Blog Full - Audit.Az

Oxunma sayı: 133. 765

22 İyl 2021

Fiziki şəxslərin zərərləri növbəti illərə keçirilə bilərmi?

by Audit.Az | posted in: sual-cavab, Xəbər | 0

Fiziki şəxslərin zərərləri növbəti illərə keçirilə bilərmi?

Fiziki şəxslərin zərərlərinin növbəti ilə keçirilə bilməsi barədə:

Fiziki şəxsin sahibkarlıq fəaliyyətindən əldə edilən ümumi gəlirindən çıxılmasına yol verilən xərclərinin ümumi gəlirdən artıq olan hissəsi fiziki şəxsin digər gəlirlərdən çıxıla bilməz, lakin gələcək dövrlərdə sahibkarlıq fəaliyyətindən ümumi gəlir hesabına kompensasiya edilməsi üçün üç ilədək davam edən sonrakı dövrə keçirilə bilər.

Əsaslandırılma: Vergi Məcəlləsinin 121.2-ci maddəsi.

Mənbə: sosial.gov.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

19 İyl 2021

Azərbaycanda sahibkarlar üçün “Vahid elektron lövhə” xidməti tətbiq olunub

by Audit.Az | posted in: Vergi, Xəbər | 0

Azərbaycanda vergi ödəyicisinin müraciətinə əsasən, hesablanan vergidən artıq olan məbləğin sahibkara geri qaytarma prosesini izləməyə imkan verəcək “Vahid elektron lövhə” nin tətbiqinə başlanılıb.

Dövlət Vergi Xidmətindən verilən məlumata görə, “Vahid elektron lövhə” platformasının bir sıra üstünlükləri var. Belə ki, artıq ödənilmiş məbləğin geri alınması üçün ərizənin vergi ödəyiciləri tərəfindən izlənməsi məlumatların əlçatanlığının təmin olunmasına xidmət edəcək. Vergi ödəyicisi müraciətinin hər mərhələsini izləyə, onun geri qaytarılması ilə bağlı prosesə şəxsən nəzarət edə biləcək.

“Vahid elektron lövhə”də olan məlumatlar sistem vasitəsilə onlayn rejimdə yenilənəcək. Artıq ödənilmiş vəsaitlərin büdcədən qaytarılması ilə bağlı statistik məlumatların vergi ödəyiciləri tərəfindən Dövlət Vergi Xidmətinin rəsmi internet səhifəsində onlayn izlənilməsi mümkün olacaq. Bundan başqa, ərizənin doldurulma prosedurunun sadələşdirilməsi vergi ödəyicilərinin əlavə vaxt itkisinin azalmasına və yazışmaların minimuma endirilməsinə zəmin yaradacaq.

Vergi ödəyicisi “Asan İmza” ilə şəxsi kabinetinə daxil olaraq və “Onlayn Kargüzarlıq” bölümündə artıq ödəmənin geri qaytarılması üçün «Elektron Ərizə»ni seçməlidir. Daha sonra o, “Elektron Ərizə”ni qaydalara uyğun tərtib edib Dövlət Vergi Xidmətinin aidiyyəti strukturuna göndərməlidir. Eyni zamanda, ərizənin vəziyyəti barədə məlumatlar “Vahid elektron lövhə”də əks olunur. Hər hansı səbəbdən imtina edildikdə və ya vergi ödəyicisinə səyyar vergi yoxlaması açıldıqda “lövhə”də imtina səbəbi və tarixi qeyd edilir. Daha sonra artıq ödənilmiş vəsait vergi ödəyicisinin bank hesabına köçürülür və vəsaitin bank hesabına köçürülməsi barədə Maliyyə Nazirliyi tərəfindən “vahid elektron lövhə”yə məlumat ötürülür. Ərizədəki məlumatlar düzgün olduğu halda vergi orqanı tərəfindən Rəy hazırlanaraq platforma üzərindən Maliyyə Nazirliyinə ötürülür. Maliyyə Nazirliyi tərəfindən Rəyə baxılaraq yerli xəzinədarlıq orqanına icraya yönəldilir və “vahid elektron lövhə”yə bu barədə məlumat ötürülür.

Mənbə: apa.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

17 İyl 2021

Azərbaycanda fərdi sahibkarların sayı açıqlanıb

by Audit.Az | posted in: Xəbər | 0

Bu il iyulun 1-i vəziyyətinə Azərbaycanda hüquqi şəxs yaratmadan sahibkarlıq fəaliyyəti ilə məşğul olmaq üçün qeydiyyatdan keçmiş fərdi sahibkarların sayı 1,1 mln. keçib.

Bu barədə Dövlət Statistika Komitəsinin hesabatında deyilir.

“Hesabat dövründə hər dörd fərdi sahibkardan üçü “Kənd təsərrüfatı, meşə təsərrüfatı və balıqçılıq”, “Ticarət; nəqliyyat vasitələrinin təmiri”, “Nəqliyyat və anbar təsərrüfatı” və “Digər sahələrdə xidmətlərin göstərilməsi” sahələri üzrə qeydiyyatdan keçib”, – hesabatda deyilir.

Sahibkarlıqla məşğul olmaq niyyətində olan fərdi sahibkarların əsas hissəsi Bakıda (27,9%), Lənkəran-Astara (9,8%), Qazax-Tovuz (7,5%) və Mərkəzi Aran (6,8%) iqtisadi rayonlarında qeydiyyata alınıb.

Fərdi sahibkarların 78,7%-ni kişilər, 21,3%-ni isə qadınlar təşkil edib.

Mənbə: apa.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

17 İyl 2021

Dünyada ərzaq qiymətlərinin artımının yavaşlaması proqnozlaşdırılır

by Audit.Az | posted in: Xəbər | 0

Dünyada ərzaq qiymətlərinin artımının yavaşlaması proqnozlaşdırılır

İqtisadi əməkdaşlıq və inkişaf təşkilatı (İƏİT) BMT ilə birlikdə qida məhsullarının qiymətlərinin yavaşlamasını proqnozlaşdırıb. “Bloomberg” bunun tələbatın azalması və istehsal templərinin artması ilə əlaqədar olduğunu bildirib.

İƏİT və BMT-nin hesabatında deyilir ki, inflyasiya ilə tənzimlənən qida qiymətləri yaxın bir neçə il ərzində azala bilər və 2030-cu ilə qədər demək olar ki, dəyişməz qalacaq. Çünki taxıla və balığa olan tələbat bir qədər zəifləyib, xammal tədarükü isə yüksəlir.

Gözlənilir ki, yaxın onillikdə kənd təsərrüfatı məhsullarına tələbatın artımı ildə 1,2 faiz təşkil edəcək – bu isə ötən on ilə nisbətən bir faiz azdır. Öz növbəsində, infrastruktura, tədqiqatlara və mənbələrin savadlı şəkildə bölüşdürülməsinə sərmayə qoyulacağı təqdirdə, istehsal həcmi inkişaf etməkdə olan ölkələrin hesabına 1,4 faiz arta bilər. Bununla birlikdə, Şimali Amerika, Qərbi Avropa və Mərkəzi Asiyada istehsal ciddi ekoloji siyasət səbəbindən yavaşlayacaq.

Təşkilatlar hesab edirlər ki, qısamüddətli perspektivdə ölkələrin beynəlxalq səfərlərə məhdudiyyətləri aradan qaldırması və kənd təsərrüfatı işçilərinin bir çoxunun fermalara qayıdacağı zaman istehsal qaydaya düşəcəkdir.

Qida üçün dünya xərcləri son bir il ərzində doqquz illik maksimuma yüksəlib. Səbəblər arasında pandemiyanın yaratdığı böhran, Cənubi Amerikada quraqlıq səbəbiylə məhsul itkisi və Çin tərəfindən rekord taxıl alışları var. Hər şey çox sürətli şəkildə bahalaşıb: pitsa üçün xəmirdən tutmuş ət və kofeyə qədər. Ərzaq qiymətlərinin sıçrayışlı yüksəlişi, aclıq çəkənlərin sayının artması və bununla eyni zamanda inflyasiyanın daha yüksək templəri ilə birlikdə daha təhlükəlidir. Bu, pandemiyadan sonrakı bərpanı təmin etmək üçün bankları stimullaşdırıcı tədbirləri sərtləşdirməyə vadar edə bilər.