Blog Full - Audit.Az

Oxunma sayı: 132. 552

11 Sen 2019

Vergi ödəyicisi vergi güzəştindən imtina edə bilər?

by Audit.Az | posted in: Vergi, Xəbər | 0

Vergi ödəyicisi vergi güzəştindən imtina edə bilər?

Sual:

Vergi Məcəlləsiylə vergi ödəyicilərinə tətbiq olunan vergi güzəştlərindən vergi ödəyicisinin istifadə etməmək kimi bir hüququ varmı?

Cavab:

Vergi Məcəlləsi ilə müəyyən edilmiş hallarda və qaydada vergi güzəştlərindən istifadə etmək vergi ödəyicilərinin vəzifələrinə deyil, hüquqlarına aid edilmişdir. Vergi ödəyicisi həmin hüquqlardan istifadə etməyə də bilər.

Əsas: Vergi Məcəlləsinin 15.1.3-cü maddəsi.

Həmçinin bax:

Mənbə: taxes.gov.az

Teleqram kanalımıza üzv olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

vergi ödəyicisi vergi gözəşti

11 Sen 2019

Əmlakın satışı zamanı ƏDV və mənfəət vergisi necə hesablanır?

by Audit.Az | posted in: sual-cavab, Vergi, Xəbər | 0

Əmlakın satışı zamanı ƏDV və mənfəət vergisi necə hesablanır?

Sual:

A müəssisəsi Əlavə Dəyər Vergisi ödəyicisidir və balansında 100000 AZN dəyərində daşınmaz əmlakı (qeyri yaşayış sahəsi) var. Həmin əmlak A müəssisəsi tərəfindən alınarkən Əlavə Dəyər Vergisi ödənilmiş və həmin dövrdə də əvəzləşdirilmışdir. Hüquqi şəxsin mülkiyyətində olan torpaq və qeyri-yaşayış sahəsi təqdim olunarkən sadələşdirilmiş vergiyə cəlb olunduğunu nəzərə alsaq, A müəssisəsi tərəfindən həmin əmlak satılarkən əvəzləşmiş Əlavə Dəyər Vergisi məbləği yenidən hesablanmalıdırmı?

Cavab:

Bildiririk ki, Vergi Məcəlləsinin müddəalarına əsasən mülkiyyətində olan yaşayış və qeyri-yaşayış sahələrinin təqdim edilməsini həyata keçirən şəxslər sadələşdirilmiş verginin ödəyiciləridirlər. Hüquqi şəxs tərəfindən balansında olan daşınmaz əmlakın təqdim edilməsi zamanı həmin əmlakın təqdim edilməsi üzrə müqaviləni təsdiq edən notarius tərəfindən ödəmə mənbəyində sadələşdirilmiş vergi hesablanaraq dövlət büdcəsinə ödənilir və bu təqdim etmədən əldə edilən gəlirlər mənfəət vergisi məqsədləri üçün vergi tutulan gəlirlərə aid edilmir.

Eyni zamanda aparılmış əməliyyat ƏDV-nin vergitutma obyektini təşkil etmədiyindən, həmin daşınmaz əmlaka görə Əlavə Dəyər Vergisi ödənilib əvəzləşdirildiyi halda ödənilmiş və əvəzləşdirilmiş ƏDV-nin məbləği təqdim etmənin baş verdiyi ayın Əlavə Dəyər Vergisi bəyannaməsində yenidən hesablanmaqla dövlət büdcəsinə bərpa edilir.

Əsas: Vergi Məcəlləsinin 3.5-ci, 150.1.9-cu, 159-cu, 218.4.3-cü, 219.3-1-ci və 219.5-ci maddələri.

Mənbə: taxes.gov.az

Həmçinin bax:

Vəfat etmiş vergi ödəyicisinin vergi borcunu kim ödəməlidir?

Teleqram kanalımıza üzv olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

ƏDV EDV Mənfəət vergisi

11 Sen 2019

Vəfat etmiş vergi ödəyicisinin vergi borcunu kim ödəməlidir?

by Audit.Az | posted in: sual-cavab, Vergi, Xəbər | 0

Sual: Bilmək istəyirəm, valideyn yerli vergilər idarəsinin qeydiyyatında öz adında dükan işlədir. Valideyn sağ ikən, öz dövlət qeydiyyatında olan dükanını övladlarından heç birinin adına yerli vergilər idarəsində qeydiyyata salmırsa və sağlığındada dükanın fəaliyyətinin dayandırılması barədə də yerli vergi idarəsinə ərizə ilə muraciət etmirsə və ömrünün sonuna qədər öz dövlət qeydiyyatında olduğu dukanını hər ayın vergisini verib işlədirsə, belə olduğu təqdirdə valideyin dunyadan köçəndə valideynin hər ay ödəməli olduğu vergisinə görə övladlarından hər hansı biri məsuliyyət daşıyırmı?

Cavab: Bildiririk ki, vəfat etmiş fiziki şəxsin vergi öhdəliklərini onun varisi (varisləri) miras qalan əmlakın dəyəri hüdudlarında və mirasın alındığı tarixdəki payına mütənasib şəkildə ödəyirlər.

Vəfat etmiş şəxsin varisi (varisləri) olmadıqda və ya varisi (varisləri) tərəfindən miras qəbul edilməməsinə dair notariat kontorlarından və vəfat etmiş şəxsin varisindən (varislərindən) alınmış rəsmi məlumat olduqda vergi borclarının silinməsi vergi orqanında yaradılmış Komissiyayanın qərarı əsasında həyata keçirilir.

Vəfat etmiş şəxsin varisi (varisləri) olduqda və onun əmlakı varisə (varislərə) keçdikdə vəfat etmiş şəxsin vergiləri üzrə borcları vərəsəlik əmlakının dəyəri hədlərində ödənilir. Qeyd edilən halda vəfat etmiş şəxslərin borcları vərəsəlik əmlakının qəbul edildiyi tarixdəki dəyərinə uyğun olaraq onun əmlakını vərəsəlik qaydasında qəbul etmiş şəxslərdən yazılı qaydada tələb edilməlidir. Vərəsəlik əmlakını qəbul etmiş şəxs vəfat etmiş şəxsin vergi öhdəliklərini yerinə yetirməkdən imtina etdikdə, vergi qanunvericiliyi ilə müəyyən edilmiş qaydada əmlakın siyahıya alınması həyata keçirilir və məhkəməyə müraciət edilir.

Əsas: VM 81-ci maddəsi.

Mənbə: taxes.gov.az

Teleqram kanalımıza üzv olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

vergi borcu

11 Sen 2019

3000 manat əmək haqqı ilə Mühasib axtarılır

by Audit.Az | posted in: İş elanı, mühasib, Vakansiya, Xəbər | 0

Vakansiya: Mühasib / İşəgötürən: AzeriMed MMC

Əmək Haqqı: 2000 – 3000 AZN

Ümumi məlumat

Kateqoriya: Maliyyə və Mühasibat
Alt kateqoriya: Mühasibat
Şəhər: Bakı
Yaş: 30 – 65 yaş
Cins: Fərqi yoxdur
Təhsil: Ali
İş təcrübəsi: 3 ildən 5 ilə qədər
Əlaqədar şəxs: Orxan bəy
Telefon: (055) 455 84 04
E-mail: cv@azerimed.com / info@finstaff.az

Vakansiya barədə məlumat

– DSMF, Statistika və digər hesabatların tərtib və təqdim edilməsi;
– Müəssisənin hesablaşma hesabına və kassasına daxil olan və xaric olan vəsaitlərin (pulların) uçotunun aparılması;
– Gündəlik maliyyə əməliyyatlarının yerinə yetirilməsi;
– Maliyyə aktivlərinin idarə olunması
– Rəsmi hesabatların (Vergi, Statistika, Məşğulluq) müvafiq orqanlara təqdim edilməsi
– Vergi risklərinin hesablanması
– Büdcə planlaşdırılmasının və icrasının təmin edilməsi
– Pul vəsaitləri hərəkətinin və maliyyə vəziyyəti haqqında aylıq hesabatların hazırlanması
– Vergi və mühasibat hesabatlarının tərtib edilməsi və qanunvericiliklə müəyyən edilmiş qaydada müvafiq orqanlara göndərilməsinin həyata keçirilməsi;
– Mövcud qanunvericiliyə uyğun olaraq müəssisənin rəsmi maliyyə nəticələrinin dəqiq uçotunun təşkil edilməsi
– Qanunvericiliyə uyğun dövlət orqanlarının və Rəhbərliyin tələb etdiyi forma və müddətlərdə maliyyə vəsaitlərinin hərəkətlərinin uçotunun təşkil edilməsi, hesabatların işlənib hazırlanması və təqdim edilməsi.
– Vəzifə səlahiyyətinə müvafiq olaraq qərarların qəbul edilməsi – Əsas vəsaitlərlə işləyə bilənlərə və dövlət sektorunda işləyənlərə üstünlük verilir

Mühasib üçün tələblər

– Yaş: minimum 30 yaş və yuxarı;
– Ali təhsil (Maliyyə, iqtisadiyyat, mühasibat uçotu sahəsində olması mütləqdir);
– Qeyd edilən sahədə ən az 3 il iş təcrübəsi;
– Logistika və istehsalat sahəsində iş təcrübəsinin olması üstünlükdür;
-1C 8.3 və Excel proqramlarında sərbəst işləmə bacarığı;
-Vergi və Mülki Məcəllələr üzrə əla səviyyədə biliklər;
-Beynəlxalq mühasibat uçotu standartlarını bilmək (ACCA və digər sertifikatların olması üstünlükdür).

CV-lərinizi cv@azerimed.com / info@finstaff.az ünvanına göndərə bilərsiniz.