Oxunma sayı: 157. 904
29 Mar 2018

2018-ci ilin aprel ayı ərzində vergi orqanına təqdim edilməli olan bəyannamələr və ödənilməli vergilər barədə YADDAŞ

by | posted in: Vergi, Xəbər | 0

2017-ci ilin yekunlarına görə

  • hüquqi şəxslər tərəfindən Mənfəət və Əmlak vergisinin bəyannaməsi,
  • fiziki şəxslər tərəfindən Gəlir vergisinin bəyannaməsi

cari ilin aprel ayının 2-dən gec olmayaraq vergi orqanına təqdim edilməli və hesablanmış vergilər həmin müddətədək tam həcmdə dövlət büdcəsinə ödənilməlidir.

Gəlir və mənfəət vergisinin ödəyiciləri tərəfindən

 

2018-ci ilin 1-ci rübü üzrə hesablanmış cari ödəmələr aprel ayının 16-dan gec olmayaraq dövlət büdcəsinə ödənilməlidir.

 

2018-ci ilin mart ayına görə vergi ödəyiciləri  tədiyəçisi olduqları

  • Əlavə dəyər vergisi bəyannaməsini,
  • Aksiz bəyannaməsini,
  • Yol vergisi bəyannaməsini,
  • Mədən vergisi bəyannaməsini,
  • Pul vəsaitlərinin nağd çıxarılmasına görə Sadələşdirilmiş verginin bəyannaməsini və
  • Uduşlardan (mükafatlardan) əldə edilən gəlirdən ödəmə mənbəyində tutulan vergi bəyannaməsini

cari ilin aprel ayının 20-dən gec olmayaraq vergi orqanına təqdim etməli və hesablanmış vergilər həmin müddətədək tam həcmdə dövlət büdcəsinə ödənilməlidir.

 

  • Daşınmaz əmlakın təqdim edilməsi üzrə Sadələşdirilmiş vergi bəyannaməsi cari ilin aprel ayının 20-dən gec olmayaraq vergi orqanına təqdim edilməlidir (vergi əməliyyat aparıldığı gün – 1 bank günü ərzində ödənilir).

 

2018-ci ilin 1-ci rübünə görə vergi ödəyiciləri tədiyəçisi olduqları

  • Sadələşdirilmiş verginin bəyannaməsini
  • Ödəmə mənbəyində tutulan vergi bəyannaməsini 

cari ilin aprel ayının 20-dən gec olmayaraq vergi orqanına təqdim etməli və rüb üzrə hesablanmış vergilər həmin müddətədək tam həcmdə dövlət büdcəsinə ödənilməlidir.

 

  • Cari ilin 1-ci rübü üzrə Muzdlu işlə əlaqədar ödəmə mənbəyində tutulan vergi bəyannaməsi (ƏDV və Sadələşdirilmiş vergi ödəyiciləri istisna olmaqla)

cari ilin aprel ayının 20-dən gec olmayaraq vergi orqanına təqdim edilməli və mart ayı üzrə hesablanmış vergi həmin müddətədək tam həcmdə dövlət büdcəsinə ödənilməlidir.

  • Xüsusi notariuslar gəlir vergisi bəyannaməsini

cari ilin aprel ayının 20-dən gec olmayaraq vergi orqanına təqdim etməli və mart ayı üzrə hesablanmış gəlir vergisi həmin müddətədək tam həcmdə dövlət büdcəsinə ödənilməlidir.

  • Dövlət rüsumu haqqında hesabat

cari ilin aprel ayının 20-dək vergi orqanına təqdim edilməlidir (notariat hərəkətlərinə görə dövlət rüsumu notarius tərəfindən qəbul edilərək 2 bank günü,  xarici ölkələrdəki diplomatik nümayəndəliklərdə aparılan konsul əməliyyatları üçün alınan dövlət rüsumu 1 ay, digər dövlət rüsumları isə tutulduqdan sonra 1 bank günü ərzində dövlət büdcəsinə köçürülür).

Bəyannamələr müəyyən edilən müddətdə təqdim edimədikdə 40 manat məbləğində maliyyə sanksiyası tətbiq edilir (VM, 57), vergilər vaxtında ödənilmədikdə isə bir ildən çox olmamaqla ötmüş hər bir gün üçün 0,1 faizi məbləğində faiz tutulur (VM, 59).

 

Hörmətli vergi ödəyiciləri, Siz öz bəyannamələrinizi və hesablanmış vergiləri Vergilər Nazirliyinin İnternet Vergi İdarəsi portalı (https://www.e-taxes.gov.az) vasitəsi ilə elektron qaydada təqdim edə və ödəyə bilərsiniz.

Vergi öhdəliklərinizi vaxtında yerinə yetirməyi Sizə tövsiyə edirik.

Mənbə: taxes.gov.az

Mühasibat və Audit xidmətləri üçün bizə müraciət edin
+994 12 598 20 70
+994 50 210 07 15
info@audit.az
29 Mar 2018

3 aylıq Ödənişsiz təcrübə proqramı!

by | posted in: Xəbər | 0

Əziz gənclər və tələbələr,

Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) Sizi 3 aylıq Təcrübə Proqramında iştirak etməyə dəvət edir. ASK-da təcrübə keçməklə Siz nəinki öz nəzəri bilik və bacarıqlarınızı tətbiq etmək, eyni zamanda Azərbaycanda fəaliyyət göstərən iri, orta və kiçik sahibkarlarlıq müəssisələrinin fəaliyyəti ilə yaxından tanış olmaq və maraqlı layihələrdə iştirak etmək imkanı əldə edəcəksiniz.

Təcrübə Proqramına tərcüməçilik (İngilis və rus dilləri üzrə) ixtisaslar üzrə 2-4-cü kurs tələbələri, magistrantlar və məzunlar müraciət edə bilər:

Təcrübə proqramı həftədə 5 dəfə olmaqla iş gününün yarısını (9:00-13:00 və ya 14:00-18:00) əhatə edir və ödənişsizdir. Təcrübə proqramını uğurla başa vuranlara ASK tərəfindən sertifikat və xasiyyətnamə təqdim olunacaq.

Yalnız müraciət formalarının dəyərləndirilməsi əsasında növbəti mərhələyə dəvət alanlarla əlaqə saxlanılacaq. Təcrübəçilər üz-üzə müsahibə və bəzi sahələr üzrə (məs. tərcümə, ictimaiyyətlə əlaqələr və s.) yazılı tapşırıqlar əsasında seçiləcək.

Müraciət üçün bu linkə daxil olun.

Mənbə: ask.org.az

Mühasibat və Audit xidmətləri üçün bizə müraciət edin
+994 12 598 20 70
+994 50 210 07 15
info@audit.az
28 Mar 2018

Aksiz vergisi – Maliyyə sanksiyaları və faizlər

by | posted in: Vergi | 0

Aksiz bəyannaməsi və ya vergi öhdəliyinin yaranmaması barədə müvafiq arayışı əsas olmadan vaxtında təqdim etməyən vergi ödəyicisinə vergi orqanının qərarına əsasən 40 manat məbləğində maliyyə sanksiyası tətbiq edilir.

Verginin hesabatda göstərilən məbləği verginin hesabatda göstərilməli olan məbləğinə nisbətən azaldılmışdırsa, habelə büdcəyə çatası vergi məbləği hesabat təqdim etməməklə yayındırılmışdırsa, vergi ödəyicisinə azaldılmış və ya yayındırılmış vergi məbləğinin (kameral vergi yoxlaması nəticəsində hesablanmış əlavə vergi məbləği istisna olmaqla) 50 faizi miqdarında maliyyə sanksiyası tətbiq edilir.

Aksizli malların satış qiymətinə daxil edilən vergi qanunla müəyyən edilmiş müddətdə ödənilmədikdə, ödəmə müddətindən sonrakı hər bir ötmüş gün üçün vergi ödəyicilərindən ödənilməmiş vergi ödəməsi məbləğinin 0,1 faizi miqdarında faiz tutulur. Bu faiz vergi ödənişlərinə münasibətdə bütün ötmüş müddətə, ancaq bir ildən çox olmamaq şərti ilə tətbiq edilir.

Mühasibat və Audit xidmətləri üçün bizə müraciət edin
+994 12 598 20 70
+994 50 210 07 15
info@audit.az
28 Mar 2018

Təhsil müəssisələrində çalışan bəzi şəxslərin əmək haqlarında dəyişiklik edildi

by | posted in: Xəbər | 0

AZƏRBAYCAN RESPUBLİKASININ
NAZİRLƏR KABİNETİ
Q Ə R A R
№ 103
Bakı şəhəri, 15 mart 2018-ci il
“Bilik və bacarıqlarının diaqnostik qiymətləndirilməsi aparılmış
dövlət ilk peşə-ixtisas təhsili müəssisələrində idarəetmə, təhsil
və təlim fəaliyyəti ilə məşğul olan işçilərin aylıq vəzifə maaşları
sxeminin və məbləğlərinin təsdiq edilməsi haqqında”
Azərbaycan Respublikası Nazirlər Kabinetinin 2018-ci il 1 fevral
tarixli 26 nömrəli qərarında dəyişikliklər edilməsi barədə

“Təhsil müəssisələrində çalışan işçilərin əməkhaqlarının artırılması haqqında” Azərbaycan Respublikası Prezidentinin 2018-ci il 28 fevral tarixli 3724 nömrəli Sərəncamının 2-ci hissəsinə əsasən Azərbaycan Respublikasının Nazirlər Kabineti QƏRARA ALIR:

1. “Bilik və bacarıqlarının diaqnostik qiymətləndirilməsi aparılmış dövlət ilk peşə-ixtisas təhsili müəssisələrində idarəetmə, təhsil və təlim fəaliyyəti ilə məşğul olan işçilərin aylıq vəzifə maaşları sxeminin və məbləğlərinin təsdiq edilməsi haqqında” Azərbaycan Respublikası Nazirlər Kabinetinin 2018-ci il 1 fevral tarixli 26 nömrəli qərarında aşağıdakı dəyişikliklər edilsin:

1.1. 6-cı hissədə “500”, “450”, “400” rəqəmləri müvafiq olaraq “550”, “495”, “440” rəqəmləri ilə əvəz edilsin;

1.2. həmin qərarla təsdiq edilmiş 1-5 nömrəli əlavələr yeni redaksiyada təsdiq edilsin (1-5 nömrəli əlavələr).

2. Bu qərar 2018-ci il martın 1-dən qüvvəyə minir.

Azərbaycan Respublikasının

Baş naziri                                            Artur Rasi-zadə

Azərbaycan Respublikası Nazirlər
Kabinetinin 2018-ci il 15 mart
tarixli 103 nömrəli qərarı ilə
təsdiq edilmişdir.

1 nömrəli əlavə

Dövlət ilk peşə-ixtisas təhsili müəssisələrində çalışan, bilik və
bacarıqlarının diaqnostik qiymətləndirilməsi aparılmış
müəllimlərin aylıq vəzifə maaşlarının
S X E M İ

 

 

Sıra

№-si

  

 

Təhsili

 Bir stavka dərs yükü 18 saat olmaqla, aylıq vəzifə maaşı

(manatla)
pedaqoji staj 3

ilədək olduqda

 pedaqoji staj 3

ildən 8

ilədək olduqda

 pedaqoji staj 8

ildən 13

ilədək olduqda

 pedaqoji staj 13

ildən 18

ilədək olduqda

 pedaqoji staj 18

ildən çox olduqda
1. Ali təhsilli 385 413 435 462 495
2. Orta ixtisas təhsilli  

352

  

369

  

385

  

407

  

440

 

Qeyd. Dövlət ilk peşə-ixtisas təhsili müəssisələrində çalışan, bilik və bacarıqlarının diaqnostik qiymətləndirilməsi aparılmış müəllimlərin aylıq vəzifə maaşlarına qrup rəhbərliyinə görə 50 manat əlavə ödənilir.

 

Azərbaycan Respublikası Nazirlər
Kabinetinin 2018-ci il 15 mart
tarixli 103 nömrəli qərarı ilə
təsdiq edilmişdir.

2 nömrəli əlavə

Dövlət ilk peşə-ixtisas təhsili müəssisələrində çalışan, bilik və
bacarıqlarının diaqnostik qiymətləndirilməsi aparılmış baş
ustaların aylıq vəzifə maaşlarının
S X E M İ

Sıra

№-si

 Təhsilin pillələri və pedaqoji staja qoyulan tələblər Aylıq vəzifə maaşı

(manatla)
1. Orta ixtisas təhsilli, ixtisas üzrə 3 ildən 8 ilədək əmək stajı 363
2. Ali ixtisas təhsilli, ixtisas üzrə 3 ilədək

əmək stajı; orta ixtisas təhsilli, ixtisas üzrə 8 ildən 13 ilədək əmək stajı

 396
3. Ali ixtisas təhsilli, ixtisas üzrə 3 ildən 8 ilədək əmək stajı; orta ixtisas təhsilli,

ixtisas üzrə 13 ildən çox əmək stajı

 418
4. Ali ixtisas təhsilli, ixtisas üzrə 8 ildən az olmayaraq əmək stajı 440

 

Azərbaycan Respublikası Nazirlər
Kabinetinin 2018-ci il 15 mart
tarixli 103 nömrəli qərarı ilə
təsdiq edilmişdir.

3 nömrəli əlavə

Dövlət ilk peşə-ixtisas təhsili müəssisələrində çalışan, bilik
və bacarıqlarının diaqnostik qiymətləndirilməsi aparılmış
istehsalat təlimi ustalarının aylıq vəzifə maaşlarının
S X E M İ

Sıra

№-si

 Təhsilin pillələri və pedaqoji staja qoyulan tələblər Aylıq vəzifə

maaşı (manatla)
1. Ümumi orta təhsilli, sahə üzrə 3 ildən az olmayan əmək stajı; orta ixtisas təhsilli,

əmək stajına tələb qoyulmadan

 330
2. Ali ixtisas təhsilli, əmək stajına tələb

qoyulmadan; orta ixtisas təhsilli, ixtisas üzrə 3 ildən 8 ilədək əmək stajı

 347
3. Ali ixtisas təhsilli və ixtisas üzrə 3 il əmək stajı; orta ixtisas təhsilli, ixtisas üzrə 8

ildən 13 ilədək əmək stajı

 363
4. Ali ixtisas təhsilli, ixtisas üzrə 3 ildən 8

ilədək əmək stajı; orta ixtisas təhsilli, ixtisas üzrə 13 ildən 18 ilədək əmək stajı

 374
5. Ali ixtisas təhsilli, ixtisas üzrə 8 ildən az olmayaraq əmək stajı və ya usta vəzifəsində 5 ildən az olmayaraq əmək stajı; orta ixtisas təhsilli, 18 ildən az

olmayaraq ixtisas üzrə əmək stajı

 385

 

Azərbaycan Respublikası Nazirlər
Kabinetinin 2018-ci il 15 mart
tarixli 103 nömrəli qərarı ilə
təsdiq edilmişdir.

4 nömrəli əlavə

Dövlət ilk peşə-ixtisas təhsili müəssisələrində çalışan, bilik və
bacarıqlarının diaqnostik qiymətləndirilməsi aparılmış gənclərin
çağırışaqədərki hazırlığı rəhbərlərinin aylıq vəzifə maaşlarının
S X E M İ

Sıra

№-si

 Təhsilin pillələri və pedaqoji staja qoyulan tələblər Aylıq vəzifə maaşı

(manatla)
1. Xüsusi hazırlıq keçmiş, tam orta təhsilli, pedaqoji stajı ən azı 5 ilə qədər 253
2. Xüsusi hazırlıq keçmiş, tam orta təhsilli, pedaqoji stajı 5 ildən çox; orta ixtisas təhsilli,

pedaqoji stajı 5 ilə qədər

 264
3. Orta ixtisas təhsilli, pedaqoji stajı 5 ildən 10 ilədək; orta hərbi təhsilli və ya ali təhsilli, pedaqoji stajı hər iki halda 5 ilə qədər 275
4. Ali təhsilli, pedaqoji stajı 5 ildən çox; orta ixtisas təhsilli, pedaqoji stajı 10 ildən çox; orta

hərbi təhsilli, pedaqoji stajı 5 ildən çox; ali hərbi təhsilli, pedaqoji staja tələb qoyulmadan

 292

 

Azərbaycan Respublikası Nazirlər
Kabinetinin 2018-ci il 15 mart
tarixli 103 nömrəli qərarı ilə
təsdiq edilmişdir.

5 nömrəli əlavə

Dövlət ilk peşə-ixtisas təhsili müəssisələrində çalışan, bilik və
bacarıqlarının diaqnostik qiymətləndirilməsi aparılmış fiziki
tərbiyə rəhbərlərinin aylıq vəzifə maaşlarının
S X E M İ

Sıra

№-si

 Təhsilin pillələri və pedaqoji staja qoyulan tələblər Aylıq vəzifə

maaşı (manatla)
1. Ali     təhsilli,     pedaqoji     staja     tələb qoyulmadan; orta ixtisas təhsilli, 5 ildən

az olmayaraq pedaqoji staj

 242
2. Ali    təhsilli,    3    ildən    az    olmayaraq

pedaqoji staj; orta ixtisas təhsilli, 10 ildən az olmayaraq pedaqoji staj

 253
3. Ali təhsilli, 3 ildən 8 ilədək pedaqoji staj; orta ixtisas təhsilli, idman üzrə fəxri adı olan; orta ixtisas təhsilli, 18

ildən az olmayaraq pedaqoji staj

 264
4. Ali    təhsilli,    8    ildən    az    olmayaraq pedaqoji staj 275

 

 

AZƏRBAYCAN RESPUBLİKASININ
NAZİRLƏR KABİNETİ
Q Ə R A R
№ 102
Bakı şəhəri, 15 mart 2018-ci il
“Dövlət ümumi təhsil müəssisələrində çalışan bilik və
bacarıqlarının diaqnostik qiymətləndirilməsi aparılan
müəllimlərin, həmin müəssisələrin direktor və direktor
müavinlərinin vəzifə maaşları sxeminin və məbləğlərinin,
vəzifə maaşlarına əlavələrin məbləğlərinin təsdiq edilməsi
haqqında” Azərbaycan Respublikası Nazirlər Kabinetinin
2016-cı il 11 iyul tarixli 270 nömrəli qərarında dəyişikliklər
edilməsi barədə

“Təhsil müəssisələrində çalışan işçilərin əməkhaqlarının artırılması haqqında” Azərbaycan Respublikası Prezidentinin 2018-ci il 28 fevral tarixli 3724 nömrəli Sərəncamının 2-ci hissəsinə əsasən Azərbaycan Respublikasının Nazirlər Kabineti QƏRARA ALIR:

1.“Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin, həmin müəssisələrin direktor və direktor müavinlərinin vəzifə maaşları sxeminin və məbləğlərinin, vəzifə maaşlarına əlavələrin məbləğlərinin təsdiq edilməsi haqqında” Azərbaycan Respublikası Nazirlər Kabinetinin 2016-cı il 11 iyul tarixli 270 nömrəli qərarında (Azərbaycan Respublikasının Qanunvericilik Toplusu, 2016, № 7, maddə 1349) aşağıdakı dəyişikliklər edilsin:

1.1.4-cü hissə aşağıdakı redaksiyada verilsin:

“4. Müəllimlərinin bilik və bacarıqlarının diaqnostik qiymətləndirilməsi aparılan dövlət ümumi təhsil müəssisələrinin direktorlarının aylıq vəzifə maaşı Azərbaycan Respublikası Nazirlər Kabinetinin 2018-ci il 13 mart tarixli 89 nömrəli qərarına 1 nömrəli əlavə – “Dövlət büdcəsindən maliyyələşdirilən müəssisələrdə (Azərbaycan Milli Elmlər Akademiyasının (AMEA), AMEA-nın Naxçıvan və Gəncə bölmələrinin tabeliyində olan elmi müəssisə və təşkilatlar istisna olmaqla) çalışan işçilərin əməyinin ödənilməsinin Vahid Tarif Cədvəli”nin 18-ci dərəcəsinə uyğun olaraq 535 manat, direktor müavinlərinin aylıq vəzifə maaşı isə 482 manat müəyyən edilsin;

1.2. həmin qərarla təsdiq edilmiş 1 və 2 nömrəli əlavələr yeni redaksiyada təsdiq edilsin (1 və 2 nömrəli əlavə ).

2.Bu qərar 2018-ci il martın 1-dən qüvvəyə minir.

Azərbaycan Respublikasının
Baş naziri                                          Artur Rasi-zadə

 

Azərbaycan Respublikası Nazirlər
Kabinetinin 2018-ci il 15 mart
tarixli 102 nömrəli qərarı ilə
təsdiq edilmişdir.

1 nömrəli əlavə

Dövlət ümumi təhsil müəssisələrində çalışan bilik və
bacarıqlarının diaqnostik qiymətləndirilməsi aparılan
müəllimlərin aylıq vəzifə maaşlarının
S X E M İ

 

 

Sıra

№-si

  

 

Təhsili

 Bir stavka dərs yükü 18 saat olmaqla, aylıq vəzifə

maaşı (manatla)
pedaqoji staj 3 ilə qədər olduqda pedaqoji staj 3

ildən 8 ilə qədər olduqda

 pedaqoji staj 8

ildən 13 ilə qədər olduqda

 pedaqoji staj 13

ildən 18 ilə qədər olduqda

 pedaqoji staj 18

ildən çox olduqda
1. Ali

təhsilli

 385 413 435 462 495
2. Orta ixtisas

təhsilli

  

352

  

369

  

385

  

407

  

424

 

Azərbaycan Respublikası Nazirlər
Kabinetinin 2018-ci il 15 mart
tarixli 102 nömrəli qərarı ilə
təsdiq edilmişdir.

2 nömrəli əlavə

Dövlət ümumi təhsil müəssisələrində çalışan bilik və
bacarıqlarının diaqnostik qiymətləndirilməsi aparılan, gənclərin
çağırışaqədərki hazırlığı rəhbərlərinin aylıq vəzifə maaşlarının

S X E M İ

 

Sıra

№-si

 Təhsilin pillələri və pedaqoji staja qoyulan tələblər Aylıq vəzifə maaşı

(manatla)
1. Xüsusi hazırlıq keçmiş, tam orta təhsilli, pedaqoji stajı ən azı 5 ilə qədər 253
2. Xüsusi hazırlıq keçmiş, tam orta təhsilli, pedaqoji stajı 5 ildən çox; orta ixtisas təhsilli, pedaqoji stajı

5 ilə qədər

 264
3. Orta ixtisas təhsilli, pedaqoji stajı 5 ildən 10

ilədək; orta hərbi təhsilli və ya ali təhsilli, pedaqoji stajı hər iki halda 5 ilə qədər

 275
4. Ali təhsilli, pedaqoji stajı 5 ildən çox; orta ixtisas təhsilli, pedaqoji stajı 10 ildən çox; orta hərbi təhsilli, pedaqoji stajı 5 ildən çox; ali hərbi təhsilli,

pedaqoji staja tələb qoyulmadan

 292

 

Mənbə: cabmin.gov.az

Mühasibat və Audit xidmətləri üçün bizə müraciət edin
+994 12 598 20 70
+994 50 210 07 15
info@audit.az
1 … 2. 142 2. 143 2. 144 2. 145 2. 146 2. 147 2. 148 … 2. 408