Blog Full

Əmək və Əhalinin Sosial Müdafiəsi Nazirliyinin Kollegiyasının 18 dekabr 2020-ci il tarixli Qərarı ilə  2021-ci il üçün iş vaxtı norması və istehsalat təqvimi təsdiq edilib.

2021-ci il üçün iş vaxtı normasında bildirilir ki, Azərbaycan Respublikasının Əmək Məcəlləsinə, Azərbaycan Respublikası Prezidentinin “Azərbaycan Respublikasında Zəfər Gününün təsis edilməsi haqqında” 2020-ci il 3 dekabr tarixli Sərəncamına və Azərbaycan Respublikası Nazirlər Kabinetinin “2021-ci il üçün Novruz, Ramazan və Qurban bayramları günlərinin müəyyən edilməsi haqqında” 2020-ci il 3 dekabr tarixli 483 nömrəli Qərarına əsasən 2021-ci ildə aşağıdakı günlər iş günü hesab edilmir:

2021-ci ildə həftələrarası istirahət günlərinin iş günləri hesab olunmayan bayram günləri ilə üst-üstə düşməsi ilə əlaqədar olaraq beşgünlük iş həftəsində 4 yanvar, 25, 26 mart, 10 may, 28 iyun tarixləri, altıgünlük iş həftəsində  25 mart, 10 may tarixləri istirahət günləridir.

2021-ci ildə beşgünlük iş həftəsində 241 iş günü (onlardan 8-i bayramqabağı və Ümumxalq hüzn günü qabağı iş günləridir), iş günü hesab edilməyən 109 istirahət günü (onlardan, 5-i iş günü hesab edilməyən bayram günləri ilə üst-üstə düşən), iş günü hesab edilməyən 19 bayram (5-i istirahət günləri ilə üst-üstə düşən) və 1 Ümumxalq hüzn günü vardır.

Azərbaycanda gündəlik normal iş vaxtının müddəti 8 saatdan, gündəlik normal iş vaxtına uyğun olan həftəlik normal iş vaxtının müddəti isə 40 saatdan artıq ola bilməz.  Bir qayda olaraq, iki istirahət günü olan beşgünlük iş həftəsi müəyyən edilir.

2021-ci il üçün 40 saatlıq iş həftəsində iş vaxtının illik norması 1920 saatdır.

Altıgünlük iş həftəsi tətbiq edilərkən həftəlik norma 40 saat olduqda gündəlik iş vaxtının müddəti 7 saatdan və bilavasitə səhərisi gün istirahət günü olan iş gününün müddəti 6 saatdan çox ola bilməz. Altıgünlük iş həftəsi olan iş yerlərində də 40 saatlıq iş həftəsində çalışanlar üçün 1920 saatlıq illik iş vaxtı norması tətbiq edilməlidir.

2021-ci il üçün iş vaxtı norması və istehsalat təqvimi Əmək və Əhalinin Sosial Müdafiəsi Nazirliyinin rəsmi internet saytında (http://sosial.gov.az/istehsalat-tqvimi) da yerləşdirilib.

Faylı yükləyin:  2021-ci il üzrə istehsalat təqvimi (1591 downloads )

Mənbə: sosial.gov.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Coca-Cola, PepsiCo və Nestle şirkətləri planeti plastiklərlə çirkləndirmə üzrə dünya liderləri olublar. Bu haqda Break Free From Plastic-in hesabatında məlumat verilib.

15 minə yaxın könüllü 55 ölkədə zibil kimi çölə atılan plastik qabları axtarıb tapıblar və təhlilini həyata keçiriblər. Coca-Cola məhsullarının zibilləri 55 ölkənin 51-də aşkar çıxarılıb. PepsiCo məhsullarının plastikdən ibarət zibillərinə isə 55 ölkədən 43-də rast gəlinib. Planeti plastik materiallarla çirkləndirən şirkətlərin top onluğunda həmçinin Unilever, Mondelez International, Mars, P&G, Colgate-Palmolive və Perfetti van Melle kimi şirkətlər də yer alıblar.

Hesabatda deyilir ki, zərərli plastik istehsalı 2030-cu ilə kimi ikiqat arta bilər, 2050-ci ilə kimi isə üçqat artım gözlənilir. Korporasiyalar plastiklə çirklənmə probleminin aradan aldırılması üzərində çalışdıqlarını bəyan edirlər. Amma bu söylədiklərinə baxmayaraq, ətraf mühiti tonlarla plastik qablarla çirkəndirməkdə davam edirlər.

Bundan əvvəl məlum olmuşdu ki, pivə bankalarında su satışı ilə məşğul olan Liquid Death amerikan startapı milyonlarla dollar cəlb edib. Həmin bankalar təkrar emal edilən alüminiumdan hazırlanır. Bu yolla alıcılar ətraf mühiti qorumağa və plastik qablardan istifadə etməməyə stimullaşdırılır.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Dünyada son 80 ilin ən pis iqtisadi böhranı proqnozlaşdırılıb

Koronavirus pandemiyasının nəticələrinə görə dünya 80 ildə ən pis iqtisadi tənəzzüllə üzləşə bilər. Bu barədə BMT-nin baş katibi Antonio Quterrişin sözlərinə istinadən TASS agentliyi yazıb.

O, pandemiyanın nəticələrindən gələn sosial və iqtisadi ziyan olduqca böyükdür və həmin ziyanı aradan qaldıra biləcək bir peyvənd olmadığını söyləyib. Quterriş həmçinin yoxsulluq və aclıq təhlükəsinin də artacağını proqnozlaşdırıb. BMT rəhbəri əmindir ki, bu vəziyyətin səbəbi bərabərsizlik və cəmiyyətin ədalətsiz şəkildə qurulmasıdır. Quterriş hesab edir ki, hökumətlər bu qlobal təhlükəyə birlikdə cavab verə bilməyiblər.

Bundan əvvəl BMT-nin ərzaq üzrə rəhbəri Devid Bisli milyarderləri və müəssisələri bu il bütün dünyada aclıqdan ölmək riski altında olan 30 milyon insanı xilas etməyə yardım etməyə çağırıb.

32 milyondan çox insan koronavirus pandemiyasına görə həddindən artıq yoxsulluq içində ola bilər. Bunlar gün ərzində 1,9 dollardan az məbləğlə yaşayan insanlardır.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun