Blog Full

Ölkəmizdə minimum əməkhaqqının 300 manata çatdırılması ilə əlaqədar Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti iş yerlərində minimum əməkhaqqının həmin məbləğdən az olmaması üçün ciddi nəzarət tədbirləri görür.

Nazirliyin İctimaiyyətlə əlaqələr və kommunikasiya şöbəsindən verilən məlumata görə, bu barədə Dövlət Əmək Müfəttişliyi Xidmətinin 2021-ci ilə dair fəaliyyətinin yekunlarına və Xidmətin qarşısında duran vəzifələrə həsr olunmuş iclasda bildirilib.

Əmək və əhalinin sosial müdafiəsi naziri Sahil Babayev Prezident İlham Əliyevin Sərəncamları ilə ölkəmizdə əməkhaqqı sisteminin inkişafında ciddi irəliləyişə nail olunduğunu vurğulayıb. O, 2019-cu ilin əvvəlində 130 manat təşkil edən minimum əməkhaqqının son 3 ildə 2,3 dəfə artırılaraq 300 manata çatdırıldığını, bu il üçün yaşayış minimumunu (210 manat) 43 faiz üstələdiyini bildirib.

İclasda iş yerlərində minimum əməkhaqqının 300 manatdan az olmaması üçün ciddi nəzarətin həyata keçirilməsinin, bununla bağlı işçilərin əmək hüquqlarının qorunmasının vacibliyi qeyd edilib.

Yeni tədbirlər planı əsasında bu sahədə aparılan işlər diqqətə çatdırılıb. Qeyd olunub ki, “Əmək müqaviləsi bildirişi” altsistemi vasitəsilə bu sahədə vəziyyətə elektron nəzarət olunur. Əmək müqavilələri, eləcə də müqavilələrə dəyişiklik edilməsi və ya xitam verilməsi barədə bütün məlumatlar həmin altsistemdə əhatə olunub.

Altsistemdə əmək müqaviləsində minimum əməkhaqqıdan aşağı məbləğdə əməkhaqqının qeyd olunmasına məhdudiyyət tətbiq olunub. Bu il yanvarın 1-dək 300 manatdan aşağı əməkhaqqı qeyd edilmiş əmək müqavilələrində artıq yeni ilin ilk günündən müvafiq düzəlişlər edilməsi üçün elektron sistem vasitəsilə aidiyyəti işəgötürənlərə xəbərdarlıq mesajı da çatdırılıb.

İclasda əmək qanunvericiliyinə əməl olunmasına dövlət nəzarəti, eləcə də əmək münasibətləri sahəsində inzibati xətaların elektron informasiya sistemləri vasitəsilə aşkarlanması, həmin xətalarla bağlı e-qaydada inzibati icraatın tətbiqi sahəsində görülmüş işlər və xidmətin qarşısında duran vəzifələr müzakirə olunub.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Mühasibat uçotunun inkişaf mərhələləri (12-ci hissə) 

Tədqiqatçılar güman edirlər ki, ikili mühasibatlıq XIII əsrdə meydana çıxıb, belə ki, XIII əsrə kimi bundan ötrü obyektiv şərait olmayıb:

1)      pullar çox nadir hal olub;

2)      adi hesabdarlıq işçisinin psixologiyası konstruktiv olmayıb, o, həyatında və ya sənədlərdə gördüklərini yazıb;

3)      mənfəət ən mühüm kateqoriya kimi lazımi dərəcədə tanınmamışdı, tacir maliyyə kateqoriyalarından daha çox istehlak əməliyyatlarını həyata keçirirdi;

4)      pulun bütün funksiyalarından, yalnız ödəmə vasitələrinin funksiyası üstünlük təşkil edirdi, iqtisadi proseslərin uçotu pul əsasında deyil, təbii əsasda qurulmuşdu;

5)      bir çox əsrlər boyu insanların psixologiyasında kəmiyyət deyil, keyfiyyət anlayışları üstünlük təşkil etmişdi.

Bəzi tədqiqatçılar hesab edirdilər ki, ikili qeydiyyat Avropanın iqtisadi cəhətdən böyüməsinə və kapitalist münasibətlərinin yaranmasına səbəb olmuşdu, digərləri isə ikili qeydiyyatın yaranmasını kredit münasibətlərinin inkişafı ilə əlaqələndirirdi.

İkili qeydiyyat hesabların göndərilməsinə nəzarət etmək ehtiyacından kortəbii olaraq yaranmışdı. İqtisadi həyat amillərinin böyük əksəriyyəti həmişə ikili xarakter daşıyırdı: təchizatçıdan mallar daxil olurdu, həmin mallar satılırdı və s. Bu, məntiqi zərurətə, debet və kredit dövriyyələrini balanslaşdırmağa gətirib çıxaran prosedur üsulu idi.

Məqalənin 11-ci hissəsini buradan oxuya bilərsiniz

İkili mühasibatlıq öz inkişafında beş mərhələdən keçib:

1)      ikili qeydiyyat formal üsul kimi, qeydiyyat metodlarının təkamülünün nəticəsi olaraq ortaya çıxıb;

2)      ikili qeydiyyata, təsərrüfat əməliyyatlarının qeydlərinin düzgünlüyünə avtomatik olaraq  nəzarət etməyə imkan verən bir texniki üsul kimi baxılırdı;

3)      uçot vahid pul ölçüsündən istifadə etməklə, vahid tam və qapalı bir sistem idi;

4)      sistemdə yalnız sahibinin hesablarının olmasını deyil, həm də maliyyə nəticələrinin uçotunu nəzərdə tutur;

5)      uçot obyektlərinin inkişafı və genişlənməsi ilə əlaqəlidir.

Mövcudluğunu qoruyub saxlayan mühasibat prosedurunun niyə ikili mühasibatlıq adlandırılması ilə bağlı bir neçə izah mövcuddur:

1)      qeydlərin iki növü – xronoloji və sistemli uçot qeydləri;

2)      həyata keçirilməsinin iki səviyyəsi – analitik və sistemli uçot;

3)      hesabların iki qrupu –maddi və şəxsi;

4)      hər bir hesabda iki bərabər hüquqlu kəsik (debet və kredit);

5)      hər bir təsərrüfat həyatı faktı bərabər məbləğdə iki dəfə qeydə alınır;

6)      A – P = K tənliyi ilə əks olunan iki paralel uçot dövriliyi;

7)      Hər bir informasiya axınının iki nöqtəsi var – giriş və çıxış;

8)      Təsərrüfat həyatı faktında həmişə iki şəxs iştirak edir – bir şəxs verir, digəri isə alır;

9)      Istənilən mühasibatlıq işi iki dəfə yerinə yetirilir – əvvəlcə faktlar qeydə alınır, sonra isə işin düzgünlüyü yoxlanılır;

10)    Eyni qeyd iki dəfə qeydə alına bilər, əvvəlcə planlı olaraq, çonra isə uçot və ya faktiki şəkildə.

Beləliklə, ikili qeydiyyat üç elementar metodu təşkil edir: balans, hesablar və ikili qeydiyyat.  Onlar harmoniya illüziyasını yaradırlar, bütün debet həmişə kreditlə uyğun gəlməlidir, aktiv isə həmişə passivə bərabər olmalıdır. Bunu həyat deyil, mühasibatlıq tələb edir və  bu, fəaliyyəti sadələşdirmək, onu idarə etmək üçün zəmin yaratmaqdan ötrü çox vacibdir.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Respublikamızda mədəniyyətin, tibbin və idmanın inkişaf etdirilməsi üçün bir sıra stimullaşdırıcı tədbirlər həyata keçirilir, o cümlədən bu sahələri dəstəkləyən şirkətlərə vergi güzəştləri tətbiq olunur. Mövzunu maliyyə mütəxəssisi Vüqar Mirheydərov şərh edir.

Vergi Məcəlləsinin 106.1.18-ci maddəsi vergi ödəyicisinin müvafiq icra hakimiyyəti orqanı tərəfindən təsdiq edilmiş tələblərə cavab verən elm, təhsil, tibb, idman və mədəniyyət təşkilatlarına köçürdüyü ümumi mənfəətin 10 faizindən çox olmayan hissəsini vergidən azad edir.

Fərz edək ki, “Dəniz” MMC şirkəti 2021-ci il ərzində 150 min manat mənfəət əldə edib. Şirkət bu mənfəətdən 20% məbləğində vergi ödəməyə borcludur: 150.000 x 20% = 30.000 manat. Lakin “Dəniz” MMC-nin mühasibi vaxtında xatırlayır ki, şirkət il ərzində yerli təhsilə maddi dəstək kimi Bakı Dövlət Universitetinə 15 min manat köçürüb. Bu faktı mənfəət və zərər bəyannaməsinə daxil etməklə (Əlavə 5, 2-ci hissə, sətir 29) mühasib şirkət tərəfindən ödəniləcək mənfəət vergisi məbləğini 30.000 manatdan 27.000 manata endirəcək:

(150.000 – 15.000) x 20% = 27.000

Başa düşmək çətin deyil ki, mahiyyət etibarilə vergi ödəyicisinə təqdim olunan bu güzəşt qeyd olunan xərcin gəlirdən çıxılan xərc kimi nəzərə alınması ilə eyni effekti verir. Beləliklə, faktiki olaraq Vergi Məcəlləsinin 106.1.18-ci maddəsi 109.2-ci maddənin qeyri-sahibkarlıq fəaliyyəti ilə bağlı olmayan xərclərin əldə edilmiş gəlirdən çıxılmasını qadağan edən tələbini müəyyən mənada yumşaltmış olur.

Maddədə qeyd edilən meyarlara gəldikdə isə həmin meyarlar Nazirlər Kabinetinin 12.03.2020-ci il tarixli 88 nömrəli qərarı ilə təsdiq edilib.

• Elmi təşkilatlar üçün – “Elm haqqında” Qanunun 1.0.9-cu bəndinə uyğun olaraq elmi fəaliyyətin həyata keçirilməsinin təsis sənədlərində əks etdirilməsi, bu Qanunun 24-cü bəndinə uyğun olaraq akkreditasiyanın olması və prioritet istiqamətlər üzrə elmi tədqiqatların aparılması, dövlət siyasəti (“Elm haqqında” Qanunun 3.3-cü bəndi);

• Təhsil müəssisələri üçün – dövlət orqanları və ya səhmlərinin 51 faizinə dövlət mülkiyyətində olan və ya dövlət tərəfindən yaradılmış publik hüquqi şəxslər tərəfindən nəzarət, habelə təhsil fəaliyyətini həyata keçirmək üçün lisenziyanın olması;

• Səhiyyə təşkilatları üçün – təşkilat dövlət mülkiyyətində olmalı və köçürülən vəsait əhalinin sağlamlığının qorunmasına xərclənməlidir.

• İdman təşkilatları üçün – “Bədən tərbiyəsi və idman haqqında” Qanuna uyğun olaraq idman federasiyaları (birlikləri) və ya klubları yaradılmalıdır;

• Mədəniyyət təşkilatları üçün – təşkilat tədbirlərin, müsabiqələrin, sərgilərin, yaradıcılıq gecələrinin, təqdimatların, festivalların, konfransların və simpoziumların hazırlanması və keçirilməsi, çap məhsullarının istehsalı və onların yayılması, o cümlədən filmlərin istehsalı ilə məşğul olmalıdır.

Vergi Məcəlləsinin 106.1.18-ci maddəsi yerli idmanı, mədəniyyəti, elmi, səhiyyə və təhsili dəstəkləyən şirkətlərə bunun üçün müəyyən vergi güzəştləri almağa imkan yaradır. İdeal olaraq, bu maliyyələşdirmə modeli mədəniyyət, idman, təhsil, elm və səhiyyə sahəsində fəaliyyət göstərən təşkilatlara büdcə asılılığından azad olub özünümaliyyələşdirmə modellərinə keçməyinə kömək etməlidir.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun