Blog Full

Şimali Koreya dollarla mübarizəyə başlayıb

Şimali Koreya hakimiyyəti son aylarda ölkə valyutası vonun dəyərdən düşməsinə qarşı mübarizəyə başlayıb. Ölkə səlahiyyətliləri bu məqsədlə xarici valyutaların ölkədə dövriyyəsini qadağan etmək yolu ilə vəziyyəti düzəltməyə çalışırlar. Məlum olay barədə Cənubi Koreyanın kəşfiyyatına istinadən Associated Press agentliyi xəbər verib.

Oktyabr ayında Şimali Koreyanın paytaxtı Pxenyanda böyük miqdarda valyuta dəyişmə işlərinə nəzarət edən ən böyük gizli sahibkarlardan biri həbs edilərək,  edam olunmuşdu. Respublikadakı pərakəndə ticarətin böyük hissəsini əhatə edən ölkənin yüzlərlə sərbəst bazarlarına ABŞ dolları və Çin valyutası yuanın qəbul edilməsi qadağan olunmuşdu.

Bundan əvvəl KXDR rəhbəri Kim Çen In müəssisə və kəndlilərə öz məhsullarının 70 faizə qədərini sərbəst satmasına icazə vermişdi ki, bu da bir növ bazar iqtisadiyyatının yaradılmasına səbəb olmuşdu. Ancaq, hakimiyyətin son hərəkətləri göstərir ki, milli valyutanın çökməsinin qarşısını almaq üçün bu cür spontan ticarətin daha sərt nəzarət altına alınması qərara alınıb.

Analitiklər belə planların uğursuzluğa düçar olacağını gözləyirlər, çünki vətəndaşlar mümkün qədər daha çox xarici valyutanı özlərində saxlamağa üstünlük verərək, hazırkı məhdudiyyətlərin aradan qaldırılması vaxtını  gözləməyə çalışacaqlar.

---

Teleqram qrupumuza üzv olun

---

---

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Bu yazımızda 2021-ci il üzrə əməyin ödənişi fondundan işəgötürənin ödəməli olduğu tutulmalar barədə məlumat verəcəyik.

2021-ci ildən bütün ölkədə tətbiqinə başlanacaq icbari tibbi sığorta ilə əlaqədar əmək haqqından digər tutulmalarla yanaşı icbari tibbi sığorta haqqı da tutulacaq.

Beləliklə 2021-ci ildən əməyin ödənişi fondundan tutulmalar aşağıdakı kimi olacaq.

• məcburi dövlət sosial sığorta haqqı
• işsizlikdən sığorta haqqı
• icbari tibbi sığorta haqqı

İcbari tibbi sığorta  üzrə sığorta haqqı məbləğləri aşağıdakı kimi hesablanacaq:

• Dövlət sektoru və neft-qaz sahəsində əmək müqaviləsi əsasında çalışan şəxslər üzrə əməyin ödənişi fondundan işçinin əmək haqqının 8000 manatdan yuxarı hissənin 0.5%-i, 8000 manatadək isə 2%-i məbləğində
• özəl sektorda çalışanların əmək haqqı üzrə əməyin ödənişi fondundan 8000 manatadək hissənin 1%-i, (2022-ci ildə 2%), 8000 manatdan yuxarı hissənin 0.5%-i məbləğində

Göstərilənləri nəzərə alaraq 2021-ci il üzrə işçinin əmək haqqına müvafiq qaydada işəgötürən tərəfindən əməyin ödənişi fondundan tutulmaların hesablanması qaydasını diqqətinizə çatdırırıq.

1) Neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində işləyən fiziki şəxslər

1.1) əmək haqqı minimum aylıq əmək haqqına bərabər – 250 AZN olanlar üçün nümunə

a) sosial sığorta haqqı – 250 AZN əmək haqqının 200 AZN hissəsinə görə 22%-i, yəni 44 AZN,

200 AZN-dən yuxarı hissə üçün isə 50 AZN-in 15%-i, yəni 7.5 AZN, ümumilikdə 44+7.5=51.5 AZN

b) işsizlikdən sığorta haqqı – 250 AZN-in 0.5%-i = 1.25 AZN

d) icbari tibbi sığorta haqqı – 1%

44+7.5+1.25+2.5=55.25 AZN

İşəgötürənin 250 AZN əmək haqqı alan şəxsə görə əməyin ödənilməsi fondundan tutulan məbləğ 55.25 AZN olacaq

1.2) əmək haqqı 8000 AZN-dən çox olanlar üçün nümunə

8100 AZN əmək haqqı üzrə

a) sosial sığorta haqqı – 8100 AZN-200 AZN=7900 AZN

200 AZN-ə görə 44 AZN (200 manatın 22%-i)

7900 AZN-ə görə 15%, yəni 1185 AZN

b) işsizlikdən sığorta haqqı – 8100 AZN-in 0.5%-i = 40.5 AZN

c) icbari tibbi sığorta haqqı – 8000 manata görə 1%, yuxarı hissə kimi 100 manata görə 0.5% = 80+0.5=80.5

44+1185+40.5+80.5=1350 AZN

İşəgötürənin 8100 AZN əmək haqqı alan şəxsə görə əməyin ödənişi fondundan tutulacaq məbləğ 1350 AZN olacaq.

2) Neft-qaz sahəsində fəaliyyəti olan və dövlət sektoruna aid edilən vergi ödəyicilərində işləyən fiziki şəxslər

2.1) əmək haqqı 250 AZN olanlar üçün nümunə

a) sosial sığorta haqqı – 250 AZN-in 22%-i = 55 AZN

b) işsizlikdən sığorta haqqı – 250 AZN-in 0.5%-i = 1.25 AZN

c) icbari tibbi sığorta haqqı – 250 AZN-in 2%-i = 5 AZN

55+6.25= 61.25 AZN

İşəgötürənin işçinin əmək haqqına görə əməyin ödənişi fondundan tutulan məbləğ 61.25 AZN olacaq

2.3) əmək haqqı 2500 AZN-dən çox olanlar üçün nümunə

8100 AZN əmək haqqı üzrə

a) sosial sığorta haqqı – 8100 AZN-in 22%-i=1782 AZN

b) işsizlikdən sığorta haqqı – 8100 AZN-in 0.5%-i = 40.5 AZN

c) icbari tibbi sığorta haqqı – 8000 AZN-in 2%-i və yuxarı olan 100 manat hissənin 0.5%-i = 160 + 0.5= 160.5 AZN

1782+40.5+160.5=1983 manat

İşəgötürən işçinin 8100 manat əmək haqqı üzrə əməyin ödənişi fondundan 1983 AZN ödəməli olacaq.

Müəllif: Şəhriyar Həbilov /  Praktiki Hüquqşünas

Ədəbiyyat:

“Sosial sığorta haqqında” Qanun

“Tibbi Sığorta haqqında” Qanun

“İşsizlikdən sığorta haqqında” Qanun

---

Teleqram qrupumuza üzv olun

---

---

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Mühasibləri xoşbəxt edən nədir? (mühasiblərin özlərindən eşidilənlər)

Svetlana Pozova

Kitabımı yazarkən, bəzən məndə ilham və ya geri əlaqə çatışmırdı və həmin vaxtlarda “Balans” Ümumukrayna mühasibatlı klubunun səhifələrində biz iştirakçılardan onları nələr ruhlandırır mövzusunda şərhlər yazmalarını xahiş etdik və mühasiblərin özləri kiçik qeydlər yazdılar:

1. İllik hesabat və ya istənilən hesabatın təqdimatı zamanı.
2. Mühasib daim məşğuldur, deməli, pis beyində fikirlər üçün vaxt yoxdur və bu, səni darıxmağa qoymur.
3. Qanunvericiliyi oxumaq və başa düşmək bacarığı! Bu, həm də qeyri-mühasib həyatında insanı vəziyyətdən çıxarır.
4. Vergi orqanında vaxtında qeydiyyata düşmək, mən, ümumiyyətlə, bunu  olimpiya oyunlarının yeni idman növünə bərabər tuturam.
5. Olduqca yaradıcı və çox maraqlı işdir!!! Xüsusilə ukrayna reallığında, sadəcə daim özünü təkmilləşdirirsən, öz işimə heyranam. Mən bunu əlbəttə əsas məsələ haqqında deyirəm, ilkin sənədlərdən isə hər hansı zövq almaq çox çətindir, prosesi koordinasiya etmək və şirkətdə qərarların qəbul olunmasından ötrü mərkəzlərdən biri olmaq isə, bax, bu çox əladır!

İndi isə, Gəlin birlikdə “Mühasibin xoşbəxtliyi haqda kitab” yaradaq!

Məhz, tükənmə anında belə bir kitabı açmaq və həvəsləndirici ifadələri, praktik mühasiblərdən sitatları oxumaq faydalı olacaqdır. Şübhəsiz ki, bu həm yeni başlayanlar və həm də peşədə uzun müddət məşğul olanlar üçün faydalı olacaqdır.

---

Teleqram qrupumuza üzv olun

---

---

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun