Bu, həmçinin mühasibat firmalarının istedadlar tapmaqda çətinliklərlə bağlı hesabatları ilə müşayiət olunur. Məsələn, Avstraliyada mühasiblər ixtisaslı miqrantlar siyahısında prioritet yer tuturlar. Bu dəyişiklikləri nəzərə almaqla, istedadları saxlamaq üçün bir sıra təklifləri firmaların diqqətinə çatdırıram:
1. Zəruri olan əlavə bacarıqları nəzərə almaqla mühasiblər üçün kompensasiya və güzəştlər sistemini bir daha nəzərdən keçirin.
2. Çevikliyi və məqsədyönlülüyü yüksəltməyə fokuslanın.
3. Öz mühasiblərinizin ixtisaslarının artırılmasına sərmayə yatırın.
Bundan əlavə, dəqiq müəyyən edilə bilən proseslər davamlılığı təmin etmək üçün sənədləşdirilməlidir.
3. Mühasibin rolunun yenidən nəzərdən keçirilməsi
Mühasiblər pandemiya zamanı öz etibarlılıqlarını biznes idarəediciləri qismində nümayiş etdirdilər. Şirkətin maliyyə göstəriciləri və əsas amilləri haqqında dəqiq rəqəmsal anlayışları ilə onlar biznes-məsləhətçilər və əlavə dəyər yaradanlar rolunu oynaya bildilər. Buna görə də təəccüblü deyil ki, Avstraliyada sorğulanan mühasibat şirkətlərinin 70% – i tipik audit funksiyaları və ya tələblərə uyğunluq çərçivəsindən kənara çıxmaq üçün xidmətlərini şaxələndirmək istədiklərini qeyd ediblər. Bu, sahənin daha geniş çeşidli xidmətlərə artan tələbatına cavab olaraq edilib. Nəticə etibarilə, tendensiya digər yurisdiksiyalarda da oxşar olacaq.
Bununla yanaşı, Birləşmiş Krallığın maliyyə hesabatı üzrə Şurası və digər yurisdiksiyaların nəzarət orqanları mühasibat firmalarını, mühasibat xidmətlərini digər peşəkar xidmətlərdən ayırmağa təşviq edirlər. Bu, mühasibat uçotu təcrübəsi üçün logistik problem olaraq qalmasına baxmayaraq, sözügedən sahə mühasiblərdən yalnız tələblərə riayət etmək funksiyalarını yerinə yetirməyi deyil, həm də onlardan məsləhət şöbəsinə keçidin və şirkət üçün əlavə dəyərin yaradılmasında iştirak kimi daha geniş tapşırıqları yerinə yetirməyi tələb edir. Bunlar yeni söhbətlər deyil. Ona görə də dəyişikliyə başlamaq üçün “yeni norma” haqqında söhbətlərin yetərli olub-olmadığını da öyrənmək lazımdır.
Eləcə də kripto-valyutanın uçotuna da maraq artır. Bir çox kriptovalyutalar 2021-ci ildə tarixən ən yüksək həddə çatdıqları üçün mühasiblər bu iqtisadi fenomeni ən yaxşı şəkildə necə izah edəcəklərini müzakirə edirlər. Başlıca sual ondan ibarətdir ki, onu maya dəyəri və ya bazar qiyməti ilə ölçmək lazımdır. Çünki kripto-valyutalar dəyəri olduqca dəyişkəndir. Kriptovalyutalar populyarlıq qazanmağa davam etdikcə, mühasiblər bu mövzunu nəzərdən keçirərkən öz peşəkar mülahizələrini ortaya qoymalı olacaqlar. Ehtimal ki, mühasibat uçotunun mülahizələrini tələb edəcək digər eyni dərəcədə mürəkkəb ssenarilər də olacaq.
Teleqram qrupumuza üzv olun
