Mal-material uçotu üzrə mühasib tələb olunur
“Baku Bus” MMC “ Mal-material uçotu üzrə mühasib ” vakansiyası üzrə işçi qəbulunu elan edir.
Tələblər:
– İqtisadiyyat və maliyyə sahəsində ali təhsil
– Minimum 3 il müvafiq sahədə iş təcrübəsi
– Kompüterdə sərbəst işləmək bacarığı
– Yaş həddi 25-35;
– Cinsi- Kişi
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Vəzifələr:
– 1C (8.2) proqramında işləmə bacarığı
– Mal-material ehtiyatlarının və əsas vəsaitlərin uçotu və onların hərəkəti ilə bağlı əməliyyatların vaxtında
mühasibat uçotunda əks etdirilməsini təmin etmək ;
– Mal-material qiymətlərinin və əsas vəsaitlərin inventarizasiya işlərini aparmaq
– Material anbarı və hazır məhsul anbarı üzrə mədaxil və məxaric, yerdəyişmə sənədlərinin müntəzəm olaraq alınması və düzgün tərtib olunduğuna, sistemə işlənildiyinə nəzarət edilməsi;
– Hesabat ayı bitdikdə nəqliyyat vasitələri üzrə yürüş məsafələrinin, yanacaq paylama cədvəllərinin yerində yoxlanılması və əsas xammal-materiallar üzrə faktiki miqdarın qeydiyyata alınması və sonradan təqdim olunan hesabatla tutuşdurulması;
– Əsas vəsaitlərin, mal-materialların inventarizasiyası prosesində fəal iştirak edilməsi, inventarizasiya üzrə cədvəllərdə uçot və faktiki miqdar-məbləğ olmaqla, habelə kənarlaşma miqdarı və məbləğini hesablanmasının həyata keçirilməsi;
– Hesabat ayı bitdikdən sonra 3 gün müddətində material anbarı, hazır məhsul anbarı və yanacaq anbarı üzrə hesabatın və müvafiq təsdiqedici sənədlərin (GPS məlumatı, YD şirkətinin plastik kartlar üzrə hesabatı) alınması və ilkin sənədlər üzrə təhlil edilib yoxlanılması;
– Hesabat ayı bitdikdən sonra 3 gün müddətində digər bölmə (şöbə) üzrə ( istehsal, nəqliyyat, marketinq və s.) mal-materialların hesabatının, lazımı ilkin sənədlərin (silinmə akti, quraşdırma aktı və s.) alınması;
– Alınmış ilkin sənədlər və hesabatlar əsasında aylıq material silinməsinin yoxlanılması və bunun üzərində nəzarət edilməsi;
– Əmək müqaviləsi ilə üzərinə götürdüyü vəzifələrin vaxtında və lazımınca icra edilməsi və onların pozulmasına yol verilməməsi;
– Sahəyə hər ay gedib malların qalıqlarına nəzarət edilməsi
Qeyd olunmuş tələblərə cavab verdiyiniz halda CV-nizi (anketlərinizi) cv@bakubus.az / info@finstaff.az elektron ünvanına Subject/Mövzu hissəsində “Mal-material uçotu üzrə mühasib”qeyd etməklə göndərə bilərsiniz.
Mənbə: jobsearch.az
Maliyyə Bazarlarına Nəzarət Palatası avqustun 10-14-də sığorta vasitəçiliyi üzrə fəaliyyətə lisenziyaların verilməsi və sığortaçıda rəhbər vəzifəyə təyinatı nəzərdə tutulan namizədlər üçün attestasiya keçirəcək.
BTP – Bəyannamə Tərtibatı Proqramının yeni versiyasında aşağıdadakı yeniliklər edilmişdir.