Hüquqi şəxslərin dövlət qeydiyyatı haqqında qanunda dəyişiklik edilib
Hüquqi şəxslərin dövlət qeydiyyatı və dövlət reyestri haqqında qanunda bir neçə dəyişiklik edilib. Edilən dəyişikliyə əsasən 5-1.1 maddəsi əlavə edilmişdir, belə ki, bundan sonra Onlayn Elektron dövlət qeydiyyatı zamanı təsisçi (təsisçilər) və qanuni təmsilçi (qanuni təmsilçilər) eyni şəxs olmadıqda, ərizə həm təsisçi (təsisçilər), həm də qanuni təmsilçi (qanuni təmsilçilər) tərəfindən gücləndirilmiş elektron imza ilə təsdiq edilməlidir.
Eyni zamanda 5.2-ci maddəyə edilən dəyişikliyə əsasən isə bundan sonra Hüquqi şəxs statusu almaq istəyən qurumun dövlət qeydiyyatına alınması üçün ərizə tək təsisçi tərəfindən deyil, həmçinin qanuni təmsilçi tərəfindən də imzalanmalıdır.
Bundan başqa 5.4.5-ci maddədə hüquqi şəxs statusu almaq istəyən qeyri kommersiya qurumunun da hüquqi ünvanını təsdiq edən sənədin tələb edilməsi əlavə edilib. Dəyişikliyin tam mətnini sizə təqdim edirik:
“ Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu.
Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 10-cu bəndini rəhbər tutaraq qərara alır:
“Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2004, № 1, maddə 8; 2005, № 1, maddə 1, № 8, maddə 700; 2006, № 2, maddə 70; 2008, № 2, maddə 49; 2010, № 4, maddə 265; 2012, № 1, maddə 2, № 7, maddə 651; 2013, № 12, maddə 1479; 2014, № 2, maddə 78, № 7, maddə 769, № 11, maddə 1356, № 12, maddə 1526; 2015, № 11, maddə 1259; 2016, № 4, maddə 644, № 10, maddə 1606; 2017, № 5, maddələr 709, 724, № 10, maddə 1775) aşağıdakı dəyişikliklər edilsin:
- 5.2-ci maddəyə “təsisçi (bir neçə təsisçi olduqda isə, bütün təsisçilər)” sözlərindən sonra “, qanuni təmsilçi (qanuni təmsilçilər)” sözləri əlavə edilsin və həmin maddədə “onun (onların)” sözləri “onların” sözü ilə əvəz edilsin.
- Aşağıdakı məzmunda 5.3.2-2-ci maddə əlavə edilsin:
“5.3.2-2. publik hüquqi şəxsin və kommersiya qurumunun hüquqi ünvanına (daimi fəaliyyət göstərən orqanının yerləşdiyi yerə) dair məlumat;”.
- 5.4.5-ci maddədə “qurumun” sözü “qeyri-kommersiya qurumunun” sözləri ilə əvəz edilsin.
- 5.4.6-cı maddədən “təyin edildiyi halda, onun” sözləri çıxarılsın.
- 5-1.1-ci maddəyə aşağıdakı məzmunda dördüncü cümlə əlavə edilsin:
“Elektron dövlət qeydiyyatı zamanı təsisçi (təsisçilər) və qanuni təmsilçi (qanuni təmsilçilər) eyni şəxs olmadıqda, ərizə həm təsisçi (təsisçilər), həm də qanuni təmsilçi (qanuni təmsilçilər) tərəfindən gücləndirilmiş elektron imza ilə təsdiq edilməlidir.”.
İlham Əliyev
Azərbaycan Respublikasının Prezidenti
Bakı şəhəri, 30 oktyabr 2018-ci il.
Mənbə: president.az
Moskva polis idarəsinin baş istintaq idarəsi əməkhaqlarının ödənişi ilə bağlı saxtakarlıq edən mühasib barəsində cinayət işini baxılmasından ötrü məhkəməyə göndərib.
“Polad Ailə Kəndli Fermer Təsərrüfatı” (VÖEN: 2600516621) ləğv olunduğunu elan edir. Kreditorlar tələblərini Lənkəran rayonu, Lənkəran şəhəri, H. Əsgərov ünvanına bildirə bilərlər.
Sual: Sualım obyektin icarə verilməsindən əldə olunan gəlirlə bağlıdır. Məsələn: “A” MMC-nin Daşınmaz əmlakı var və o, sadələşdirilmiş vergi ödəyicisidir. “A” MMC obyektini digər sadələşdirilmiş vergi ödəyicisnə “B” MMC icarəyə verir. Bu zaman “A” MMC-nin gəlirləri vergilər məcələsinin 218.5.4 bəndinə əsasən sadələşdirilmiş vergi ödəyicisi olmaq hüququ olmur. Bu zaman 2 sualım yaranır: