni göstərməklə.

Cavab: Bildiririk ki, müəssisəyə təsisçi tərəfindən faizsiz borc verilməsinə qanunvericilikdə məhdudiyyət nəzərdə tutulmamışdır. Borc tərəflər arasında qanunvericiliyə uyğun olaraq bağlanılan borc müqaviləsinə əsasən verilə bilər. Hüquqi şəxsin təsisçisi tərəfindən pul vəsaiti əvəzsiz olaraq hüquqi şəxsə verildikdə, bu zaman həmin pul vəsaitləri hüquqi şəxsin gəliri hesab olunmaqla satışdankənar gəlir kimi bəyan edilərək müvafiq qaydada vergiyə cəlb olunmalıdır. Hüquqi şəxslə onun təsisçisi mülki hüququn ayrı-ayrı subyektləri olmaqla vergitutma məqsədləri üçün qarşılıqlı surətdə asılı olan şəxslər sayıldığından təsərrüfat əqdləri həmin şəxslər arasında həyata keçirildikdə vergilərin hesablanması bazar qiyməti nəzərə alınmaqla həyata keçirilir.

Həmçinin bax: Təsisçi ilə borc müqaviləsinin notariusda təsdiqinin zəruriliyi

Qeyd edilənlərə əsasən təsisçi tərəfindən müəssisəyə faizsiz verilmiş borcun məbləğinə həmin borcun aid olduğu dövrdə eyni valyuta ilə oxşar müddətə verilmiş kreditlər üzrə faizlərin səviyyəsi nəzərə alınmaqla faizlər hesablanmalı və təsisçiyə ödənilən faiz məbləğlərindən ödəmə mənbəyində 10 faiz dərəcə ilə vergi tutulub dövlət büdcəsinə ödənilməlidir. Müəssisə tərəfindən vergi ödəyicisi kimi vergi orqanlarında uçotda olmayan təsisçi fiziki şəxslərə borc pul vəsaitinin qaytarılması “Nağdsız hesablaşmalar haqqında” Azərbaycan Respublikasının Qanununun 3.3-cü maddəsində qeyd edilən hədlər daxilində nağd qaydada, vergi ödəyicisi kimi vergi orqanlarında qeydiyyatda olan təsisçiyə faizsiz pul vəsaitlərinin qaytarılması isə yalnız nağdsız qaydada həyata keçirilməlidir. Banklararası kredit hərracının keçirilməsi barədə məlumat almaq üçün aidiyyəti üzrə Mərkəzi Banka müraciət etməyiniz tövsiyə olunur.

Bax: Vergi Məcəlləsinin 14.3-cü, 18-ci, 58.7-1-ci, 110-cu, 123.1-ci 150-ci maddələri, “Nağdsız hesablaşmalar haqqında” Azərbaycan Respublikasının 16 dekabr 2016-cı il tarixli 461-VQ nömrəli Qanununun 3-cü maddəsi.

Mənbə: taxes.gov.az

Həmçinin bax: Şirkət qarşılıqlı əlaqəli olmayan şəxslərdən faizsiz borc ala bilər?

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

21 Sen 2018

1000 manat məvaciblə Mühasib tələb olunur

by | posted in: İş elanı, muhasibat, Xəbər | 0

MühasibVəzifə: Mühasib

İşəgötürən: “FQAC” MMC

  • Şəhər: Bakı
  • Yaş: 27 – 65 yaş
  • Təhsil: Ali
  • İş təcrübəsi: 5 ildən artıq
  • Əlaqədar şəxs: Bayramova Günay

Həmçinin bax: 2500 manat məvaciblə Baş mühasib axtarılır

İş barədə məlumat:
– Mühasibatlıq, vergi uçotu və DSMF ,Statistika ilə bağlı əməliyyatlar
– E-qaimə və Vergi Hesab Fakturaların yazılması, gömrük bəyannamələri ilə bağlı əməliyyatları, vergi qanunverciliyi və Əmək Məcəlləsi ilə dəqiq işləmək bacarığı
– Vergilərin hesablanması və hesabatların hazırlanması
– Statistika, DSMF hesabatlarının hazırlanması
– BTP proqramında işləmək
– Əmək haqqının hesablanması
– Büdcə təşkilatlarında işlərin aparılması
– Kotirovka və tenderə sənədlərin hazırlanması
– İş qrafiki: 1-5-ci günlər, 09:00-dan 18:00-dək, 6-cı gün, 10:00-dan 15:00-dək
Namizədə tələblər:
– Büdcə təşkilatlarında mühasib sahəsində təcrübəsi olan şəxslər
– 1C 8.3 və MS Office proqramlarını bilməli
– Azərbaycan, rus dillərini mükəmməl bilməli

Mənbə: boss.az

1 … 1. 956 1. 957 1. 958 1. 959 1. 960 1. 961 1. 962 … 2. 408