Blog Full

1C proqramı bazarda peyda olana kimi işçilər bu və ya digər sənədləri əl ilə olduqca gec axtarıb tapa bilirdilər. 1C proqramı bu axtarışı sürətləndirdi – istifadəçi müəyyən kriteriyaları daxil etməklə dərhal nəticəyə nail ola bilirdi. Zaman keçdikcə daha çox sayda şirkətlər və müəssisələr bu proqramı satın alırdılar – axı, biznes dünyasında vaxt amili mühüm rol oynayır. Şirkət rəhbərləri öz işçilərinin bu proqramı daha tez mənimsənilməsi və tam şəkildə ondan istifadə olunmasında maraqlıdırlar.

1C şirkətinin əsası 1991-ci ildə Rusiyada məşhur rus sahibkar Boris Georgiyeviç Nuraliyev tərəfindən qoyulub.

Proqrama ilk adı öz axtarış sistemindən çıxış edərək Boris Nuraliyevin özü vermişdi: 1C (lazım olan informasiyanın əldə olunması üçün saniyədən də az vaxt lazımdır). Proqram xüsusi olaraq, müəssisələrdə mühasibatlıq işlərinin yüngülləşdirilməsi məqsədilə Borisin qardaşı – Sergey Nuraliyev tərəfindən yazılmışdı.

Daha sonra bazara “1C: Müəssisə” proqramı çıxarıldı, hansı ki, mühasibatlıq və idarəetmə uçotunun sürətləndirilməsinə, eləcə də personalın idarə olunmasına və əmək haqqı hesalaşmalarına fokuslaşdırılmışdı. Çoxlu sayda müxtəlif proqramlar buraxılmışdı: 1C: Müəssisə: Əməkhaqqı və personalın idarə olunması, Ticarət müəssisəsinin idarə olunması, Ukrayna üçün mühasibatlıq və s. Həmçinin proqramın mənimsənilməsinə hesablanan təlim versiyaları da buraxılmışdı. Proqram daim təkmilləşdirilir, yeni versiyaları buraxılır.

1C şirkəti tərəfindən həmçinin “1C: Konsolidasiya” proqramı da buraxılıb. O, ilk növbədə müəssisələr qrupunun işləri ilə bağlı təhlilin sadələşdirilməsi məqsədilə şirkətlər və müəssisələrin rəhbər işçiləri, direktorları üçün hazırlanmışdı. Düzgün qərarlar qəbul etmək çox vaxt müəssisənin, onun bölmələri və filiallarının işləri barədə informasiyanın nə qədər rahat təqdim olunmasından asılı olur. Cədvəllər, qrafiklər və diaqramlar rəhbərliyə öz şirkətlərinin işini daha asan dəyərləndirməyə, maliyyə və digər göstəricilərlə bağlı nisbəti daha tez aşkara çıxarmağa kömək edir.

Bir qədər sonra 1C şirkəti tərəfindən “1C: elektron təlim” proqramı buraxıldı. Şirkət təlim prosesini sürətləndirmək və bundan daha tez faydalanmağa fokuslaşmışdı ki, indiki zamanda bu, bir çox şirkətlər və firmalar üçün aktual problem hesab olunur. Bu proqram eləcə də təhsil müəssisələrində istifadə üçün nəzərdə tutulub, onun köməkliyi ilə biliklərin müəllimdən tələbəyə daha tez ötürülməsi təmin edilir ki, bu çox mühüm rol oynayır.

Sonrakı vaxtlarda şirkət – “1C: Sənəd dövriyyəsi” proqramını buraxdı ki, o da şirkət və müəssisə rəhbərlərinə və kadr işçilərinə çoxlu imkanlar yaratdı. Onun üstünlükləri: faylların qorunması (müəssisənin bütün sənədlərinin uçotu həyata keçirilir); kollektiv iş (bütün işçilərin fayllara çıxışını təmin edir); iş vaxtının uçotu (müəssisə rəhbərliyinə tabeliklərində olan işçilərin əməyinin effektivliyini qiymətləndirməyə imkan yaradır),  İnternetdən və elektron poçtdan istifadə (İnternet vasitəsilə fayllardan istifadə); fərdi tənzimləmələr – hər bir işçiyə öz tənzimlənməsi ətrafında imkanlar yaradır və fayllara çıxışı qadağan edir. “1C: Sənəd dövriyyəsi” proqramının bütün bu funksiyaları həm rəhbərlik, həm də əməkdaşlar üçün işləri bir neçə dəfə sadələşdirir. Proqram çoxlu miqdarda vaxta qənaət etməyə imkan yaradır ki, bu çox önəmli amildir. O, rəhbərliyə öz tabeçiliklərində olanlara nəzarət etməyə imkan yaradır ki, bu da müəssisənin gəlirlərini əhəmiyyətli dərəcədə artırır. Hazırkı məqamda bu proqramdan artıq çoxlu sayda şirkət, firma və müəssisələr istifadə edirlər.

• 1C  proqramının adı ilə bağlı daha bir versiya da mövcuddur. Həmin versiyada deyilir ki, bu ad ona görə belə düşünülüb ki, bütün məşhur soraq kitabçalarında birincilik qazansın, axı, əlifba üzrə çeşidləmə zamanı hərflərdən fərqli olaraq rəqəmlər birinci gəlir.
• Adın təşəkkülü ilə bağlı növbəti versiya belə hesab edir ki, çox güman ki, bu əfsanə ilə bağlıdır. Orada deyilir ki, 1C adında şifrələnmiş belə bir ifadə yer alıb: “mühasibatlıqla üzbəüz”.
• Beləliklə, üç versiyadan söz açdıq, indi isə dördüncünün üzərində dayanaq. Həmin versiyaya görə 1C adı – bu yəhudi əlifbasındakı ilk yazılan hərfdir və “alef” kimi oxunur.
• Növbəti, beşinci versiya deyir ki, proqrama bu adı öz qardaşının (Sergey Nuraliyev) kompüterində əldəqayırma mühasibat proqramını görən Boris Nuraliyev verib. Həmin anda o, bundan peşəkar mühasibat proqramı düzəltəməyi düşünüb, hansı ki, əksər şirkət və müəssisələrə yararlı olsun. 1C adı isə bunu ifadə edir: tamamını piratların acığına “Sergey tək edib”.
• Ad ilə bağlı altıncı versiya bunu ifadə edir: “1C – birinci növdür və ya First Company (ilk şirkət)”. Lakin, buradan belə bir sual ortaya çıxır – onda niyə əla növ yox? Bu versiya müəyyən sübutlarla möhkəmləndirilib.
• Yeddinci versiya ondan ibarətdir ki, ad heç bir halda şərh olunmur və tərcümə edilmir, o empirik yolla, yəni, müəyyən biliklər – ekspert yolu ilə əldə olunub.
• Səkkizinci mümkün versiya belədir ki, “C” klaviaturanın klavişlərində yeganə hərfdir ki, həm latın, həm də kiril əlifbasında bir-birilə uyğun gəlir.
• 1C adının təşəkkülü ilə bağlı doqquzuncu versiya ondan ibarətdir ki, 1C adı “Vahid sistem” və ya “Vahid standart” mənasını ifadə edir. Yəni, sistem materialları bazarında yalnız yaxşı proqramlar ola bilər. Boris Nuraliyev də bazara elə proqramla çıxmaq istəyib ki, əvvəl mövcud olanlardan daha yaxşı olsun.
• Və nəhayət son. Onuncu versiyanın belə bir tarixçəsi var: özünün hələ heç kəsə məlum olmayan mühasibat proqramı ilə bazara çıxan Boris Nuraliyev belə söyləyib: “Bizdə çox yaxşı bir yeni proqram var, əgər, nəsə düz getməsə. onda “1 saniyə gözləyin” və sizin probleminiz həllini tapacaq”.

Bütün yuxarıda deyilənləri yekunlaşdıraraq, söyləmək olar ki, yuxarıda sadalanan on versiya arasında ən düzgünü və səhihi birinci versiyadır. Müxtəlif mənbələrdə həmin versiyaya daha tez-tez rast gəlirsən və görünür o, digərlərindən daha həqiqidir. Bu şirkətin proqram məhsullarından 20 il ərzində daha çox şirkətlər və korporasiyalar istifadə edir, özü də təkcə Rusiyada deyil, onun hüdudlarından kənarda da. 1C şirkətindən olan proqramçılar bir yerdə ayaq döymək istəmirlər, onlar mühasibat proqramlarının yeni versiyaları üzərində işləməkdə davam edirlər.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun