Daha çox8
Daha çox8
Oxunma sayı: 123. 467
16 Noy 2021

Kapital Bank-ın “Dəyərli Kapitalı” 4000-ə çatır

by | posted in: Bank, Kapital Bank, Xəbər | 0

kapital bankÖlkənin maliyyə qurumları arasında ən böyük işəgötürən olan Kapital Bank-da hazırda 4000 nəfərə yaxın əməkdaş çalışır. Əməkdaşlarının inkişafına, iş şəraitinin yaxşılaşdırılmasına töhfə vermək üçün bank daim müxtəlif yeni proqramlar və layihələr həyata keçirir. 2020-ci ildən başlayaraq pandemiya ilə əlaqədar məsafədən iş rejimində fəaliyyət dünyada olduğu kimi Azərbaycanda da sürətlə yayılmağa başladı. Kapital Bank da bu tendensiyada kənar qalmadı. Bankın aidiyyəti strukturları tərəfindən çevik şəkildə məsafədən iş rejiminə keçid planı hazırlandı və ən qısa zamanda tətbiq olundu. İşçilərin sağlamlığının qorunmasına yönələn bu addım nəticəsində Kapital Bank-ın baş ofis əməkdaşlarının 80%-i məsafədən iş rejiminə keçdi, filial əməkdaşları isə növbəlilik prinsipi ilə 50% olaraq işə çıxdı.

Bir müddət sonra məsafədən işin effektivliyi ilə bağlı təhlillər edildi. Nəticələrdən bəlli oldu ki, məsafədən iş kifayət qədər üstünlüklərə malikdir. Kapital Bank bu rejimin uzunmüddətliliyi barədə düşünməyə və bu istiqamətdə addımlar atmağa başladı. Hazırda bankda ənənəvi iş yeri və iş vaxtı anlayışlarına tam fərqli yanaşılır. Baş ofis əməkdaşlarına məsafədən iş rejimi üzrə hibrid iş modeli təklif edilir. İş funksiyaları nəzərə alınmaqla, əməkdaşlar birbaşa rəhbərləri ilə öncədən razılaşıb, növbəlilik prinsipi ilə həftə ərzində müəyyən günlərdə ofisdən, müəyyən günlərdə isə məsafədən çalışa bilirlər. İşçilərin əmək hüquqlarında, müqavilələrində, əməkhaqqılarında heç bir dəyişiklik olmayıb.

Əməkdaşların inkişafı Kapital Bank üçün əsas prioritetlərdəndir. Bu prosesə daha sistemli yanaşmaq məqsədilə 2018-ci ildə İnsan Kapitalı Akademiyası yaradıldı. İnsan Kapitalı Akademiyasının təsis olunması və onun geniş fəaliyyəti işçilərin davamlı inkişafının bank üçün nə dərəcədə vacib olduğunu vurğulayır, Kapital Bank-ın daim inkişaf edən və “öyrənən” bank olduğunun nümayiş etdirir.

Artıq 1 ildir ki, Kapital Bank “iSpring Learn” beynəlxalq platformasından fəal istifadə edir. Bu platformaya çoxsaylı video və təlimatlar, həmçinin onlayn kurslar əlavə edilib. 2021-ci il ərzində platformada əməkdaşlar tərəfindən 18 000-dən artıq kurs və təlim tamamlanıb. Platforma tam olaraq Azərbaycan dilinə tərcümə edilib ki, bu da istifadəçilər üçün rahat naviqasiya imkanı yaradır. Canlı təlimlər istiqamətini də davam etdirən Kapital Bank, bankdaxili və bankdan kənar ekspertlərlə birgə müxtəlif vəzifələrdə çalışan, komandaya yeni qoşulan və ya artıq uzun illərdir ki, Kapital Bank-da işləyən “Bank işi”, “Liderlik və İdarəetmə”, “Agile yanaşmalar”, “Data analitika”, “Davranış” və digər peşəkar bacarıqlar üzrə təlim sessiyaları təşkil edir.

Həmçinin, 2018-ci ildən etibarən Kapital Bank müxtəlif strukturlarında profillərə uyğun işçi yetişdirilməsi layihəsinə start verib. Könüllü təcrübə proqramında 500 nəfərə yaxın insan iştirak edib. Onlardan təxminən 100 nəfəri müxtəlif vakansiyalar üzrə Banka işə qəbul olunub.

Peşəkar kadrların yetişdirilməsinə böyük önəm verən Kapital Bank bu istiqamətdə də bir sıra layihələr həyata keçirir. Müasir texnologiyaların və İT sahəsinin inkişafı üzrə də 2020-ci ilin sonlarından “BirCode” layihəsi çərçivəsində artıq “Backend”, “Frontend” və “Mobile” istiqamətləri üzrə 2 qrup developer yetişdirilib. Birinci qrupdan 27 nəfərdən 26 nəfəri, 2-ci qrupdan isə 13 nəfərin hamısı Kapital Bank-da işlə təmin olunub. Hazırda 3-cü qrup üzrə 15 nəfər devoloper yetişdirilməsinə başlanılıb. Paralel olaraq bu ilin may ayından “Bizdən biri” layihəsinə start verilib və ümumilikdə layihəyə cəlb olunan 89 nəfərdən 28-i işlə təmin olunub, 35 nəfər isə təcrübəsini davam etdirir.

Kapital Bank ölkənin bir sıra ali məktəbləri ilə də əməkdaşlıq edir. Bu il ADA Universiteti ilə karyera həftəsi, UNEC –Kapital Bank karyera ayı kimi tədbirlər keçirilib. Bundan başqa PAŞA Holdinq-in  reallaşdırdığı “Career Fair” layihəsində də fəal iştirak edib. 2021-ci ilin ən vacib layihələrindən bir isə ADNSU-da rəqəmsal tələblərə tam uyğun olan Kapital Bank otağının istifadəyə verilməsi olub.

Hazırda Kapital Bank-da Agile transformasiya layihəsi çərçivəsində bir sıra müasir yeniliklər tətbiq olunub. Belə ki, əməkdaşlar sərbəst və çevik iş rejimində fəaliyyət göstərirlər. Həmçinin, artıq bir neçə ildir ki, Kapital Bank-ın baş ofisi üçün dress-kod tələbi ləğv olunub və bununla da əməkdaşlar sərbəst geyimdə işə gəlməklə yanaşı, müasir, rəngarəng ofislərdə daha rahat işləyə bilirlər.

Kapital Bank əməkdaşları sıralarına qoşulmaq istəyənlər üçün hazırda 300-dək aktiv vakansiyalar mövcuddur. Müxtəlif vakansiyalar üzrə namizəd olmaq istəyən şəxslər www.hr.kapitalbank.az portalına daxil olmaqla, mövcud vakansiyalarla tanış ola bilərlər. Əgər Siz də karyeranıza Kapital Bank-da başlayıb və ya davam etdirib, əsl peşəkar olaraq inkişaf etmək istəyirsinizsə, portala daxil olub özünüzə şəxsi kabinet yaradıb, yeniliklərdən birinci xəbər tuta bilərsiniz.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

16 Noy 2021

Dünya iqtisadiyyatı. Dünya iqtisadiyyatı anlayışı və inkişaf mərhələləri (5-ci hissə)

by | posted in: Xəbər | 0

Dünya iqtisadiyyatı. Dünya iqtisadiyyatı anlayışı və inkişaf mərhələləri (5-ci hissə)dünya iqtisadiyyatı, iqtisadiyyat iqtisadçı

Dünya iqtisadiyyatı çox mürəkkəb sistemdir. Milli iqtisadiyyatların bütün məcmusu malların, xidmətlərin və istehsal amillərinin hərəkəti ilə bağlıdır. Bu əsasda ölkələr arasında beynəlxalq iqtisadi münasibətlər, yəni rezident və qeyri-rezidentlər arasında təsərrüfat münasibətləri yaranır.

Qloballaşma prosesinin əsas hərəkətverici qüvvələri beynəlxalq əmək bölgüsünün dərinləşməsi və informasiya inqilabıdır. Milli təsərrüfatların açıqlıq və qarşılıqlı asılılıq dərəcəsi kəskin şəkildə artır. Qlobal iqtisadi proseslər dominantlıq edir və sahibkarlıq strategiyasının ağırlıq mərkəzi milli səviyyədən fövqəlmilli səviyyəyə keçir. Milli dövlət tədricən makroiqtisadi tənzimləmənin ənənəvi rıçaqlarından (idxal maneələri, ixrac subsidiyaları, milli valyutanın məzənnəsi, Mərkəzi bankın yenidən maliyyələşdirmə dərəcəsi) səmərəli istifadə etmək imkanını itirir və öz iqtisadi siyasətində dünya meyillərinə istiqamətlənmək məcburiyyətində qalır.

Məqalənin 4-cü hissəsini buradan oxuya bilərsiniz

Hal-hazırda təkamül məntiqi dünya iqtisadiyyatını mübadilənin beynəlmiləlləşməsindən kapitalın və istehsalın beynəlmiləlləşməsinə doğru aparıb. Ölkələr arasında rəqabətli mübarizə zamanı beynəlxalq əmək bölgüsü sistemi yaranıb ki, bu da daxili tələbatlardan əlavə, ayrı-ayrı ölkələrdə malların və xidmətlərin davamlı istehsalında beynəlxalq bazara hesablanmasında öz ifadəsini tapır və beynəlxalq ixtisaslaşmaya və beynəlxalq kooperasiyaya əsaslanır.

Müasir dünya iqtisadiyyatının inkişafında digər mühüm bir tendensiya ölkələrin regional səviyyədə iqtisadi yaxınlaşması və qarşılıqlı fəaliyyəti olmuşdur. Beynəlxalq iqtisadi inteqrasiya dərin davamlı qarşılıqlı əlaqələrin inkişafı və ayrı-ayrı milli təsərrüfatlar arasında əməyin bölünməsi əsasında ölkələrin iqtisadi və siyasi birliyi prosesidir. Dövlətlərarası iqtisadi inteqrasiyanın ən yüksək forması iqtisadi və valyuta ittifaqıdır. İnteqrasiya prosesləri Qərbi Avropada (Aİ) və Şimali Amerikada (Şimali Amerika Azad Ticarət Assosiasiyası – NAFTA) daha çox inkişaf edib.

İnteqrasiya birliklərindən əlavə, ayrı-ayrı dövlətlərin iqtisadi sferasının qarşılıqlı təsir proseslərində xammal istehsalçıları və ixracatçıları ölkələrinin birlikləri, azad iqtisadi zonalar kifayət qədər əhəmiyyətli bir yer tutur. Beləliklə, istehsal və inteqrasiyanın beynəlmiləlləşdirilməsində özünü göstərən dünya iqtisadiyyatının qarşılıqlı münasibətləri, ayrı-ayrı milli iqtisadiyyatların qarşılıqlı əlaqələrinin güclənməsinə, dünya təsərrüfatının bütövlüyünün formalaşmasına gətirib çıxardı.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

16 Noy 2021

Gəlir vergisi normaya necə çevrildi (6-cı hissə)

by | posted in: Vergi, Xəbər | 0

Gəlir vergisi normaya necə çevrildi (6-cı hissə)gəlir vergisi

Tarixi ölçülərə görə gəlir vergisi çox yeni bir fenomendir: sivil ölkələrin əksəriyyəti əhalinin geniş kütlələrinə münasibətdə bunu yalnız 20-ci əsrdə tətbiq etməyə başlayıb.  Bundan əvvəl isə bu, bir qayda olaraq, müharibə dövrünün məhsulu kimi fövqəladə bir tədbir idi.

Belə bir qayda hökm sürürdü “yarım il üstəgəl bir gün”: əgər varlı adam kənd yerində bundan az müddətdə olardısa, o, vergi ödəməyə bilərdi. 1873-cü ildə, yəni, Almaniyanın birləşməsindən sonra şəhərlərdə mal-qara kəsiminə vergi tutulması ləğv edildi və orada da sinfi və gəlir vergisi tətbiq olunmağa başlanıldı.

1891-ci ildə vergi yekun olaraq gəlir vergisi halına gəldi. Daşınmaz əmlak və qiymətli kağızlardan əldə olunan gəlirlər də vergiyə cəlb edilmiş bazaya daxil idi, lakin, miras və hədiyyələr ora daxil edilməmişdi. Ən yoxsul olanlar həmin vergidən azad edilmişdilər.

Uşaqlara və hətta himayəsində olan yaşlı valideynlərə görə ailə başçılarına vergi zamanı güzəştlər edilirdi. Mütərəqqi vergi dərəcəsi artırılırdı. Ödənilməli olan minimal vergi dərəcəsi təxminən 0,6 faiz idi, ən zənginlər üçün – cəmi 4 faiz təşkil edirdi. Mütərəqqi vergi dərəcəsində kəskin yüksəliş yalnız 1909-cu ildə baş vermişdi: maksimal dərəcə 5 faizdən 25 faizə yüksəldi.

Məqalənin 5-ci hissəsini buradan oxuya bilərsiniz

Fransada XIX əsrin əvvəllərində torpaq və binalar da daxil olmaqla daşınmaz əmlak vergisi (kapitallaşdırılmış renta üzrə hesablanırdı, ipotekanın dəyəri çıxılmırdı), biznesə, qapı və pəncərələrə vergi (“sağlamlıq və işıq” vergisi də adlandırılırdı), şəxsi vergi (adambaşına gəlir və ya təxminən üç iş günü ərzindəki qazanca bərabər gəlir) və şəxsi mülkiyyət vergisi (icarəyə götürülmüş yaşayış sahəsinin dəyərindən asılı idi) mövcud idi.

Gəlir vergisinin tətbiqi cəhdi 1848 inqilabından sonra həyata keçirilmişdi. Bu zaman ifratlara da yol verilirdi. Anarxizmin ilk nəzəriyyəçilərindən sayılan fransız siyasətçi və iqtisadçısı Pyer Prudon, məsələn, 50% -ə qədər mütərəqqi dərəcə təklif edirdi. Bu cəhd də, 1870-ci il Fransa-Prussiya müharibəsi dövründə gəlir vergisi tətbiq etmək üçün edilən ikinci böyük cəhd kimi uğursuzluğa düçar oldu.

1870-ci illərin sonlarından etibarən bu vergi demək olar ki, daim dövlət səviyyəsində müzakirə olunurdu, lakin, qanunvericiliklə yalnız 1909-cu ildən tətbiq olunmağa başlanılmışdı. İlkin olaraq faiz dərəcələri gəlirin növündən asılı olaraq 3% -dən 4% -ə qədər təşkil edirdi. Dərəcələr bütün Birinci dünya müharibəsi illərində yüksəlmişdi, sonra bir az azalmış və müharibədən sonra 50% səviyyəsində dondurulmuşdu.

Məqalənin 7-ci hissəsini buradan oxuya bilərsiniz

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

16 Noy 2021

İctimai iaşə fəaliyyəti ilə məşğul olan şəxslər tərəfindən rüb ərzində etdiyi satışların 30 faizdən çoxunu elektron qaimə-faktura təşkil edə bilərmi?

by | posted in: Xəbər | 0

E-Qaimə, elektron qaimə-faktura ləğvİqtisadi Araşdırmalar və Tədris Mərkəzinin təlimçisi, iqtisadçı ekspert Cavid Vəlizadə mövzu ilə bağlı şərh verib:

Vergi Məcəlləsinin 218.1.1 maddəsinə əsasən, ƏDV məqsədləri üçün qeydiyyata alınmamış və ardıcıl 12 aylıq dövrün istənilən ayında (aylarında) vergi tutulan əməliyyatlarının həcmi 200.000 manatadək olan ictimai iaşə fəaliyyəti ilə məşğul olan sadələşdirilmiş verginin ödəyiciləri Vergi Məcəlləsinin 220.1 maddəsinə əsasən 2 faiz dərəcəsi ilə sadələşdirilmiş vergiyə cəlb edilir. Məcəllənin 218.1.2 maddəsinə görə, vergi tutulan əməliyyatlarının həcmi ardıcıl 12 aylıq dövrün istənilən ayında (aylarında) 200.000 manatdan artıq olan ictimai iaşə fəaliyyəti ilə məşğul olan şəxslər Vergi Məcəlləsinin 220.1-1 maddəsinə əsasən 8 faiz dərəcəsi ilə sadələşdirilmiş vergiyə cəlb edilir. Yəni bu o deməkdir ki, ictimai iaşə fəaliyyəti ilə məşğul olan şəxslər rüb ərzində etdiyi satışların 30%-dən çoxunu elektron qaimə-faktura ilə həyata keçirsələr belə, yenə də sadələşdirilmiş verginin ödəyiciləri kimi qalırlar.

Vergi Məcəlləsinin 218.6.1 və 218.6.2-ci maddələrinə diqqət edək: Məcəllənin 218.6.1 maddəsinə əsasən, pərakəndə satış qaydasında malların təqdim edilməsini həyata keçirən vergi ödəyicisi, eyni zamanda, topdansatış qaydasında malların satışını həyata keçirdikdə rüb ərzində elektron qaimə-faktura ilə rəsmiləşdirilməli olan əməliyyatlarının həcmi ümumi ticarət əməliyyatlarının (satışdankənar gəlirlər istisna olmaqla) həcminin 30 faizindən çox olmadıqda və Vergi Məcəlləsinin 218.6.2 maddəsinə əsasən vergi ödəyicisi kimi vergi orqanında uçotda olmayan şəxslərə (əhaliyə) göstərilən xidmətlərdən başqa, xidmətlərin göstərilməsini həyata keçirən şəxslər tərəfindən, əhaliyə xidmətlə yanaşı, hüquqi şəxslərə və vergi ödəyicisi kimi vergi orqanında uçotda olan fiziki şəxslərə xidmətlərin göstərilməsi həyata keçirilirsə, rüb ərzində elektron qaimə-faktura ilə rəsmiləşdirilməli olan əməliyyatların həcmi xidmətlərin göstərilməsi üzrə ümumi əməliyyatların (satışdankənar gəlirlər istisna olmaqla) həcminin 30 faizindən çox olmadıqda sadələşdirilmiş verginin ödəyicisi kimi qalırlar.

Beləliklə, maddələrin açıqlamasına əsasən, pərakəndə ticarət və əhaliyə xidmət göstərən sadələşdirilmiş verginin ödəyiciləri rüb ərzində etdikləri satışların 30 faizdən çoxunu elektron qaimə-faktura təşkil etdikdə sadələşdirilmiş verginin ödəyicisi olmaq hüququnu itirirlər.

Misal: İctimai iaşə fəaliyyəti ilə məşğul olan şəxs rüb ərzində cəmi 450.000 manatlıq satış edib və bunun da 40 faizini, yəni 180.000 manatını elektron qaimə -faktura (topdan satış) əsasında həyata keçirmişdir: SV= 450.000*8%=36000.

1 … 625 626 627 628 629 630 631 … 2. 382
error: Content is protected !!