Cari vergi ödəmələrinin hesablanma metodu
Vergi ödəyiciləri cari vergi ödəmələri ilə bağlı müəyyən suallarla qarşılaşırlar. Suallara iqtisadçı Anar Bayramov aydınlıq gətirir.
Vergi Məcəlləsinin 151.2-ci maddəsinə əsasən, vergi ödəyicisi cari vergi ödəmələrinin məbləğini bu rübdəki gəlirinin həcmini onun keçən ilin ümumi gəlirində (gəlirdən çıxılan məbləğlər nəzərə alınmadan) verginin xüsusi çəkisini göstərən əmsala vurmaqla müəyyənləşdirə bilər.
Vergi ödəyicisinin Məcəllənin 151.1-ci maddəsi üzrə qeyd etdiyimiz tələb (ötən il üzrə mənfəətlə işləməsi) 151.2-ci maddə üçün keçərlidir. Həmçinin, əvvəlki il mənfəət vergisi ödəyicisi olmayanlar da Vergi Məcəlləsinin nəinki 151.1-ci maddəsi, həm də 151.2-ci maddəsi ilə nəzərdə tutulan metodu tətbiq edə bilməz. Vergi Məcəlləsinin 151.1-ci maddəsini tətbiq edərkən, vergi ödəyicisinin cari rübdəki gəlirləri hər hansı önəm daşımırdı. Çünki hesablama vergi ödəyicisinin ötənilki mənfəəti üzrə həyata keçirilirdi. Amma Vergi Məcəlləsinin 151.2-ci maddəsi üzrə aşağıdakı göstəricilərdən istifadə edilir:
– vergi ödəyicisinin rüb ərzində gəlirlərinin məbləği (xərclər çıxılmadan);
– vergi ödəyicisinin keçən ilin ümumi gəlirində (gəlirdən çıxılan məbləğlər nəzərə alınmadan) verginin xüsusi çəkisini göstərən əmsal.
Misal: Vergi ödəyicisinin 2022-ci ilin 1-ci rübündə dövriyyəsi 30.000 manat, 2021-ci il ərzində təşkilatın ümumi gəliri isə 180.000 manat olub. Gəlirdən çıxılan xərclər 60.000 manat olduğu üçün mənfəət vergisi 24.000 manat təşkil edib.
180.000 – 60.000 = 120.000 manat,
120.000 x 20% = 24.000 manat.
Deməli, verginin gəlirlərdə xüsüsi çəki əmsalı 0,13-dür:
24.000 : 180.000 = 0,13.
Bu zaman 1-ci rüb üzrə cari vergi ödəməsi 3.900 manat olacaq:
120.000: 4 = 30.000 manat (I rüb üzrə dövriyyə)
30.000 x 0,13 = 3.900 manat.
Mənbə: vergiler.az
Teleqram qrupumuza üzv olun
Azərbaycan İnvestisiya Holdinqi 2020-2021-ci illər üzrə maliyyə hesabatlarının beynəlxalq standartlara uyğun auditi ilə bağlı elan etdiyi açıq tenderə yekun vurub.
Mühasiblərin davamlı inkişaf sahəsində ilk pionerlərin olmasının təmin edilməsinə xüsusi diqqət yetirilir. Ötən ilin yayında Qlazqoda keçirilən Birləşmiş Millətlər Təşkilatının iqlim dəyişikliyi Konfransı (COP 26), iqlim dəyişikliyinin uçotunda mühüm mərhələni qeyd edib. Maliyyə hesabatlarının standartları üzrə beynəlxalq Fond, Beynəlxalq dayanıqlı inkişaf standartları Şurasının yaradıldığını elan edib. Piter Drukerdən sitat gətirirəm: “Ölçülə bilən hər şey, idarə olunur”.. Bu, dayanıqlı inkişaf və hesabatlar üzrə Qlobal təşəbbüslər sahəsində mühasibat uçotu üzrə standartlar Şurasının işini tamamlayır. Hesabatlılıq və məlumatların açıqlanması sahəsində çoxillik təcrübəyə malik olan mühasiblər, davamlılığın qiymətləndirilməsinə proses-yönümlü mühasibat yanaşmasını qəbul etməyə tam hazırdırlar.
Ekologiya və Təbii Sərvətlər Nazirliyinə məxsus “Azərbaycan Yaşıllaşdırma və Landşaft Quruluşu” ASC 2021-ci il üzrə maliyyə hesabatlarının auditi üçün kotirovka sorğusu elan edib.