Blog Full - Audit.Az

Oxunma sayı: 145. 326

25 Avq 2020

İşçinin gəlir vergisi üzrə iki güzəşti varsa, hansı tətbiq edilir?

by Audit.Az | posted in: sual-cavab, Vergi, Xəbər | 0

İşçinin gəlir vergisi üzrə iki güzəşti varsa, hansı tətbiq edilir?

Sual: Böyük vətən müharibəsi iştirakçılarının övladlarına əmək haqqından tutulan vergi hesablanarkən 400 manat, yoxsa 600 manat güzəşt edilir? Əgər işçi II qrup əlildirsə.

Cavab: Vergi Məcəlləsinin 1 yanvar 2019-cu il tarixdən qüvvəyə minmiş 102.2.5-ci maddəsinə əsasən, həlak olmuş, yaxud sonralar vəfat etmiş döyüşçülərin dul arvadlarının (ərlərinin) və övladlarının hər hansı muzdlu işdən vergi tutulmalı olan aylıq gəliri 400 manat məbləğində azaldılır.

Qeyd olunanlara əsasən, Vergi Məcəlləsinin 102.2.5-ci maddəsi ilə müəyyən edilmiş güzəşt hüququ Azərbaycan Respublikasının Nazirlər Kabinetinin 2001-ci il 4 yanvar tarixli 4 nömrəli Qərarı ilə təsdiq edilmiş “Əmək haqqından tutulan vergi hesablanarkən fiziki şəxslərin vergi güzəştləri hüququnun müəyyənləşdirilməsi üçün sənədlərin Siyahısı”nın 1.5-ci bəndində qeyd olunmuş aşağıdakı sənədlərdən birinin əsas iş yerinə (əmək kitabçasının olduğu yerə) təqdim edildiyi andan yaranır:

AR Səfərbərlik və Hərbi Xidmətə Çağırış üzrə Dövlət Xidmətinin vəsiqəsi;
Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun şəhər, rayon şöbəsinin və ya “DOST” mərkəzinin arayışı;
Azərbaycan Respublikası Müdafiə Nazirliyinin, Ədliyyə Nazirliyinin, Daxili İşlər Nazirliyinin, Naxçıvan Muxtar Respublikası Ədliyyə Nazirliyinin, Dövlət Sərhəd Xidmətinin, Azərbaycan Respublikasının Dövlət Təhlükəsizliyi Xidmətinin, Azərbaycan Respublikası Xarici Kəşfiyyat Xidmətinin arayışları;

Qeyd olunanlara əsasən, güzəşt hüququnun əldə edilməsi ilə bağlı müraciət edən fiziki şəxsin valideynlərinin və ya ərinin (arvadının) həlak olmuş, yaxud sonralar vəfat etmiş döyüşçü olması müvafiq orqanlar tərəfindən verilmiş sənədlərdə (arayışlarda) göstərilməlidir.

2-ci qrup əlillərin hər hansı muzdlu işdən vergi tutulmalı olan aylıq gəliri 200 manat məbləğində azaldılır.

Yuxarıda qeyd olunan iki güzəştin ən yüksək olanı tətbiq olunur.

Eyni zamanda, fiziki şəxsin əsas iş yerində (əmək kitabçasının olduğu yerdə) hər hansı muzdlu işlə əlaqədar əldə edilən aylıq gəliri 2500 manatadək olduqda, 200 manat məbləğində olan hissəsi gəlir vergisi -ndən azaddır. Qeyd olunanlara əsasən, siz azadolmanı təsdiq edən sənədləri təqdim etməklə 600 manat güzəştdən faydalana bilərsiniz.

Əsas: Vergi Məcəlləsinin 102-ci maddəsi və Azərbaycan Respublikası Nazirlər Kabinetinin 4 yanvar 2001-ci il tarixli 4 nömrəli Qərarı ilə təsdiq edilmiş “Əmək haqqından tutulan vergi hesablanarkən fiziki şəxslərin vergi güzəştləri hüququnun müəyyənləşdirilməsi üçün sənədlərin Siyahısı”

Mənbə: taxes.gov.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

25 Avq 2020

Mühasiblərin sürətini artıracaq 8 shortcut

by Audit.Az | posted in: Excel, muhasibat, Xəbər | 0

Mühasiblərin sürətini artıracaq 8 shortcut

Müasir dövrdə sürət hər şey deməkdir. Nə qədər sürətli işləsəniz, bir o qədər daha çox şey öyrənmiş və etmiş olarsınız. Bu səbəblə, Excel-də nə qədər çox shortcut bilsəniz, həm işinizi qısa zamanda bitirmiş, həm də ciddi şəkildə inkişaf etmiş olarsınız.

Excel – yeni bir dil öyrənmək kimidir. Nə qədər çox istifadə etsəniz, bir o qədər tez avtomatlaşdırarsınız.

Aşağıda işinizdə çox böyük asanlıqlar yaradacaq 8 shortcut var. Mütləq öyrənməyə və işinizdə tətbiq etməyə çalışın.

Shortcut 1: Ctrl + A – Bütün səhifəni seçmə

Worksheet-də olan bütün xanaları tək bir kombinasiya ilə seçməyə yarayır. Bütün sheet-in fontunu, onun rəngini, ölçüsünü dəyişmək istəsəniz, tək bir kombinasiya ilə bütün xanaları seçə bilərsiniz. Eyni funksiyanı aşağıdakı screenshot-da gördüyünüz qutucuğa klikləyərək də edə bilərsiniz.

Shortcut 2: Shift + Space – Sətiri bütövlükdə seçmə

Bütün sətri seçməyə yarayır. Bütünüylə seçmək istədiyiniz sətirin hər hansı bir xanasına gəlirsiniz və bu kombinasiyanı həyata keçirərək bütün sətri seçmiş olursunuz. Əgər birdən çox sətir seçiləcəksə, o zaman Shift düyməsi ilə birgə Aşağı düyməsinə basaraq lazımi qədər sətir seçmək mümkündür.Eyni əməliyyatı bütünüylə seçmək istədiyiniz sətirin nömrəsinə klikləyərək də edə bilərsiniz.

Shortcut 3: Ctrl + Space – Sütunu bütövlükdə seçmə

Bu kombinasiya isə bütün sütunu seçməyə yarayır. Eynilə 2-ci shortcut-da olduğu kimi. Bütün prinsiplər tamamilə eynidir.

Shortcut 4: Shift + Ctrl + “=” – Sətir/sütun əlavə etmə

2 sətir və ya sütun arasına yeni sətir/sütun əlavə etmək üçün istifadə olunur. Eyni funksiyanı mouse-un sağ düyməsinə klikləyib ordan Insert də seçilə bilər, lakin istifadə etməyə başladıqca, necə asan və effektiv yol olduğunu görəcəksiniz. Həyata keçirilməsi çox sadədir. Əvvəlcə, yeni sətir/sütunun hara əlavə ediləcəyini müəyyən edirsiniz, aşağıdakı screenshot-a nəzər yetirək.

Fərz edək ki, 9-cu sətirdən sonra yeni 2 sətir əlavə etmək istəyirik. Bu halda, 9-cu sətirdən sonra 2 sətir bütünüylə seçilir və Shift+Ctrl+= kombinasiyası həyata keçirilir. Yeni sütunlar əlavə etmək istəsəniz, eyni prinsipə baş vura bilərsiniz.

P.S. “=” düyməsi Backspace düyməsinin solundakı düymədir.

Shortcut 5: Ctrl + “-” – Sətir/sütun silmə

Bir öncəki shortcut yeni sətir/sütun əlavə edirdisə, bu shortcut, o sətir/sütunları silməyə yarayır. Silinmək istənən sətir/sütun bütünüylə seçilir və Ctrl + “-” kombinasiyası həyata keçirilir.

P.S. “-” düyməsi Backspace düyməsinsən 2 soldakı düymədir.

Shortcut 6: Ctrl + 1 – Formatlama

Hər hansı bir xananı formatlamaq istəsəniz (rəqəm, mətn, tarix, faiz dərəcəsi və s.), ya Home menusundan aşağıdakı screenshot-da göstərilən kiçik ox işarəsinə klikləməli, ya da daha effektiv yol olaraq Ctrl+1 kombinasiyasında istifadə etməlisiniz.

Hər iki halda da, qarşımıza tanış olan qutucuq çıxacaq. Bu qutucuqdan istənilən formatı verə bilərik.

Shortcut 7: Shift + Ctrl + L – Filteri aktiv/deaktiv etmə

Hər hansı bir cədvəli filterləmək istədiyimizdə, o cədvəli seçib, Data menusundan Filter düyməsini klikləməliyik. Lakin bunu klaviatura ilə etmək dəfələrlə asandır. Bunun üçün lazımi cədvəl seçilir və Shift+Ctrl+L kombinasiyası həyata keçirilir.

Shortcut 8: F2 – Xananı Edit etmə

Xananın daxilini edir etməyə yarayır. Hər hansı bir xanadakı formulu araşdırmaq istəsək, ya həmin xanaya 2 dəfə arxa-arxaya klikləmək, ya da F2 düyməsini basmağımız gərəkir. Hansının sizin üçün daha effektiv olduğuna özünüz qərar verin.

Müəllif: Elçin Xəlilov

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

24 Avq 2020

“ASAN imza sertifikatı”nın verilməsi xidmətində problem yaranıb

by Audit.Az | posted in: Xəbər | 0

ASAN-da xidmətlərdən birinin göstərilməsində problem yaranıb

Vətəndaşlara Xidmət və Sosial İnnovasiyalar üzrə Dövlət Agentliyinin “ASAN xidmət” mərkəzlərində xidmətlərdən birinin göstərilməsində problem yaranıb.

Qurumun mərkəzlərində “ASAN imza sertifikatı”nın verilməsi xidməti dayandırılıb.

Belə ki, “ASAN xidmət” mobil tətbiqi vasitəsilə həmin xidmət üzrə onlayn növbə verilsə də, mərkəzlərdə vətəndaşlara həmin xidmətin dayandırıldığı bildirilir və bu, proqram yenilənməsi ilə izah edilir.

Qeyd olunur ki, “ASAN imza sertifikatı” verilməsi xidməti avqustun sonu, sentyabrın əvvəli bərpa olunacaq.

Onu da bildirək ki, bu xidmətin “ASAN xidmət” mərkəzlərində göstərilməsinə baxmayaraq, bu işi İqtisadiyyat Nazirliyi yanında Dövlət Vergi Xidmətinin əməkdaşları həyata keçirir. Dövlət Vergi Xidmətindən “Report”a bildirilib ki, məsələ ilə bağlı dəqiqləşdirmə aparılır.

Xatırladaq ki, 27 aprel tarixindən “ASAN xidmət” və “ASAN Kommunal” mərkəzlərində vətəndaşların qəbulu “ASAN xidmət” mobil tətbiqi, www.asan.gov.az saytı və 108 Çağrı Mərkəzi vasitəsi ilə əvvəlcədən onlayn növbə tutmaqla həyata keçirilir.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

24 Avq 2020

Professor Y.V. Sokolovun mühasiblər üçün təlimatları (6-cı hissə)

by Audit.Az | posted in: Xəbər | 0

Professor Y.V. Sokolovun mühasiblər üçün təlimatları

6-cı hissə

Məqalənin 5-ci hissəsini buradan oxuya bilərsiniz

Mühasibatlığa və mühasiblərə sevgi

Professor Yaroslav Vasilyeviç Sokolov (1938-2010-cu illər) mühasibat uçotunu və mühasibləri çox sevirdi. “Sevgi – necə gözəl səslənməsinə baxmayaraq, olduqca qeyri-müəyyən sözdür”, – Sokolov yazırdı.

Kont (1798-1857-ci illər) sistemləşdirilmiş biliyi elm kimi və ikili qeydiyyat prinsiplərinə əsaslanan mühasibat uçotunun bu meyara mübahisəsiz cavab verməsinin şübhə doğurmadığını başa düşürdü. …K. Popper (1902-1994-cü illər) iddiaların elmi nəzəriyyəyə aid edilməsinin iki meyarını təklif edib: köhnə ənənəvi – təcrübə – həqiqət meyarı (yoxlama) və yeni – hər hansı bir nəzəriyyə, əgər o, elmi statusa iddia edirsə, bir çox praktiki vəziyyətləri izah etməlidir, lakin onların heç də hamısı (saxtakarlıq) deyil. … Mühasibat uçotunda balans nəzəriyyəsi öz vəsaitlərinin hesablarının mənbələrinə aid yazıları yaxşı izah edir, lakin, hesablaşma hesabları üzrə qeydləri məntiqli şəkildə izah edə bilməz və əksinə, hesablaşma hesablarına görə qeydləri yaxşı izah edən mübadilə nəzəriyyəsi, öz vəsaitlərinin hesabları üzrə qeydlərin xarakterini kifayət qədər aydın şəkildə izah etmir, yəni, Popper meyarları baxımından, mühasibat uçotu – şübhəsiz ki, elmdir.
Kun (1922-1995-ci illər) paradiqma ideyasını irəli sürüb, yəni, ümumqəbul olunmuş biliklərin məcmusu. Bir paradiqmadan digərinə keçid özlüyündə elmi inqilabdır. Əgər biz mühasibat uçotunun inkişaf mərhələlərinə müraciət etsək, görərik ki, bu mərhələlərin hər biri paradiqma ilə səciyyələnir və paradiqmaların dəyişməsi təsərrüfat həyatı faktlarının abstraksiyasının və dərk edilməsinin yeni səviyyəsi və mühasibat düşüncəsinin inkişafında intellektual inqilab demək idi. Mühasibat uçotu tarixində paradiqmaları vurğulamaq üçün bir neçə dəfə cəhd edilmişdir. Ən inandırıcı yanaşma – bu, sadə (uniqrafik), kameral və ikili (digrafik) mühasibatlığı nəzərdən keçirməkdir.

Nəhayət, P. Feyrabend (1924-1994-cü illər) təsdiq edirdi ki, elm alimlərin nəsillərinin dəyişməsinə uyğun olaraq inkişaf edir. Hər yeni bir nəsil özündən əvvəlki nəslin fikirlərini inkar edir, elə bu inkişaf etməkdə olan elmdir, bu onun ardıcıllılığı və fasilələridir”.

“Özümüzdən əlavə edək ki, – professor Sokolov bu fikirlərə yekun vurur, – hər bir bilik yalnız o zaman elm olur ki, o, ciddi, mürəkkəb problemlərlə üzləşir. … Ən vacibi isə əksər hallarda hər bir problemin ən azı iki nəzəri cəhətdən bərabər, zahirən bir-birini istisna edən, lakin təcrübədə bir-birini tamamlayan qərarları nəzərdə tutduğunu başa düşməkdir. Buradan belə çıxır ki, mühasib həm nəzəriyyədə (hesabşünaslıq), həm də təcrübədə (hesabdarlıq) sağlam skeptisizm hissinə malik olmalıdır”.

Skeptisizm

Yaroslav Sokolovun özü fəlsəfi düşüncənin istiqaməti və hər cür sağlam düşüncənin əsası kimi skeptisizmin qəti tərəfdarı idi. Sokolovun sözlərinə görə, məhz qlobal skeptisizm onun müəlliminin, şən və həyatsevər insanın mənsub olduğu elmi istiqamətin müəyyənləşdirici prinsipi olub, yerli statistikanın tarixində ən parlaq izlərdən birini – Nikolay Markoviç Novoselskiy (1897-1975-ci illər) qoyub.