Blog Full

Şirkətlərə mühasibat konsaltinqi nəyə lazımdır və bu neçəyə başa gələ bilər?

2-ci hissə

Məqalənin 1-ci hissəsini buradan oxuya bilərsiniz.

Şirkətlərin işində bəzən elə hallar yaranır ki, ştat mühasibinin səlahiyyəti məsələnin həlli üçün kifayət etmir, autsorsinqə müraciət etmək isə qeyri-rentabelli  hesab olunur və məqsədəuyğun deyildir. Belə hallarda mühasibat konsaltinqi köməyə çatır. Bu xidmət nədən ötrüdür, kimə uyğun gəlir, neçəyə başa gəlir və hansı tədbirləri əhatə edir, bu haqda məlumat verəcəyik.

4-cü hal: vergi və ya digər yoxlama gözlənilir, buna görə şirkət rəhbərliyi mühasibat sənədləri ilə hər şeyin yaxşı olduğundan əlavə olaraq əmin olmaq istəyir.

5-ci hal:  müvəqqəti olaraq iş yükü artıb (məsələn, aktiv satış mövsümü başlayıb) – ştatda olan mühasiblər öz gücləri ilə bu işlərin öhdəsindən gələ bilmirlər.

6-cı hal: ştata yeni mühasib götürülüb. Belə bir vəziyyətdə əvvəlki işçinin öz işini qənaətbəxş yerinə yetirmədiyi ortaya çıxa bilər. Bu halda mühasibat uçotunu tamamilə bərpa etmək tələb olunur və bunu təcrübəli mütəxəssislərin xidmətləri olmadan edə bilməzsiniz.

Amma, mühasibat və vergi uçotunun aparılması ilə bağlı məsləhətlərə təkcə yuxarıda təsvir edilən hallarla bağlı deyil, digər məsələlərlə əlaqəli də ehtiyac yarana bilər. Sözügedən xidmət hesabatların düzgünlüyünə əmin olmaq istəyən istənilən rəhbər üçün lazımlı ola bilər. Mühasibat konsaltinqində ixtisaslaşan şirkətlər bu işdə böyük təcrübəyə malikdirlər və vergi qanunvericiliyinin hüquqi incəliklərindən yaxşı baş çıxarırlar. Onların xidmətlərinə müraciət etmək, mühasibat uçotunun daha effektiv aparılmasına və vergi ödənişlərini qanuni yolla azaltmağa nail olmaq istəyən hər kəs üçün əhəmiyyət kəsb edir.

Qeyd üçün

İri şirkətlər, bir qayda olaraq, öz maliyyə şöbələrinə malik olurlar  və ya tam müşayiəti  sifariş edirlər, buna görə də onlar mühasibat uçotu üzrə konsaltinqə nadir hallarda ehtiyac duyurlar. Adətən bu cür xidmət kiçik və orta bizneslə məşğul olan kiçik müəssisələrə tələb olunur. Bu,  fərdi sahibkar  və müxtəlif sahələrdə çalışan MMC də ola bilər: IT xidmətlərinin  göstərilməsi üzrə mərkəzlər, logistika şirkətləri, ictimai iaşə müəssisələri, gözəllik salonları və s.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

İnsan və iqtisadiyyat

1-ci hissə

Hər bir elmin öz tədqiqat mövzusu var. İqtisadiyyatda belə bir mövzu insanların iqtisadi davranışıdır ki, ondan da aşağıdakı suallar ortaya çıxır. İqtisadi nəzəriyyə həyat fəaliyyətinin hansı tərəflərinin öyrənilməsi ilə məşğul olur, həmçinin insan iqtisadi nöqteyi-nəzərdən nəyi özündə əks etdirir?

İnsanın təşəkkülü çox uzaq keçmişlərdə izini itirir. Bu günkü elm “ağıllı insanın” ortaya çıxması ilə bağlı mümkün səbəblər və zamanla bağlı, eləcə də onun başlanğıc təkamül nöqtəsi barədə həqiqi və dəqiq bir cavab verə bilmir. Yalnız onun bioloji və sosial inkişafında kifayət qədər uzun və kifayət qədər əyri yol keçdiyini təsəvvür etmək olar. İnsan ictimai varlıq hesab olunur. Bəzi keçmiş və müasir alimlərin fikrincə, bu, əmək sayəsində baş verib. Məhz, əmək insanı heyvanlar aləmindən ayırmağa, ona şüur bəxş etməyə və onun fəaliyyətinin ictimai xarakterini müəyyən etməyə imkan vermişdir.

İnsan üçün xas olan sosial, bioloji, mənəvi və maddi cəhətlərlə bir yerdə iqtisadi nəzəriyyə insanın ən mühüm fəaliyyət sahələrindən birini təhlil edir, daha dəqiq desək, istehsal və gələcək paylanma sahələri həyati vacib, özü də təkcə rifah deyil, məhdud sayda resurs olduğu halda belə, şəxsi və ictimai maraqların gerçəkləşdirilməsinin bir çox başqa formaları tamamilə mümkün olmazdı.

İnsan cəmiyyətinin öyrənilməsi zamanı iqtisadi nəzəriyyə insanı həm istehsalçı, həm də mövcud iqtisadi nemətlərin istehlakçısı kimi müəyyən edən mühüm zəminə əsaslanır. Burada insan nəinki texnika və texnologiyalardan istifadə növləri və üsullarını yaradır, həm də onları müəyyən edir, bu da öz növbəsində, insandan yeni fiziki və intellektual qabiliyyət tələb edir.

İnsan hansı məqsədlər üçün əməklə məşğul olur? Əmək ilkin tələbatdır və ya həyati bir zərurətdir? İbtidai cəmiyyət dövrünə nəzər salsaq, bu sualın cavabı heç də çətin deyil. Erkən dövrlərdə zəruri qidaları əldə etmək üçün bir insan çoxlu səylər sərf etməli idi. Və sonrakı inkişaf dönəmində insan həmişə bu səyləri minimuma endirməyə səy göstərmiş və səy göstərməkdədir ki, bu səylər  yeni növ alətlərinin icadı, həyat rifahının yüksəldilməsindən ötrü texnologiyaların yaradılmasına doğru müəyyən həyat faydaları yaratmaq üçün onların icadına müəyyən bir təkan verir.

Olduqca maraqlı bir paradoksa diqqət yetirmək lazımdır. İnsanların, ilk növbədə fiziki işləri asanlaşdırmaq istəyi, onları daha aktual və müasir maddi malların yeni ixtiraları üzərində işləməyə vadar edir. Misal üçün, piyada gəzməmək üçün təkər icad olunub, əllə torpağı qazımamaqdan ötrü bel, kürək, çapacaq və sonra ekskavatorlar ortalığa çıxıb. Beləliklə, sözügedən paradoks belə bir məsəldə özünü göstərir, bütün mövcud olan sərvət əmək sayəsində deyil, tənbəllik sayəsində yaradılıb.

Məqalənin 2-ci hissəsini buradan oxuya bilərsiniz

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Şirkətlərə mühasibat konsaltinqi nəyə lazımdır və bu neçəyə başa gələ bilər?

1-ci hissə

Şirkətlərin işində bəzən elə hallar yaranır ki, ştat mühasibinin səlahiyyəti məsələnin həlli üçün kifayət etmir, autsorsinqə müraciət etmək isə qeyri-rentabelli  hesab olunur və məqsədəuyğun deyildir. Belə hallarda mühasibat konsaltinqi köməyə çatır. Bu xidmət nədən ötrüdür, kimə uyğun gəlir, neçəyə başa gəlir və hansı tədbirləri əhatə edir, bu haqda məlumat verəcəyik.

Mühasibat konsaltinqi kimə və nə zaman lazım olur?   

Mühasibat və vergitutma – bu, hazırlıqsız bir mütəxəssis üçün başa düşülməsi çətin olan fəaliyyət sahələridir. Hətta təcrübəli mühasiblər belə, bəzən çətin tapşırıqlarla qarşılaşırlar. Bu sahələri tənzimləyən qanunlar daim dəyişir və bu, onsuz da mürəkkəb bir işə qarışıqlıq əlavə edir. Eyni zamanda, hər bir şirkət ştatında mühasibat şöbəsinə malik olmaq və ya fəaliyyətin bu hissəsini autsorsa vermək imkanına malik deyil. Bəs kiçik müəssisələrin rəhbərləri vergilər və mühasibat uçotu ilə bağlı çətin və mübahisəli məsələləri necə həll edə bilərlər?

Belə hallarda mühasibat sahəsi ilə bağlı məsləhətləşmələri təmin edən şirkətlər köməyə gəlirlər. Bu, mühasibatın tam hüquqlu autsorsinqi deyil, müəyyən məsələlərin daimi və ya müvəqqəti əsasda həllinə yardımdır. Məsləhətçilər sizin üçün bütün işləri görməyəcəklər, amma çətinliklərin öhdəsindən gəlməyə kömək edəcəklər və hərəkətlərinizin düzgünlüyünü nəzarət edəcəklər. Buna görə bu cür xidmətlər, müvafiq olaraq, tam mühasibat dəstəyindən daha ucuzdur.

Beləliklə, mühasibat və vergi uçotu üzrə məsləhətlər hansı hallarda tələb oluna bilər?

1-ci hal: ştatda mühasib yoxdur. Kiçik və orta biznesdə çalışan şirkətlərə daimi əməkdaş tutmaq çox vaxt sərfəli olmur. Onun üçün iş yeri ayırmaq, mütəmadi olaraq ona əməkhaqqı, mükafat vermək, xəstəxana və məzuniyyət haqqını ödəmək lazımdır. Mühasibat şöbəsinin autsorsinqi də ucuz başa gəlmir. Qənaət məqsədi ilə az dövriyyəli şirkətlərin rəhbərləri çox vaxt mühasibat uçotunu və hesabatı müstəqil aparmağa üstünlük verirlər. Ancaq, bu onların əsas ixtisası olmadığı üçün bir çox məsələnin həlli çətin ola bilər və bu vəziyyətdə səhvlər də nadir hal olmaqdan çıxır. Audit üzrə mühasibat xidmətləri və məsləhətlər problemlərin qarşısını almağa kömək edəcək.

2-ci hal: ştat mühasibi var, lakin, rəhbərlik onun səriştəsinə şübhə edir. Mühasibat uçotu və vergi qanunvericiliyi dünyasında son dəyişiklikləri davamlı şəkildə izləyəcək savadlı mütəxəssis tapmaq o qədər də asan deyil. Bu, heç də belə bir şübhə halında mövcud mühasibin işdən çıxarılması lazım olduğu anlamına gəlmir. Yeni əməkdaşın axtarışı çox vaxt aparacaq, nəticəyə isə əvvəlcədən zəmanət verilə bilməz. İstisna deyil ki, ştat mütəxəssisinin perspektivləri var, amma, bəzən onun işinə də nəzarət etmək lazımdır. Bunun üçün mühasibat uçotu üzrə məsləhətlərə ehtiyac var.

3-cü hal: şirkət öz işində qeyri-adi fəaliyyət formaları ilə qarşılaşıb, məsələn, yeni bir istiqamət üzrə fəaliyyətə başlayır və ya avadanlıq icarəyə götürür. Hətta savadlı və məsuliyyətli mühasib belə, qeyri-standart vəzifə ilə üzləşdikdə, özünü itirmək riski ilə qarşılaşa bilər. Məsləhətçi sizin işçinizə öz hərəkətlərinin düzgünlüyünə əmin olmaqda kömək edəcək, zəruri hallarda isə sənədləri necə tərtib etməyi öyrədəcək.

Məqalənin 2-ci hissəsini buradan oxuya bilərsiniz.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun