Oxunma sayı: 132. 383
21 Okt 2019

Törəmə müəssisənin ana müəssisədən aldığı pul vəsaiti törəmə müəssisənin gəliri sayılırmı?

by | posted in: sual-cavab, Vergi, Xəbər | 0

Ana müəssisə törəmə müəssisəyə maliyyə yardımı kimi pul vəsaiti versə, ana müəssisə mənfəət vergisi bəyannaməsində verdiyi maliyyə yardımını öz xərcinə sala bilərmi? Törəmə müəssisənin ana müəssisədən aldığı pul vəsaiti törəmə müəssisənin gəliri sayılırmı və törəmə müəssisənin mənfəət vergisi bəyannaməsində gəlir kimi göstərilməlidirmi?

Vergilər Nazirliyinin şərhinə əsasən, müəssisəyə təsisçi tərəfindən faizsiz borc verilməsinə qanunvericilikdə məhdudiyyət nəzərdə tutulmamışdır. Borc tərəflər arasında qanunvericiliyə uyğun olaraq bağlanılan borc müqaviləsinə əsasən verilə bilər. Hüquqi şəxsin təsisçisi tərəfindən pul vəsaiti əvəzsiz olaraq hüquqi şəxsə verildikdə həmin pul vəsaitləri hüquqi şəxsin gəliri hesab olunmaqla satışdankənar gəlir kimi bəyan edilərək müvafiq qaydada vergiyə cəlb olunmalıdır.

Hüquqi şəxslə onun təsisçisi mülki hüququn ayrı-ayrı subyektləri olmaqla vergitutma məqsədləri üçün qarşılıqlı surətdə asılı olan şəxslər sayıldığından təsərrüfat əqdləri həmin şəxslər arasında həyata keçirildikdə vergilərin hesablanması bazar qiyməti nəzərə alınmaqla həyata keçirilir.

Qeyd edilənlərə əsasən təsisçi tərəfindən müəssisəyə faizsiz verilmiş borc məbləğinə həmin borcun aid olduğu dövrdə eyni valyuta ilə oxşar müddətə verilmiş kreditlər üzrə faizlərin səviyyəsi nəzərə alınmaqla faizlər hesablanmalı və təsisçiyə ödənilən faiz məbləğlərindən ödəmə mənbəyində 10 faiz dərəcə ilə vergi tutulub dövlət büdcəsinə ödənilməlidir.

Müəssisə tərəfindən vergi ödəyicisi kimi vergi orqanlarında uçotda olmayan təsisçi fiziki şəxslərə borc pul vəsaitinin qaytarılması “Nağdsız hesablaşmalar haqqında” Azərbaycan Respublikasının Qanununun 3.3-cü maddəsində qeyd edilən hədlər daxilində nağd qaydada, vergi ödəyicisi kimi vergi orqanlarında qeydiyyatda olan təsisçiyə faizsiz pul vəsaitlərinin qaytarılması isə yalnız nağdsız qaydada həyata keçirilməlidir.

Mənbə: vergiler.az

Teleqram kanalımıza üzv olun

Ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Audit və Kadr Xidmətləri üçün linkə daxil olun.
törəmə müəssisənin gəliri törəmə müəssisə
21 Okt 2019

Vergilər Nazirliyinin büdcə öhdəliyi 8% artırılır

by | posted in: Vergi, Xəbər | 0

Vergilər Nazirliyinin büdcə öhdəliyi 8% artırılır

2020-ci ildə Vergilər Nazirliyinin xətti ilə dövlət büdcəsinə 7 785 milyon manat vəsait daxil olacağı gözlənilir.

Bu barədə gələn ilin dövlət və icmal büdcələrinin layihələrinə istinadən xəbər verir.

Sənədlərə əsasən, bu, 2019-cu ilin proqnozu ilə müqayisədə 7,6% çoxdur.

Gələn il ən çox artım fiziki şəxslərin ödədiyi gəlir vergisində gözlənilir. Bu istiqamətdə daxilolmaların illik müqayisədə 33,5% çox – 1 175 milyon manat olacağı nəzərdə tutulub. Aksiz vergisi üzrə daxilolmaların 24,4% artaraq 749 milyon manat, sadələşdirilmiş vergi üzrə daxilolmaların 18% artaraq 380 milyon manat, əlavə dəyər vergisi üzrə daxilolmaların 12,5% artaraq 2 030 milyon manat, mədən vergisi üzrə daxilolmaların 1,1% artaraq 134,5 milyon manat, əmlak vergisi, dövlət rüsumu və torpaq vergisi üzrə daxilolmaların isə dəyişməyərək müvafiq olaraq 211 milyon manat, 190 milyon manat və 45 milyon manat olacağı proqnozlaşdırılır.

Əvəzində mənfəət vergisi üzrə daxilolmaların 0,5% azalaraq 2 656,5 milyon manat, yol vergisi üzrə daxilolmaların 7,3% azalaraq 76 milyon manat, sair daxilolmaların isə 39,5% azalaraq 228 milyon manata olacağı gözlənilir.

Mənbə: report.az

Teleqram kanalımıza üzv olun

Ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Audit və Kadr Xidmətləri üçün linkə daxil olun.
büdcə öhdəliyi Vergilər
21 Okt 2019

Vergi organında çalışan şəxs hər hansı müəssisədə təsisçi ola bilərmi?

by | posted in: sual-cavab, Vergi, Xəbər | 0

Vergi organında çalışan şəxs hər hansı müəssisədə təsisçi ola bilərmi?

Sual:

Vergi orqanında çalışan şəxs özəl sahədə fəaliyyət göstərən hər hansı müəssisədə təsisçi ola bilərmi?

Cavab:

Bildiririk ki, vergi orqanlarının vəzifəli şəxslərinin təsərrüfat subyektlərinin idarə edilməsində bilavasitə və ya nümayəndə vasitəsilə iştirak etməyə, sahibkarlıq fəaliyyəti ilə (o cümlədən vasitəçilərin köməyi ilə) məşğul olmağa, üçüncü şəxslərə qanunvericilikdə nəzərdə tutulmayan hər hansı bir yardım göstərməyə və bunun müqabilində haqq almağa, imtiyazlar və xidmətlər əldə etməyə, əvəzçilik qaydasında istənilən haqqı ödənilən işi görməyə (elmi-pedaqoji və yaradıcılıq fəaliyyətindən başqa) ixtiyarı yoxdur.

Əsas:

“Dövlət vergi orqanlarında xidmət haqqında Əsasnamənin təsdiq edilməsi barədə” Azərbaycan Respublikasının 12 iyun 2001-ci il tarixli 141-IIQ saylı Qanunu

Mənbə: taxes.gov.az

Bax:

Teleqram kanalımıza üzv olun

Ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Audit və Kadr Xidmətləri üçün linkə daxil olun.
vergi təsisçi
21 Okt 2019

Obyektlərin adı, fəaliyyət növü və iş rejimi barədə lövhələrə dair tələb dəyişib

by | posted in: Xəbər | 0

Obyektlərin adı, fəaliyyət növü və iş rejimi barədə lövhələrə dair tələb dəyişib

Reklam birbaşa və ya reklam daşıyıcısı vasitəsilə torpaq sahələrində, bina, qurğu və digər tikililərin fasadlarında (divarlarında, hasarlarında), dam örtüklərində, bayıra ünvanlanmaqla qapıların, pəncərələrin (pəncərə altlıqlarının), vitrinlərin çöl və iç tərəflərində, habelə açıq məkanda olan avadanlıqlarda, avtomobil yollarının dayanacaqlarında və yeraltı keçidlərində, hava şarlarının, aerostat və dirijablların üzərində yerləşdirildiyi halda açıq məkanda reklam hesab olunacaq.

Bu, Prezident İlham Əliyevin imzaladığı fərmanla “Açıq məkanda reklam yerləşdirilməsinə icazə verilməsi və bu sahədə nəzarətin həyata keçirilməsi Qaydası”nda edilən dəyişiklikdə əksini tapıb.

İndiyə qədər avtomobil yollarının torpaq sahəsində, şəhər, kənd, qəsəbə və digər yaşayış məntəqələrində olan reklam daşıyıcıları üzərində yerləşdirilən reklam açıq məkanda reklam hesab edilib.

Qüvvədə olan Qaydaya əsasən, birbaşa aid olduğu xidmət, ticarət və ya digər obyektlərin giriş hissəsində, divarında yerləşdirilən və həmin obyektlərin adını, mənsubiyyətini, fəaliyyət növünü, ünvanını və iş rejimini istehlakçıya çatdıran sayı 1-dən, ümumi ölçüsü 2 kvadratmetrdən artıq olmayan lövhələr (yazılar) reklam daşıyıcıları və ya yerləşdirilməsinə icazə alınması tələb olunan reklam hesab edilməyib.

Dəyişikliyə əsasən, artıq ümumi ölçüsü 2 kvadratmetrdən deyil, 1 kvadratmetrdən artıq olmayan lövhələr (yazılar) reklam daşıyıcıları və ya yerləşdirilməsinə icazə alınması tələb olunan reklam hesab edilməyəcək.

Mənbə: apa.az

Teleqram kanalımıza üzv olun

Ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Audit və Kadr Xidmətləri üçün linkə daxil olun.
Obyektlərin adı
1 … 1. 435 1. 436 1. 437 1. 438 1. 439 1. 440 1. 441 … 2. 391