Rusiyanın lenta.ru saytında vergilərlə bağlı maraqlı bir yazı dərc olunub. Həmin yazını diqqətinizə çatdırırıq.
Putinin proqramını yerinə yetirmək üçün hökümətə pul lazımdır.
Rusiya prezidenti Vladimir Putin Federal məclisə göndərdiyi müraciətində faktiki olaraq Rusiyanın yaxın altı il ərzində daxili siyasətinin konturlarını cızmış oldu. Əsasən insan kapitalına üstünlük veriləcəyini bəyan edən Rusiya lideri, yaxın illərdə büdcədən səhiyyə, təhsil və infrastruktur sahəsinə ayrılacaq xərclərin atrırılacağı anonsunu verib.
Prezidentin proqramı olduqca baha başa gələn bir proqram olacaq.
Məqalədə qeyd olunur ki, bəyan edilən məqsədlərin həyata keçirilməsinə yaxın altı il ərzində 20,5 trilyon rubl (360 milyard ABŞ dolları) vəsait lazım gələcək. Sosial sahə və nəqliyyat strukturunun inkişafı üçün 8,4 trilyon rubl, səhiyyədə keyfiyyətin yüksəldilməsinə görə 5,2 trilyon rubl, təhsil sahəsi üçün 3,6 trilyon, demoqrafik problemlərin həllinə görə isə 3,4 trilyon rubl lazım gələcək. İqtisadçılar federal büdcədən hazırda ayrılan vəsaitlərlə bu proqramın yerinə yetiriləcəyinə inanmırlar.
Hakimiyyət orqanları hələ ki, proqramın maliyyələşdirilməsindən ötrü dəqiq mənbələr müəyyən edə bilməyiblər.
Prezident seçkilərindən bir neçə ay əvvəl vergi sisteminin stabil qalacağına dair vədlər də verilmişdi. Həmin vaxt bilidirlmişdi ki, 2018-ci ilin sonuna kimi yeni vergilərin tətbiqi planlaşdırılmır.
Hökumət fiziki şəxslərdən tutulan gəlir vergisinin yüksəlişi ilə bağlı problem görmür.
Hökumət qarşıya qoyulan vəzifələrin yerinə yetirilməsi ilə bağlı bir neçə variantı nəzərdən keçirir ki, bu da hökmən adi rusiyalıların maraqlarına toxunacaq. Hazırki məqamda ən ehtimal olunan variant fiziki şəxslərdən tutulan gəlir vergisi tarifinin 13 faizdən 15 faizə qaldırlması hesab olunur.
Maliyyə nazirliyi isə geniş miqyaslı vergi manevrini təklif edir.
Maliyyə naziri Anton Siluanov sığorta haqlarının indiki 30 faizdən 22 faizə endirilməsini, paralel olaraq ƏDV-nin isə 18 faizdən 22 faizə qaldırılması təşəbbüsü ilə çıxış edib. Belə bir manevr işəgötürənin həyatını yüngülləşdirsə də, onun tətbiqi sadə ruslara zərbə vuracaq, axı, istehsalçılar və satıcılar yekun qiymətə həm də ƏDV-ni oturdurlar.
Maliyyə nazirliyi köhnə vergini yenidən geri qaytarmaq istəyir.
Prezidentin meqalayihələrinin maliyyələşdirilməsi üçün maliyyə nazirliyinin irəli sürdüyü variantlardan biri də satışdan tutulan verginin yenidən geri qaytarılması təklifidir ki, bu dəfə onun “dövriyyədən yığım” adı ilə tətbiqi planlaşdırılır. Həmin yığımın həcmi və kriteriyaları barədə isə hər hansı bir açıqlama verilmir. Satışdan tutulan vergi Rusiyada 1998-2004-cü illərdə tətbiq olunub ki, o vaxt həmin vergi satılan malın qiymətinin 5 faizini təşkil edirdi. Sözügedən verginin tətbiqi istehlakçıların həyatına mənfi təsirini göstərəcək, belə ki, satıcılar həmin beş faizi də malın yekun qiymətinə əlavə edəcəklər.
Mühasibat və Audit xidmətləri üçün bizə müraciət edin
+994 12 598 20 70
+994 50 210 07 15
Sual: Sadələşdirilmiş vegi ödəyicisi istehsal etdiyi məhsulların topdan və pərakəndə satışını həyata keçirir. Pərakəndə satış kassa aparatı (NKA) vasitəsi ilə, topdansatış isə sifarişçi ilə müqavilə bağlanıb qaimə-faktura təqdim edilməklə həyata keçirilir. Topdansatış zamanı bəzi hallarda təqdim edilmiş malların dəyəri sifarişçinin arzusu ilə nağd ödənilir və həmin məbləğ üçün ciddi hesabat blankı “kassa mədaxil orderi” yazılır və rüblük hesabatlarda hasilatdan əldə edilmiş gəlirlərə aid edilir. Beləliklə, “kassa mədaxil orderi” vasitəsi ilə aparılan ödənişə kassa aparatından çek vurulmur. Bu halda Vergi Məcəlləsinin pozulması halı yaranırmı?
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti işəgötürənlərə müraciət edib.