Blog Full - Audit.Az

Oxunma sayı: 147. 341

25 Apr 2020

Mikayıl Cabbarov sahibkarlar üçün yeni həyat tərzini açıqladı

by Audit.Az | posted in: Xəbər | 0

Mikayıl Cabbarov sahibkarlar üçün yeni həyat tərzini açıqladı.

“Azərbaycanda kononavirus (COVID-19) pandemiyasının nə qədər davam edəcəyini dəqiq müəyyən etmək mümkün deyil. Bu, insanların müəyyən edilmiş karantin qaydalarına nə dərəcədə riayət etməsindən asılıdır”.

Bunu jurnalistlər üçün keçirilən brifinqdə İqtisadiyyat naziri Mikayıl Cabbarov deyib.

Onun sözlərinə görə, sahibkarlar yeni davranış qaydalarını başa düşməli, tətbiq etməlidir.

“Şəxsi gigiyena qaydalarına əməl olunması, “sosial məsafə”nin qorunması həlledici amildir. Bunlar, eləcə də qoruyucu maskalardan istifadə bizim gündəlik həyat tərzimizə çevrilməlidir. Ticarət obyektlərində işçilərin maskalardan istifadəsi mütləqdir. Restoranlarda masalar arasında məsafə qorunmalıdır. İş yerlərində əllərin mütəmadi yuyulması, dezinfeksiya işlərinin aparılması, mağazalarda müştəri sayının tənzimlənməsi, onlayn satış və elektron xidmətlərə üstünlük verilməsi vacibdir. Sahibkarlara dəstəklə bağlı addımlar ona görə atıldı ki, iqtisadiyyat dayanıqlı olsun, onun rəqabət qabiliyyətliliyi və iş yerləri qorunub-saxlanılsın, məşğulluq aşağı düşməsin”, – deyə nazir qeyd edib.

M.Cabbarov həmçinin deyib ki, sahibkarlıq fəaliyyətində davamlılıq vacib amil və məqsəddir: “Gəlirlərin sabitliyi yeni iqtisadi həyat tərzinə uyğunlaşmadan asılıdır. Virusun qarşısını almaq hər bir vətəndaşın borcudur. Dövlətin dəstək tədbirləri virusla mübarizədə yeganə alət deyil. Sahibkar da bir vətəndaş kimi bu işə öz töhfəsini verməlidir. Hər birimiz bu mübarizənin ümumxalq işi olduğunu anlamalıyıq”.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

25 Apr 2020

190 manatlıq ödəniş üçün VÖEN olması heç bir rol oynamır

by Audit.Az | posted in: Xəbər | 0

Sahib Ələkbərov: “190 manatlıq ödəniş üçün VÖEN olması heç bir rol oynamır”

“Mən Əmək və Əhalinin Sosial Müdafiəsi nazirinin müavini ilə danışmışam və biz razılaşmışıq ki, 190 manatlıq ödəniş məsələsində VÖEN olması heç bir rol oynamır”.

Bunu İqtisadiyyat nazirinin müavini Sahib Ələkbərov VÖEN almış şəxslərə birdəfəlik ödənişlərin verilməsindən imtina edilməsinə münasibət bildirərkən deyib.

“Həmin məsələ ilə bağlı sualı yaranan vətəndaşın şikayəti araşdırıla bilər”, – o qeyd edib.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

25 Apr 2020

Koronavirus pandemiyasından sonra sərnişin təyyarələrinin gələcəyi proqnozlaşdırılır

by Audit.Az | posted in: Məqalə, Xəbər | 0

Koronavirus pandemiyasından sonra sərnişin təyyarələrinin gələcəyi proqnozlaşdırılır.

Aviasiya mütəxəssisləri gələcəkdə koronavirus pandemiyası səbəbindən böyük sərnişin təyyarələri -nin yoxa çıxacağını proqnozlaşdırır. Bu haqda Daily Mail nəşri məlumat verib.

Mütəxəssislərin fikrincə, vəziyyət sabitləşdikdən sonra aviaşirkətlər böyük ehtimalla kiçik ölçülü təyyarələrə keçəcəklər. Mülki Aviasiya iki ən böyük yeni təyyarədən – Airbus A380 və Boeing 747-400-dən məhrum ola bilər.

“Siz bir daha Boeing 747-400 təyyarəsini görməyəcəksiniz. Airbus A380 təyyarəsinə isə yalnız Emirates aviaşirkəti xidmət göstərə biləcək” – aviasiya məsləhətçisi Endryu Çarlton belə söyləyir.

Bundan əlavə, tələbatın azalması səbəbindən Lufthansa Almaniya daşıyıcısı artıq bu modellərin bir hissəsindən imtina etdiyini qeyd edib. Bir neçə aylıq sərt məhdudiyyətlər uçuşların dayandırılmasına səbəb ola bilər. Və tələbatın böhrandan əvvəlki səviyyəyə qayıtması üçün bir neçə il keçməsi lazım gələ bilər.

Dəqiqləşdirmələrə görə, bir Airbus A380 təyyarəsi 350 milyon funt sterlinqə başa gəlir və ona 110 nəfər xidmət edir. Boeing 747 təyyarəsinin qiyməti isə təqribən 190 milyon funt sterlinq təşkil edir. Bu təyyarəyə xidmət etmək üçün isə 300 nəfərdən çox adam cəlb edilir.

Bundan əvvəl isə Beynəlxalq hava nəqliyyatı assosiasiyasının (IATA) baş direktoru Alexandre de Juniac dünyada avia uçuşların gələcəyini proqnozlaşdırmışdı. Ekspertin sözlərinə görə, beynəlxalq reyslərin bərpasından sonra səyahətçilər və aviaşirkətlər üçün məhdudlaşdırıcı tədbirlər həyata keçiriləcək. İlk növbədə, söhbət təyyarələrdə sərnişinlərin sayının azaldılmasından və onların arasındakı sahənin artmasından gedir. Bu da dərhal aviabiletlərin bahalaşmasına gətirib çıxaracaq.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

25 Apr 2020

Böyük ürəyə sahib “Qırmızı ürəklər”!

by Audit.Az | posted in: Bank, Xəbər | 0

Böyük ürəyə sahib “Qırmızı ürəklər”!

Son zamanlar ölkədə xüsusi karantin rejimi şəraitində dövlət qurumları ilə yanaşı, şirkətlər və ayrı-ayrı insanlar bir sıra xeyriyyə tədbirləri, yardım aksiyaları həyata keçirirlər. Sözügedən dəstək aksiyalarına Kapital Bank-ın əməkdaşları da qoşulub. Bankın yardım fonduna ayırdığı vəsait, sahibkarlara, təqaüdçülərə və digər müştərilərə etdiyi güzəştlərlə yanaşı, əməkdaşları tərəfindən təşəbbüs qrupu da yaradılıb.

Kapital Bank-ın əməkdaşlarının təşəbbüsü ilə yaradılan “Qırmızı ürəklər” könüllülər qrupu Bakı ilə yanaşı regionlarda da xeyriyyə aksiyaları keçirir. İmkansız, çoxuşaqlı ailələri, əlilləri, yaşlı insanları ziyarət edir, onlara ərzaq və gündəlik tələbat məhsulları təqdim edir. Bu günə qədər ölkənin 50-dək rayonunda xeyriyyə aksiyaları təşkil edilib, 1000-ə yaxın aztəminatlı ailələrə yardım göstərilib.

“Son aylar ərzində ölkədə mövcud rejimlə əlaqədar müxtəlif sosial aksiyalar təşkil olunur. Kapital Bank da keçirilən dəstək və ianə tədbirlərinə qoşulub. Bu haqda artıq müxtəlif resurslar vasitəsilə məlumat vermişik. Bu gün mən bankın deyil, məhz bank əməkdaşlarının təşəbbüsünü qeyd etmək istərdim. Sevindirici hal odur ki, əməkdaşlarımızın yaratdıqları “Qırmızı ürəklər” könüllülər qrupu pandemiya dövründə çətinlik çəkən ailələrə qarşı biganə qalmayaraq bir çoxlarına dəstək oldu. Bildirim ki, təşkil etdikləri tədbirlər və xərclənən vəsait əməkdaşlarımız tərəfindən könüllü şəkildə həyata keçirilir. Belə gözəl layihəni həyata keçirdikləri üçün hər bir əməkdaşımıza təşəkkürümü bildirirəm və onlarla qürur duyuram”, – deyə, Kapital Bank-ın İdarə Heyətinin sədri Rövşən Allahverdiyev bildirib.

Qeyd edək ki, hazırda 100-dək üzvü olan təşəbbüs qrupu, 2019-cu ilin dekabr ayında yaradılıb. Qrupun əsas fəaliyyət istiqaməti uşaq evlərinə, sığınacaqlara yardım etməkdir. Təşəbbüs qrupu tərəfindən Azərbaycan Uşaqlar Birliyi Uşaq Reinteqrasiya mərkəzinə, Saray qəsəbəsində yerləşən Sosial Əmək fondunun nəzdində yerləşən 2 saylı sağlamlıq imkanları məhdud uşaqlar üçün sosial xidmət müəssisəsinə və digər yerlər də dəfələrlə ziyarətlər təşkil olunub. Hazırki pandemiya şəraitinə biganə qalmayan “Qırmızı ürəklər”, istisna olaraq aztəminatlı ailələrə də kütləvi yardımlar həyata keçirir.

Azərbaycanda ən böyük filial şəbəkəsinə malik olan Kapital Bank, 101 filialı və 14 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.