İşçilər işəgötürəndən icbari sığorta növünü tələb etməlidirlər
İşçilər işəgötürəndən icbari sığorta növünü tələb etməlidirlər
Hər il iş yerlərində yüzlərlə insan peşə fəaliyyətini yerinə yetirərkən bədbəxt hadisələrlə üzləşir. Baş verən risklər işçilərin sağlamlığına zərər yetirməklə yanaşı, hətta ölüm halları ilə də nəticələnir. Bu isə işəgötürlənlərin işçilər qarşısında məsuliyyətinin yaranmasına gətirib çıxarır. Bu gün çox sayda peşə yüksək risk ehtiva edir. Lakin yüksək təhlükə təşkil edən bu peşələr üzrə fəaliyyət göstərən bəzi müəssisələrdə müəyyən edilmiş təhlükəsizlik tədbirləri görülmür. Bu isə hadisə baş verdiyi zaman onun fəlakətlə nəticələnməsinə səbəb olur. Nəticədə sığorta halı yaranmış olur.
Azərbaycan Sığortaçılar Assosiasiyasından (ASA) bildirilib ki, qanunvericiliyə əsasən, işəgötürənlər tərəfindən işçilərin iş yerlərində baş verə biləcək hadisələrdən sığortalanması prosesi icbari qaydada həyata keçirilir. Bu sığorta növü “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta” adlanır. Sığortanın bu növünün olmaması halında tərəflər məsuliyyət daşıyır. Bu səbəblə hər bir işçi işəgötürən ilə müqavilə bağladığı zaman sığortanın bu növünün olmasını mütləq şəkildə tələb etmək hüququna sahibdir.
Adıçəkilən sığorta növü üzrə tariflər 14 risk qrupu üzrə müəyyən edilir. Bölgüyə əsasən, ən təhlükəsiz olan maliyyə, hüquq, humanitar və sair sahələr, ən təhlükəliləri isə mədənçıxarma, tikinti, kimyəvi məhsulların istehsalı və digər bu kimi sahələr müəyyən edilib. Bu növ icbari tətbiq olunduğu üçün işəgötürənlər işçiləri peşə fəaliyyəti zamanı başına gələ biləcək bədbəxt hadisələrdən sığortalamağa borcludurlar. Sığortanın bu növü istehsalatda bədbəxt hadisələr və peşə xəstəlikləri nəticəsində sığorta olunanların həyatına və sağlamlığına dəyən zərər nəticəsində onların peşə əmək qabiliyyətinin itirilməsi və ya ölümü ilə bağlı sığorta ödənişinin verilməsini nəzərdə tutur.
Bu növ üzrə statistik hesabata nəzər salaq. Belə ki, cari ilin yanvar-iyul aylarında ötən ilin analoji dövrü ilə müqayisədə yığımlar 20 faizədək artıb. 2020-ci ilin böyük bir hissəsini işçilər COVID-19 pandemiyası nəticəsində tətbiq olunan sərt karantin qaydaları səbəbi ilə evdən işlədiklərinə görə risk dərəcəsi və hadisələrin başvermə tendensiyası azalıb. Nəticədə müvafiq növ üzrə ödənişlərdə ötən ilin eyni dövrü ilə müqayisədə 17 faiz azalma qeydə alınıb.
Qeyd edək ki, “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta”nın aktuallığı və vacibliyi nəzərə alınaraq bu növ artıq ötən ildən etibarən tam olaraq elektronlaşdırılıb. Bu da işəgötürən tərəfin işçini müvafiq növ üzrə tez bir zamanda sığortalamasına və ya sığortanı yeniləməsinə şərait yaradır.
Mənbə: vergiler.az
Teleqram qrupumuza üzv olun
Rusiya hökuməti ölkədə minimum maaşların saathesabı tətbiq olunmasını təklif edib. Bu məsələnin müzakirəsi haqqında bənd Nazirlər Kabineti, işəgötürənlər və həmkarlar ittifaqları arasında 2021-2023-cü illər üçün baş saziş layihəsinə dair təkliflərə daxil edilib. Sözügedən məsələ barəsində çərşənbə axşamı, sentyabrın 15-də “İzvestiya” qəzeti xəbər verib.
Ümumdünya Səhiyyə Təşkilatının sentyabrın 14-də yaydığı məlumatda deyilir ki, bir sutka ərzində bütün dünya üzrə virusa yoluxanların sayı rekord həddə – 307,9 min nəfərə çatıb. Bu fonda dünya iqtisadiyyatında aktivliyin zəifləməsi halları qeydə alınmağa başlayıb. Bəs Azərbaycan hökuməti pandemiya dövrü üçün iqtisadi aktivliyin qorunub saxlanması, biznesin postpandemiya dönəminə daha dayanaqlı bir vəziyyətə gəlib çıxması üçün nələr edir?
İqtisadiyyat Nazirliyinin sahibkarlıq subyektlərində sentyabrın 16-da keçirdiyi monitorinqlər zamanı Qaradağ rayonunda “Fədək çayxana”da, Vidadi Xəlilova, Rufin Salmanlıya məxsus pərakəndə ticarət obyektlərində, Binəqədi rayonunda “Ocaq restoranı”nda, “Lalə kafesi”ndə, “Poppy gallery”, “İstanbul univermaq” mağazalarında, Xəzər rayonunda “Qala market”də, “MDF kəsim sexi”ndə, “Keyfiyyət ailəvi restoran”da, “Mərdəkan restoranı”nda,