Vergilər Nazirliyində necə könüllü kimi çalışmaq olar? Son tarix 6 mart
“Vergi orqanlarında könüllü fəaliyyətin təşkili Qaydaları”nın 3.2-ci bəndinə uyğun olaraq vergi orqanlarında könüllü fəaliyyətə cəlb edilmə ilə bağlı növbəti mərhələ elan olunur. (Vergilər Nazirliyi)
Vergi qanunvericiliyi və vergi orqanlarının fəaliyyəti üzrə minimal biliklərə sahib olan, komandada işləməyi bacaran, məsuliyyətli, intizamlı tələbə və məzunlar Bakı şəhəri və respublikamızın regionlarında fəaliyyət göstərən vergi ödəyicilərinə xidmət mərkəzlərində könüllü kimi fəaliyyət göstərmək üçün 06.03.2020-ci il tarixinədək Vergilər Nazirliyinin rəsmi internet saytı vasitəsilə onlayn müraciət edə bilərlər.
Müraciətlərin araşdırılması və könüllülərin seçilməsi Vergilər Nazirliyi tərəfindən müəyyən edilmiş ehtiyaclara və müraciət edənlərin faktiki yaşadıqları (və ya təhsil aldıqları) ünvana uyğun aparılacaqdır.
Mənbə: taxes.gov.az
Xidmətin adı: Üzləşmə aktının verilməsi. 
Vergilər Nazirliyinin Tədris Mərkəzinin təşkil etdiyi növbəti təlim 2019-cu və 2020-ci illərdə Vergi Məcəlləsinə edilən dəyişikliklərə həsr olunub. Nazirliyin Vergi cinayətlərinin ibtidai araşdırılması Baş İdarəsində keçilmiş təlimdə dinləyicilərə Vergi Məcəlləsinə edilmiş dəyişikliklərin qısa xülasəsi təqdim edilib, əmtəəsiz əməliyyatlar (13.2.81-ci maddə) və bu əməliyyatların cinayət-hüquqi töfsifi, əmtəəsiz əməliyyat üzrə faydalanan şəxs (78.4-cü maddə), riskli vergi ödəyicisi (13.2.82), ümidsiz borcların silinməsi (93.1.1-cü maddə), vergi öhdəliyinin yerinə yetirilməsi müddətləri (85.4-cü maddə) və aktual olan digər mövzular təhlil edilib.
Rusiya Federasiyasının Dövlət Duması birinci oxunuşda qəbul etdiyi müvafiq qanun layihəsinə əsasən, sadələşdirilmiş vergi ödəyiciləri “USN-onlayn” sisteminə keçə biləcəklər. Federal Vergi Xidməti (FVX) bu sistem vasitəsilə onlayn kassalardan alınan məlumatlar əsasında vergini müstəqil şəkildə tuta biləcək. Başqa sözlə, USN-ə keçmiş sahibkarların bəyannamə təqdim etməsinə və mənfəətin uçotu dəftərini aparmasına ehtiyac qalmayacaq.