You can display the Full post on your Blog Page
Vakansiya: Mühasib / İşəgötürən: Espresso Club Azerbaijan
Əmək Haqqı: 800 AZN
Ümumi məlumat
Zəhmət olmasa CV-lərinizi hr@imic.az / info@finstaff.az emailinə göndərin.
Mikayıl Cabbarov: “Dövlət Statistika Komitəsi ilə Vergilər Nazirliyinin rəqəmləri arasında 7 dəfəyə qədər fərq yaranıb”
“Pərakəndə ticarət və ictimai iaşə sahələrində çox böyük qeyri-formallıq müşahidə edilir”.
Bunu Bakıda keçirilən “Kölgə İqtisadiyyatına Qarşı Mübarizə – İqtisadi İnkişafın Mühüm Amili kimi” adlı konfransda çıxış edən Vergilər naziri Mikayıl Cabbarov deyib.
M.Cabbarovun sözlərinə görə, Statistika Komitəsi ilə onların göstəriciləri arasında fərq olub: “2018-ci ilin nəticələrinə görə, Dövlət Statistika Komitəsi ilə Vergilər Nazirliyinin rəqəmləri arasında çox böyük fərq olub. Bu fərq təxminən 7 dəfəyə qədər olub. Bu da bir daha kölgə iqtisadiyyatının həcmini göstərir. Bu il qeyri-neft sektoru üzrə vergi yığımları proqnoza qarşı 280 mln manat artıq olub ki, bu da proqnoz tapşırığın 112% icra edilməsi deməkdir”.
Nazir əlavə edib ki, əmək bazarında şəffaflaşma prosesi artan dinamika ilə gedir: “Bu ilin ilk 8 ayında özəl sektorda 88 mindən çox yeni əmək müqaviləsi bağlanıb. Dövlət sektoru da nəzərə alınsa bu rəqəm 112 minə çatıb. Hansı ki, onun 78%-i özəl sektorun payına düşür. Əmək müqavilələrinin rəsmiləşdirilməsi əsasən ticarət, xidmət, tikinti, sənaye sahələrində qeydiyyata alınıb. Əməkhaqqında da artım qeydə alınıb. Belə ki, minimum əməkhaqqının artırılması ilə bağlı təşəbbüsləri nəzərə almasaq əməkhaqqının həcmi 20%-dək artıb”.
Mənbə: report.az
Sadələşdirilmiş vergi ödəyicisi iştirak payını satarsa vergitutma necə olur?
Bax:
Vergi ödəyicisi vergi güzəştindən imtina edə bilər?
Əmlakın satışı zamanı ƏDV və mənfəət vergisi necə hesablanır?
Vəfat etmiş vergi ödəyicisinin vergi borcunu kim ödəməlidir?
ƏDV ödəyicisi olan şirkət icarəyə torpaq götürüb, tikinti şirkəti ilə müqavilə əsasında ofis tikintisini həyata keçirir. İşlərin həyata keçirilməsi zamanı ödənişlər müqavilə əsasında avans şəklində ödənilir və kapital qoyuluşu hesabında qeyd olunur. Obyektin tikintisi 2020-ci ildə planlaşdırılır, müvafiq təhvil-təslim sənədləri veriləndən sonra əsas vəsaitlər hesabına köçürüləcək. Belə olan halda tikintiyə ödənilən vəsait şirkətin sərbəst mənfəətindən çıxılmalıdırmı, yoxsa yalnız amortizasiya xərcləri mənfəətə təsir göstərəcək?
Vergilər Nazirliyinin bu məsələ ilə bağlı şərhində bildirilib ki, əsas vəsaitlərin tikintisini podrat üsulu ilə həyata keçirərkən ödənilən məbləğlər kapital qoyuluşu hesabına aid edilməklə aktivlərin dəyərini formalaşdırır. Təhvil verilən aktivlər “Təhvil-qəbul aktı” və elektron qaimə-faktura əsasında balansa mədaxil edilir və aktivlərə çəkilmiş xərclər yalnız amortizasiya ayırması şəklində gəlirdən çıxılır. Aktivlərin tikilməsi prosesində çəkilən kapital xarakterli xərclər bəyannamənin Əlavəsində “kapitallaşdırma üçün aktivlər” 1.8-ci sətrində əks olunur. Aktivlər təhvil verildikdə isə təhvil verilən aktivin dəyəri əsas vəsaitlər sətrinə mədaxil edilməklə əks olunur.
Vergi Məcəlləsinin 13.2.17-ci maddəsinə əsasən, Məcəllənin 114-cü maddəsinə uyğun olaraq istifadə müddəti bir ildən və dəyəri 500 manatdan çox olan əsas vəsaitlər amortizasiya edilməli olan maddi aktivlərdir.
Vergi Məcəlləsinin 109.1-ci maddəsinə əsasən, əsas vəsaitlərin alınmasına və qurulmasına çəkilən xərclərin və bu Məcəllənin 143-cü maddəsinə uyğun olaraq kapital xarakterli digər xərclərin gəlirdən çıxılmasına yol verilmir.
VM 114.1-ci maddəsinə əsasən, bu Məcəllənin 99-cu maddəsində müəyyən edilmiş sahibkarlıq və qeyri-sahibkarlıq fəaliyyətində istifadə edilən əsas vəsaitlər üzrə amortizasiya ayırmaları bu maddənin müddəalarına uyğun olaraq gəlirdən çıxılır.
Qeyd olunanlara əsasən, müəssisə tərəfindən sahibkarlıq fəaliyyətində istifadə edilən əsas vəsaitlərin alınmasına və qurulmasına çəkilən xərclər amortizasiya ayırmaları şəklində gəlirdən çıxılır.
Bunlarla yanaşı, sorğuda göstərilən əməliyyatlar üzrə müxabirləşmələrin aparılması ilə bağlı aidiyyəti üzrə Azərbaycan Respublikasının Maliyyə Nazirliyinə müraciət oluna bilər.
