Mühasibin top-9 bacarığı (3-cü hissə)
Bu bacarıqlara malik mühasiblər dərhal işə qəbul ediləcək
Rəqabətə davamlı və tələbat duyulan biri olaraq qalmaq üçün vergilər, sənəd dövriyyəsi və provodkalardan başqa maliyyə mütəxəssisi daha nələri bilməlidir və nələri bacarmalıdır? Bu yazıda biz istənilən müəssisə rəhbəri tərəfindən dərhal işə qəbul olunmağı haqq edən mühasibin top-9 bacarığını qeyd etmişik.
5. Ünsiyyətcillik və komandada işləmək bacarığı
Kommunikativ bacarıqlar, liderlik tapşırıqları, novator təfəkkürü və strateji düşünmək bacarığı — bu keyfiyyətlər bu gün sanballı vəzifə və yüksək gəlirlər iddiasında olan mühasiblər üçün çox vacibdir. Ümumiyyətlə, maliyyə mütəxəssisi – daim hər kəslə qarşılıqlı əlaqədə olmaq məcburiyyətində olan bir insandır: şirkətin rəhbərliyi və əməkdaşları, kredit təşkilatlarının nümayəndələri, vergi orqanları, təchizatçılar, investorlar, səhmdarlar və s. ilə. Əgər o, çətinliklə əlaqəyə girirsə və müstəsna olaraq daim öz vəzifələrinə qapılırsa, bu, təşvişə düşməyə əsas verir.
Mühasibatlıq – bu, şirkətlərdə ayrıca bir krallıqdır. Buna baxmayaraq, işəgötürənlərin anlayışında dəyərli mühasib yalnız rəqəmlər, kağızlar və hesablardan asılı olan şəxs deyil, o, həm də genişmiqyaslı düşünən, şirkətin bütün biznes proseslərini görən, komandanın digər iştirakçıları ilə yaxşı yola getməyi bacaran şəxsdir. Ondan ötrü ciddi qərarlar qəbul etmək və buna görə məsuliyyət daşımaqdan qorxmamaq, çox vacibdir. Bu gün komanda oyunçusu olmaq, digərləri ilə oynamaq daha mühümdür – və zamanla buna daha böyük diqqət yetiriləcək.
6. Direktordan ötrü anlaşıqlı dildə danışmaq
Mürəkkəb şeyləri sadə sözlərlə izah etməyi bacarmaq – həqiqətən dəyərli qabliyyətdir. O səbəbdən işlə bağlı məsələni direktora peşəkar jarqon olmadan çatdırmağa qabil olan mühasib, istənilən direktordan ötrü nadir bir tapıntıdır. Və təkcə direktor üçün deyil, həm də ümumilikdə bütün kollektivdən ötrü. Əməkdaşlar öz suallarını kimə ünvanlayırlar? Əlbəttə ki, mühasibatlığa.