Bu il sentyabrın 1-nə Azərbaycanda 1 031 164 vergi ödəyicisi uçotda olub ki, bunun da 13,1%-ni hüquqi şəxslər təşkil edib.
Bu barədə Vergilər Nazirliyinin açıqlamasında bildirilir.
Məlumatda həççinin deyilir ki, son 1 ildə hüquqi şəxslərin sayı 11,5% artıb və bu artımın 99,2%-i kommersiya qurumlarının hesabına təmin edilib.
Təkcə bu ilin avqust ayında 1 372 kommersiya qurumu dövlət qeydiyyatına alınıb ki, bu da ötən ilin avqust ayına nisbətən 47% çoxdur. Kommersiya qurumlarının 72,1%-i elektron qaydada qeydiyyatdan keçib. Hazırda qeydiyyatda olan kommersiya qurumlarının 84,4%-i MMC, 1,6%-i isə ASC və yaxud QSC kimi fəaliyyət göstərir.
Hesabat tarixinə 64 329 kommersiya qurumunun və yaxud ümumi kommersiya qurumlarının 53,7%-i aktiv olub ki, bu da ötən ilin müvafiq dövrü ilə müqayisədə 22,6% artım deməkdir. 2018-ci ilin 8 ayı ilə müqayisədə kommersiya qurumlarının tərkibində ƏDV ödəyicilərinin sayı 22% artaraq 31 946-ya çatıb, aktiv ƏDV ödəyicilərinin sayı isə 18 622-yə çatıb. Aktiv ƏDV ödəyicilərinin sayı müqayisə edilən dövrdə 33,1% artıb və onların xüsusi çəkisi 2,2 faiz bəndi çox olub.
Hüquqi şəxslərin dövlət qeydiyyatının mütərəqqi üsullarla aparılması məqsədilə son illər ərzində həyata keçirilən islahatlar nəticəsində bu gün ölkədə yerli investisiyalı məhdud məsuliyyətli cəmiyyətlərin qeydiyyatının böyük əksəriyyəti elektron üsulla aparılır. “Hüquqi şəxslərin dövlət qeydiyyatı və dövlət reyestri haqqında” qanunda edilmiş son dəyişikliklər ölkəmizdə sahibkarlıq subyektlərinin qeydiyyatı sahəsində yeni əlverişli mühitin formalaşmasına müsbət təsir göstərib. Və cari ilin 8 ayı ərzində hüquqi şəxslərin dövlət qeydiyyatı sahəsində sürətli artım dinamikası müşahidə olunub.
Həmin dövrdə qeydiyyata alınmış hüquqi şəxslərin sayı 2018-ci ilin müvafiq dövrü ilə müqayisədə 26,3% artıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 80,9%-dən 87,3%-ə qədər yüksəlib. Cari ilin son üç ayında isə e-qeydiyyatın xüsusi çəkisi 90%-dən çox olub. Cari ilin əvvəlindən tətbiq edilən yeni qeydiyyat üsulu (finkod+mobil nömrə) e-qeydiyyatın xüsusi çəkisini daha da artırıb.
Mənbə: report.az
hüquqi şəxs
Vakansiya: Baş Mühasib / İşəgötürən: Vugma Food Products
