Mühasib təftişçinin əmək funksiyası nədir və nələri bilməlidir?
Əmək funksiyası. Müəssisə, idarə və təşkilat və onların sərbəst balansında olan bölmələrin təsərrüfat və maliyyə fəaliyyətinin sənədlərini qüvvədə olan təlimat və əsasnamələrə uyğun olaraq plan və xüsusi tapşırıq əsasında təftiş edir. Təftişin nəticələrini vaxtında rəsmiləşdirir və lazımi tədbirlər görmək üçün onları müvafiq yerlərə təqdim edir. Təftiş olunan obyektin rəhbərlərinə aşkar edilmiş pozuntu hallarını və çatışmazlıqları aradan qaldırmaq, görülmüş işlərin nəzarət-yoxlamalarını keçirmək haqqında göstərişlər verir.
Qəbul olunmuş pul vəsaitlərinin, əmtəə maddi qiymətlilərin və əsas fondların hesabının düzgünlüyünə, onların hərəkəti ilə bağlı əməliyyatların mühasibat uçotunda vaxtında əks etdirilməsinə, materialların, yanacağın, elektrik enerjisinin, pul vəsaitinin sərf olunmasının düzgünlüyünə, məxaric smetasına riayət olunmasına, ilkin sənədlər əsasında hesabat tərtibinin qaydasına, eləcə də müəssisə, idarə və təşkilatın bölmələrində inventarizasiya və mühasibat uçotunun aparılmasının təşkilinə nəzarət edir. Maliyyə vəsaitlərinin istifadəsində effektivliyin yüksəldilməsinə, onların hər vasitə ilə qənaətinə, müəssisə, idarə və təşkilatların təsərrüfat-maliyyə fəaliyyətinə nəzarətin gücləndirilməsinə, mühasibat uçotun düzgün təşkilinin təmin olunmasına istiqamətlənmiş tədbirlərin işlənib hazırlanmasında və həyata keçirilməsində iştirak edir. Mühasibat uçotu və hesabatın aparılmasına dair müəssisə, idarə və təşkilatın işçilərinin fəaliyyətinə nəzarət edir.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Bilməlidir:
- mühasibat hesabının təşkili və hesabatın tərtibi üçün yuxarı orqanların əsasnamə, sərəncam və əmrlərini, metodiki, normativ və başqa rəhbər materialları;
- müəssisə, idarə və təşkilatlarda mühasibat hesabatının işlənilməsinin üsul və formalarını;
- uçot-hesabat planını və korrespondensiyasını;
- hesabat sahələri üzrə sənəd dövriyyəsinin təşkilini;
- sənədlərin rəsmiləşdirilməsini, təsərrüfat vəsaitinin, onun hərəkətinin mühasibat hesabı sistemində əks olunması qaydasını;
- müəssisənin təsərrüfat maliyyə fəaliyyətinin iqtisadi təhlil metodlarım;
- hesablama texnikasının istismarı qaydasını; iqtisadiyyatın, istehsalatın, əməyin və idarəetmənin təşkilinin əsaslarını;
- əmək qanunvericiliyinin əsaslarını;
- əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını.
Ödəniş dərəcələrinə ixtisas tələbləri:
- 7-ci dərəcə: ali iqtisadi təhsil və müvafiq iş üzrə 3 ildən az olmayaraq iş stajı;
- 8-ci dərəcə: ali iqtisadi təhsil və 7-ci dərəcəli mühasib təftişçi vəzifəsində 3 ildən az olmayaraq iş stajı;
- 9-cu dərəcə: ali iqtisadi təhsil və 8-ci dərəcəli mühasib təftişçi vəzifəsində 3 ildən az olmayaraq iş stajı;
- 10-11-ci dərəcələr (aparıcı mühasib-təftişçi): ali iqtisadi təhsil, 9-cu dərəcəli mühasib təftişçi vəzifəsində 3 ildən az olmayaraq iş stajı.
İşəgötürən: TuranBank
Əvvəla bildirək ki, Azərbaycan Respublikası Konstitusiyasına görə hər kəs qanunla bərabər hüquqlara malikdir. Bu baxımdan da əlilliyi olan şəxslər üçün hər hansı məhdudiyyətlərin nəzərdə tutulması qanunvericiliklə qadağan edilmişdir.
Sual: VM 166.1.1-ci maddəsində qeyd olunan işlərin görüldüyü və xidmətlərin göstərildiyi vaxt dedikdə bunu iş görən tərərfindən görüldüyü, yaxud müştəri tərəfindən qəbul edildiyi vaxt vergi hesabatı baxımından qəbul olunmalıdır? ƏDV hesabatı üçün işlərin görüldüyü və xidmətlərin göstərildiyi vaxt hansı vaxt hesab olunur?