Blog Full

Vergi Məcəlləsinin 23.1.15-3-cü maddəsinə əsasən, vergi ödəyicisi vergi öhdəliyini bu Məcəllə ilə müəyyən edilmiş müddətdə yerinə yetirmədikdə, vergi orqanının hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üsulu kimi vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılması üçün məhkəməyə müraciət etmək hüququ vardır.

Bu barədə məlumat verən iqtisadçı Anar Bayramov bildirib ki, kredit və s. borcları zamanı iddiaçı tərəf cavabdeh şəxsin ölkədən getmək hüququnun müvəqqəti məhdudlaşdırılması üçün məhkəmədən sənədin icra şöbəsinə getməsini gözləməlidir. Amma vergi orqanlarının icra orqanlarına müraciət etmədən vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılması üçün məhkəməyə müraciət etmək hüququ var. Azərbaycan Respublikasının Mülki Prosessual Məcəlləsininin 305.1.12-ci maddəsinə əsasən, məhkəmə xüsusi icraat qaydasında vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işə baxa birlər.

Həmçinin, Mülki Prosessual Məcəllənin 355-5.1-ci maddəsinə əsasən, vergi ödəyicisi vergi öhdəliyini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üçün müvafiq icra hakimiyyəti orqanı fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir.

Qeyd edək ki, ölkədən getmək hüququnun müvəqqəti məhdudlaşdırılması haqqında ərizə fiziki şəxslərin və ya hüquqi şəxslərin icra orqanının rəhbərinin yaşadığı (olduğu) yer üzrə verilir.

Azərbaycan Respublikası Prezidentinin 30 sentyabr 2016-cı il, 314-VQD saylı “Azərbaycan Respublikasının Vergi Məcəlləsində dəyişiklik edilməsi haqqında” AR Qanununa əsasən, Vergi Məcəlləsinin 24.0.2-1-ci maddəsindəki “həmin məhdudlaşdırmanın götürülməsi barədə 2 iş günü ərzində məhkəməyə müraciət etmək” sözləri “dərhal həmin məhdudlaşdırmanın götürülməsi barədə qərar qəbul etməyə” sözləri ilə əvəz edilib.

Beləliklə, vergi orqanı məhkəməyə müraciət etmədən vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra dərhal həmin məhdudlaşdırmanın götürülməsi barədə qərar qəbul edə bilir.

Misal: Vergi orqanının iddiasına əsasən, hüquqi şəxsin rəhbərinin 1000 manat borcu olduğuna görə məhkəmə xüsusi icraat qaydasında onun ölkədən çıxışını məhdudlaşdırıb. Vergi ödəyicisi həmin borcu ödədikdən sonra artıq vergi orqanı məhkəməyə müraciət etmədən, məhkəmə həmin şəxsin ölkədən çıxışına məhdudiyyətin götürülməsi barədə qərar qəbul edə bilir.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Hər kəsin həyatının müəyyən dövründə çətin anları olur. Hətta elə anlar olur ki, təcili maliyyə çatışmazlığı ilə qarşılaşırsan və dost-tanış heç cür imkan edib sənə dəstək verə bilmir. Həmçinin müəyyən biznes fəaliyyəti ilə məşğul olmaq istəyərkən maliyyə çətinliyi ilə üzləşərək biznesi böyüdə bilmirik. Hər bir halda kredit təşkilatlarına üz tutaraq müəyyən istiqamət üzrə kredit əldə etmək zəruri olur.

Kredit götürərkən əksər hallarda öhdəliyin təmini üsulu kimi girov, zaminlik və ya sığorta müqaviləsi bağlamaq tələb olunur.

Bunda məqsəd kredit öhdəliyini icra edə bilmədikdə kreditin təmin edilməsini təmin etməkdən ibarətdir.

Bu yazımızda kreditin təmini üsulu kimi sığorta müqaviləsinin faydasından bəhs etməyə çalışacağıq.

Azərbaycan Respublikasında kredit götürən fiziki şəxslərin sığorta münasibətləri nəzarət orqanının müəyyən etdiyi vahid qaydalarla tənzimlənir. Bu sığorta şirkətlərinin öz qaydalarını istisna edir ki, fiziki şəxs vahid tənzimləmənin olduğunu bilsin və sığorta şirkətləri vahid prinsiplə rəqabət qabiliyyətli olan keyfiyyətli fəaliyyətə üstünlük versinlər.

Bu baxımdan da vahid qaydalara uyğun təminat verilir və fəaliyyət həyata keçirilir.

Kredit götürən fiziki şəxslərlə bağlanan sığorta müqavilələrinə əsasən sığorta şirkəti ən azı kredit götürənin ölməsi, xəstəlik və ya bədbəxt hadisə nəticəsində əmək qabiliyyətinin tam və ya qismən itirilməsilə istənilən əlillik dərəcəsini alması halında sığorta şirkəti sığorta ödənişi vermək öhdəliyi daşıyır.

Əmək vəzifələrinin kobud pozuntusu halı və işçi hüquqları

Kredit götürən şəxs müqavilədə aşağıdakı hallara mütləq diqqət etməlidir ki, ona hansı təminatın verildiyini bilsin:

1) Müqavilənin müddəti – müqavilənin kredit müddətinə uyğun olun-olmamasına fikir verilməlidir. Belə ki, bəzi hallarda müqavilələr kredit müddətində deyil, ondan daha az müddətə müəyyən edilir. Bu isə şəxsin başına hadisə gəldikdə onun sığorta təminatından kənarda qalmasına gətirib çıxara bilər.

2) Sığorta məbləği – Kredit məbləği 10 min manatlıq olsa da, sığorta müqaviləsində bu təminat 1000 manat da ola bilər. Bu baxımdan da şəxsin hadisə zamanı 1000 manatlıq öhdəliyinin ödənilməsi, lakin qalan məbləğin ödənilməməsi mümkündür.

3) Riskin bildirilməməsi – Kredit götürərkən fiziki şəxsin sağlamlığı qaydasında olsa da, sığorta müqaviləsi bağlanarkən kredit götürən əvvəllər hansı xəstəliklərdən əziyyət çəkdiyini, müalicə və ya müayinə aldığını bildirməlidir. Bunun üçün ona səhhəti barədə məlumat verəcəyi ərizə forması təqdim edilir. Kredit götürən şəxsin əvvəllər xəstəliyi, xəstəliyə görə müalicə və ya müayinəsi olubsa, bu barədə ərizə formasında qeyd etməlidir.

Çünkü ərizə formasında qeyd edilməyən, hadisə baş verərkən xəstəliyin əvvəlcədən olması müəyyən edilən hallarda sığorta şirkəti ödənişin verilməsindən imtina etmək hüququna malikdir.

Göründüyü kimi hər bir halda müqavilə bağlamazdan əvvəl məlumatlı və tədbirli olmaq sonrakı peşmançılığın qarşısını almağa imkan verir.

Yekunda isə qeyd edək ki, kredit götürərkən sığortalanma halında sığorta şirkəti baş verəcək hadisələr zamanı ödənişi öhdəlik həcmində kredit təşkilatına, əgər sığorta məbləği artıq qalarsa, krediti götürən şəxsə yaxud vəfat etdikdə onun ailə üzvlərinə və ya vərəsələrinə ödəyir.

Müəllif: Praktiki Hüquqşünas / Şəhriyar Həbilov

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Təhsil dövrünün staja əlavə edilməsi ilə bağlı Dövlət Sosial Müdafiə Fonduna daxil olan müraciətlərin sayı çoxdur. Həmin şəxslər təhsil müddəti ilə əlaqədar staj təqdim etdiklərinə baxmayaraq pensiyalarının artmadığını bildirirlər. Bunun bir sıra səbəbləri var. Pensiya əmək haqqına uyğun olaraq hesablandıqda ödənilən pensiya məbləği təhsil stajını tətbiq edib hesablandıqda əldə edilən məbləğdən daha çox olduğu üçün vətəndaşa əmək haqqına əsasən hesablanan pensiya məbləğinin ödənişi davam etdirilir. Belə olan halda, vətəndaşın təhsilə görə staj təqdim etməsinə baxmayaraq, pensiya məbləği dəyişmir.

Bunu Dövlət Sosial Müdafiə Fondunun Pensiya Təminatı Departamentinin müdiri Eyvaz İsmayılov deyib.

Bildirib ki, vətəndaşın 2006-ci ildən 2018-ci ilin iyulun 1-nə qədər müəyyən həcmdə kapitalı və 2006-ci ilə qədər 10 il stajı varsa, deməli həmin vətəndaşa 25 il hədiyyə staj verilib: “Həmin vətəndaş təhsillə bağlı arayış təqdim etdikdə, onun təhsil stajı özünün faktiki mövcud olan əmək stajına əlavə edilir. Yəni, təhsil dövrü stajı 25 illik (hədiyyə) pensiya stajına əlavə edilə bilməz. Belə olan halda, vətəndaşın təhsil dövrü ilə birgə hesablanmış stajı 25 ildən az olarsa, onun pensiya məbləği dəyişmir”.

Departament müdirinin dediyinə görə, vətəndaşın ümumi stajı 25 ildən çox olduğu halda isə onun təhsil müddəti də staj kimi hesablanır: “Belə olan halda, əlbəttə ki, vətəndaşın pensiya məbləği artırılır. Bu, yalnız 2006-cı ilin yanvarın 1-nə qədər əyani təhsil almış vətəndaşlara şamil edilir”.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun