Blog Full - Audit.Az

Oxunma sayı: 147. 753

2 Mar 2020

Agentin həyata keçirdiyi əməliyyatlar

by Audit.Az | posted in: Xəbər | 0

Turagent ƏDV ödəyicisi deyil, lakin vəkalət verən (digər şəxs) ƏDV-nin məqsədləri üçün qeydiyyatdadır. Aviabiletlərin satışına görə alıcılara elektron qaimə-faktura təqdim etməlidirmi? Agent

Vergilər Naziriliyinin şərhində göstərilir ki, 1 yanvar 2020-ci il tarixdən Vergi Məcəlləsində edilmiş dəyişikliyə əsasən, agent digər şəxsdən qəbul etdiyi mallar (işlər, xidmətlər) üçün həmin malların (işlərin, xidmətlərin) alıcılarına “komisyonçu tərəfindən malların alıcısına təqdim edilən elektron qaimə-faktura” təqdim edir.

Agent ƏDV-nin məqsədləri üçün qeydiyyatda olmadıqda alıcı tərəfindən alınmış malların dəyəri digər şəxsin (vəkalət verənin) hesabına nağdsız qaydada, ƏDV məbləği ƏDV-nin depozit hesabına ödənildiyi halda, agent tərəfindən həmin malların alıcısına verilmiş elektron qaimə-faktura ödənilmiş ƏDV-nin əvəzləşdirilməsinə əsas verir.

Qeyd olunanlara əsasən, malların alıcısı agentdən, yəni sizdən aldığı elektron qaimə-faktura əsasında digər şəxsə (vəkalət verənə) malların dəyərini nağdsız qaydada, ƏDV məbləğini ƏDV-nin depozit hesabına ödədiyi halda, ödənilmiş ƏDV məbləğini əvəzləşdirir.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Agent

2 Mar 2020

Vergi ödəyicisinin həm pərakəndə satış, həm də topdansatış qaydasında təqdim etdiyi mallara vergi hesablanması qaydası

by Audit.Az | posted in: Vergi, Xəbər | 0

Vergi Məcəlləsinin 218.6.1-ci maddəsinə əsasən, Vergi Məcəlləsinin 218.5.9-cu maddəsinin müddəalarından asılı olmayaraq pərakəndə satış qaydasında malların təqdim edilməsini həyata keçirən vergi ödəyicisi, eyni zamanda, topdansatış qaydasında malların satışını həyata keçirdikdə, rüb ərzində elektron qaimə-faktura ilə rəsmiləşdirilməli olan əməliyyatların həcmi ümumi ticarət əməliyyatlarının (satışdankənar gəlirlər istisna olmaqla) həcminin 30 faizindən çox olmadıqda sadələşdirilmiş verginin ödəyicisi ola bilər. Mövzunu iqtisadçı ekspert İsmayıl Bağırov şərh edir. vergi hesablanması

Vergi Məcəlləsinin bu maddəsinin tətbiqində əsas məqsəd vergi ödəyicisi həm pərakəndə satış qaydasında malların təqdim edilməsini həyata keçirdikdə, həm də topdansatış qaydasında malların təqdim edilməsini həyata keçirdikdə vergilərin hesablanması qaydasını müəyyən etməkdir.

Vergi Məcəlləsinin bu maddəsinə əsasən, rüb ərzində topdansatış qaydasında elektron qaimə-faktura təqdim etməklə həyata keçirilməli olan əməliyyatların həcmi ümumi ticarət əməliyyatlarının həcminin 30 faizindən çox olmadıqda vergi ödəyicisi fəaliyyətini sadələşdirilmiş verginin ödəyicisi kimi davam etdirə bilər. Topdansatış əməliyyatların həcmi ümumi ticarət əməliyyatlarının həcminin 30 faizindən çox olduqda isə vergi ödəyicisi fəaliyyətini sadələşdirilmiş verginin ödəyicisi kimi davam etdirə bilməz.

Misal 1. İşçilərinin sayı 6 nəfər olan fərdi sahibkar ona məxsus olan mağazada pərakəndə ticarət fəaliyyəti qaydasında ərzaq mallarının satışı ilə məşğul olur. Fərdi sahibkarın 2020-ci ilin 1-ci rübündə ticarət əməliyyatlarının ümumi həcmi 50.000 manat, elektron qaimə-faktura ilə rəsmiləşdirilmiş əməliyyatların həcmi isə 12.000 manat və bu fəaliyyətə aid olan xərci isə 15.000 manat olmuşdur. Bu halda fərdi sahibkarın fəaliyyətini hansı formada həyata keçirəcəyini müəyyən etdikdən sonra verginin hesablanması qaydasına baxaq.

Əvvəlcə vergi ödəyicisinin rüb ərzində elektron qaimə-faktura ilə rəsmiləşdirilmiş əməliyyatlarının vergi ödəyicisinin ümumi ticarət əməliyyatlarında xüsusi çəkisini müəyyən etməliyik. Bunun üçün elektron qaimə-faktura ilə rəsmiləşdirilmiş əməliyyatların cəmini (12.000 manat) ümumi ticarət əməliyyatlarının cəminə (50.000 manat) bölərək xüsusi çəki məbləğini müəyyən edirik: 12.000 / 50.000 x 100 = 24%.

Göründüyü kimi, rüb ərzində topdansatış qaydasında elektron qaimə-faktura təqdim etməklə həyata keçirilmiş əməliyyatların həcmi ümumi ticarət əməliyyatlarının həcminin 30 faizindən çox olmadığından, vergi ödəyicisi fəaliyyətini sadələşdirilmiş vergi ödəyicisi kimi davam etdirə bilər. Bu halda büdcəyə ödənilməli olan sadələşdirilmiş vergi məbləği isə 1000 manat ( 50.000 x 2% = 1.000) təşkil edəcəkdir.

Misal 2. İşçilərinin sayı 8 nəfər olan fərdi sahibkar ona məxsus mağazada pərakəndə ticarət fəaliyyəti qaydasında ərzaq mallarının satışı ilə məşğul olur. Fərdi sahibkarın 2020-ci il üzrə illik ümumi gəliri 150.000 manat, o cümlədən elektron qaimə-faktura ilə rəsmiləşdirilmiş əməliyyatların həcmi 70.000 manat və bu fəaliyyətə aid xərci isə 40.000 manat olmuşdur. Həmin sahibkarın 1-ci rüb ərzində ticarət əməliyyatlarının ümumi həcmi 80.000 manat, elektron qaimə-faktura ilə rəsmiləşdirilmiş əməliyyatların həcmi isə 32.000 manat olmuşdur. Bu halda fərdi sahibkarın fəaliyyətini hansı formada həyata keçirəcəyini müəyyən etdikdən sonra verginin hesablanması qaydasına baxaq.

Əvvəlcə vergi ödəyicisinin rüb ərzində elektron qaimə-faktura ilə rəsmiləşdirilmiş əməliyyatlarının vergi ödəyicisinin ümumi ticarət əməliyyatlarında xüsusi çəkisini müəyyən etməliyik. Bunun üçün elektron qaimə-faktura ilə rəsmiləşdirilmiş əməliyyatların cəmini (32.000 manat) rüb ərzində ümumi ticarət əməliyyatlarının cəminə (80.000 manat) bölərək xüsusi çəki məbləğini müəyyən edirik: 32.000/80.000 x 100 = 40%.

Vergi Məcəlləsinin 218.6.1-ci maddəsinə əsasən, rüb ərzində topdansatış qaydasında elektron qaimə-faktura təqdim etməklə həyata keçirilməli olan əməliyyatların həcmi ümumi ticarət əməliyyatlarının həcminin 30 faizindən çox olduğundan vergi ödəyicisi fəaliyyətini sadələşdirilmiş verginin ödəyicisi kimi davam etdirə bilməz. Bu halda fərdi sahibkar gəlir vergisinin ödəyicisi kimi fəaliyyət göstərməlidir. Misalımızdakı fərdi sahibkar 8 nəfər işçisi olduğu və illik gəliri 200.000 manatdan az olduğu üçün mikro sahibkarliq subyekti meyarına uyğun gəldiyindən, Vergi Məcəlləsinin 102.1.30-cu maddəsinin şərtlərini də nəzərə almaqla ümumi gəlirdən gəlirin əldə edilməsi ilə bağlı xərci çıxdıqdan sonra qalan 110.000 manat (150.000 – 40.000 = 110.000 manat) gəliri ilə vergidən azad olunan hissəni müəyyən etmək üçün həmin gəlirə 75 faiz güzəşt tətbiq etməklə alınan 82.500 manat (110.000 x 75% = 82.500 manat) məbləğ arsındakı fərq olan 27.500 manatdan (110.000 – 82.500 = 27.500 manat) fərdi sahibkar 5.500 manat (27.500 x 20% = 5.500 manat ) gəlir vergisi hesablayacaqdır.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

vergi hesablanması vergi hesablanması vergi hesablanması

2 Mar 2020

İşəgötürənlər məşğulluq orqanlarına hansı məlumatları təqdim etməlidirlər?

by Audit.Az | posted in: Xəbər | 0

“Məşğulluq haqqında” Qanunun 18.2-ci maddəsinə əsasən, işçilərin sayı və ya ştatları ixtisar edildikdə işəgötürənlər işdən çıxarılacaq işçilərin peşəsini, ixtisasını və əmək haqqının məbləğini göstərməklə, onların sərbəstləşdiriləcəyi barədə Azərbaycan Respublikasının Əmək Məcəlləsi ilə müəyyən edilən xəbərdarlıq müddətindən az olmayaraq, əvvəlcədən Əmək və Əhalinin Sosial Müdafiəsi Nazirliyinə rəsmi məlumat verməlidirlər. Mövzunu iqtisadçı ekspert Anar Bayramov şərh edir.

Tutaq ki, “A” MMC marketinq departamentinin ləğv edilməsi məqsədilə bu bölmədən 5 nəfər və satış departamentindən 2 nəfər işçini ixtisar etmək barədə qərar verir. Əmək Məcəlləsinin 77-ci maddəsinin 1-ci hissəsinə müvafiq olaraq işçilərin sayı azaldıqda və ya ştatları ixtisar olunduqda əmək müqaviləsi ləğv edilməzdən əvvəl işçi işəgötürən tərəfindən həmin işəgötürənlə bağlanmış əmək müqaviləsinə (əmək müqavilələrinə) uyğun şəkildə müəyyən olunan əmək stajından asılı olaraq aşağıdakı müddətlərdə rəsmi xəbərdar edilməlidir:

bir ilədək əmək stajı olduqda – azı iki təqvim həftəsi;

bir ildən beş ilədək əmək stajı olduqda – azı dörd təqvim həftəsi;

beş ildən on ilədək əmək stajı olduqda – azı altı təqvim həftəsi;

on ildən çox əmək stajı olduqda – azı doqquz təqvim həftəsi.

Deməli, “A” MMC işçilərin sayının azalması və ştatların ixtisarı ilə bağlı məlumatı yuxarda qeyd edilən müddətlər daxilində Azərbaycan Respublikasının Əmək və Əhalinin Sosial Müdafiəsi Nazirliyinə təqdim etməlidir.

Qanunun həmin tələbi məşğulluq idarələrinin işdən çıxarılacaq işçilər haqqında məlumat əldə etməsi və onların işlə təmin olunması ilə bağlı tədbirlər görməsinə yönəlib. Bu hesabat aylıq, rüblük və ya illik təqdim olunmur, yalnız işçilərin sayı və ştatları ixtisar edildikdə verilir.

Qanunvericilik işçilər barədə digər məlumatların da bazaya daxil edilməsini tələb edir. “Məşğulluq haqqında” Qanunun 18-ci maddəsinə müvafiq olaraq işəgötürənlər :

yeni iş yeri yarandığı və ya iş yeri boşaldığı gündən ən geci 5 (beş) iş günü müddətində əmək haqqı göstərilməklə bu barədə məlumatları Azərbaycan Respublikası Nazirlər Kabineti tərəfindən müəyyən edilmiş qaydada və formada elektron informasiya sisteminə daxil etməlidirlər;

Əmək və Əhalinin Sosial Müdafiəsi Nazirliyinə həmin orqanın göndərişi ilə işə qəbul edilənlər, o cümlədən kvota üzrə işə qəbul edilənlər və işdən çıxarılanlar haqqında aylıq hesabatlar təqdim etməlidirlər (həmin hesabatlar Əmək və Əhalinin Sosial Müdafiəsi Nazirliyi tərəfindən müəyyən edilmiş qaydada və formada elektron informasiya sisteminə daxil edilir);

işəgötürənlər Əmək və Əhalinin Sosial Müdafiəsi Nazirliyinin göndərişi təqdim edildiyi gündən ən geci 5 (beş) iş günü müddətində boş iş yerinin tutulub-tutulmaması ilə bağlı qərarını qəbul edərək həmin orqana təqdim etməlidirlər.

Qeyd edək ki, Azərbaycan Respublikasının tərəfdar çıxdığı beynəlxalq müqavilələrdə başqa hal nəzərdə tutulmayıbsa, xarici dövlətlərin hüquqi və fiziki şəxsləri, beynəlxalq təşkilatlar, eləcə də vətəndaşlığı olmayan şəxslər tərəfindən təsis edilən və Azərbaycan Respublikasının Mülki, Əmək, Miqrasiya və Vergi məcəllələrinə uyğun olaraq fəaliyyət göstərən işəgötürənlər özlərinin işçi qüvvəsinə olan tələbatını (rəhbər və mütəxəssis vəzifələri də daxil olmaqla), ilk növbədə, yerli kadrlardan istifadə etməklə və onların hazırlanması vasitəsilə ödəməlidirlər.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

İşəgötürənlər

2 Mar 2020

Bəzi mallar gömrük rüsumlarından azad edilib

by Audit.Az | posted in: Xəbər | 0

“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” Azərbaycan Respublikası Nazirlər Kabinetinin 1998-ci il 22 aprel tarixli 91 nömrəli Qərarında dəyişiklik edilməsi barədə (gömrük rüsumları)

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 1998-ci il 22 aprel tarixli 91 nömrəli Qərarı (Azərbaycan Respublikasının Qanunvericilik Toplusu, 1998, № 4, maddə 299, № 8, maddə 550, № 10, maddə 639; 1999, № 2, maddə 150; 2000, № 5, maddə 374, № 7, maddə 559, № 8 (III kitab), maddə 643, № 9, maddələr 690, 699, 700, № 10, maddə 770; 2001, № 3, maddə 217, № 4, maddə 289, № 8, maddə 561; 2002, № 4 (II kitab), maddələr 209, 212; 2005, № 1, maddə 56; 2006, № 2, maddə 180, № 4, maddə 367, № 7, maddə 652; 2008, № 7, maddələr 672, 687; 2009, № 9, maddələr 742, 744, № 12, maddələr 1061, 1071; 2010, № 7, maddə 706, № 12, maddə 1114; 2011, № 1, maddə 68, № 8, maddə 774; 2012, № 1, maddə 39, № 7,

maddə 779, № 10, maddə 1020; 2013, № 11, maddə 1458; 2014, № 4, maddə 456; 2015, № 7, maddə 895; 2016, № 4, maddə 801, № 8, maddələr 1432, 1460, № 12, maddə 2213; 2017, № 2, maddə 312, № 6, maddə 1242, № 8, maddə 1625; 2018, № 4, maddə 826; 2019, № 1, maddə 154, № 5, maddə 947, № 8, maddə 1468) ilə təsdiq edilmiş “Azərbaycan Respublikası Nəqliyyat, Rabitə və Yüksək Texnologiyalar Nazirliyinin təsdiqedici sənədinə əsasən, Mingəçevir Yüksək Texnologiyalar Parkının rezidenti olan hüquqi şəxs və hüquqi şəxs yaratmadan sahibkarlıq fəaliyyətini həyata keçirən fiziki şəxs tərəfindən gömrük rüsumlarından azad olunmaqla idxal edilən qurğuların, hissə və ləvazimatların xarici iqtisadi fəaliyyətin mal nomenklaturası (XİFMN) üzrə Siyahısı” aşağıdakı redaksiyada verilsin:

XİFMN üzrə kodu	Mal mövqelərinin adları
1	2
Qrup 84-dən
8471 30 000 0	– ən azı məlumatın işlənilməsi mərkəzi blokundan, klaviaturadan və displeydən ibarət olan, kütləsi 10 kq- dan çox olmayan portativ hesablayıcı maşınlar
8471 41 000 0	hesablayıcı maşınlar, digərləri: – – bir korpusunda ən azı məlumatın işlənilməsi mərkəzi bloku və giriş və çıxış qurğuları olan hesablama maşınları, birləşmiş və ya birləşməmiş
8471 49 000 0	hesablayıcı maşınlar: – – digərləri, sistem şəklində təqdim edilmiş
8471 50 000 0	8471 41 və ya 8471 49 yarımmövqelərində təsvir edilənlərdən fərqli olan məlumatların işlənilməsi blokları, bir korpusda bir və ya iki aşağıda göstərilmiş qurğular olan və ya olmayan: yaddaş qurğuları, giriş qurğuları, çıxış qurğuları
8471 60 600 0	– bir korpusda yaddaş qurğusu olan və ya olmayan giriş və ya çıxış qurğuları: – – klaviatura
8471 70 300 0	yaddaş qurğuları: – – – – optiki, maqnit-optiki də daxil olmaqla
8471 70 500 0	yaddaş qurğuları: – – – – – sərt maqnit disklərdə
8471 70 980 0	Hesablayıcı maşınlar və onların blokları; başqa yerdə adları çəkilməyən və ya daxil olunmayan maqnit və ya optik hesablayıcı qurğular, kodlaşdırılmış formada məlumatı informasiya daşıyıcılarına köçürmək üçün maşınlar və informasiyanın işlənməsi üçün oxşar maşınlar: – – yaddaş qurğuları: – – – digərləri

8471 80 000 0	hesablayıcı maşınların digər qurğuları
8473 30 200 0	8471 mal mövqeyindəki maşınların hissələri və ləvazimatları: – – elektron modullar
8473 30 800 0	8471 mal mövqeyindəki maşınların hissələri və ləvazimatları: – – digərləri
Qrup 85-dən
8523 51 100 0	37-ci qrupun məmulatlarından başqa, disklərin hazırlanması üçün matrisa və master-disklər də daxil olmaqla, yazılmış və ya yazılmamış, səsyazma və ya başqa hadisələr üçün disklər, lentlər, enerji asılılığı olmayan məlumatların saxlanılması üçün sərt cisimli qurğular, “intellektual kartlar” və digər səsyazma və ya digər hadisələr üçün daşıyıcılar: – – enerji asılılığı olmayan məlumatların saxlanılması üçün sərt cisimli qurğular: – – – yazılmamış
8528 52 100 0	digər monitorlar: – – – yalnız və ya əsasən 8471 mal mövqeyinin hesablayıcı sistemlərində istifadə olunan
8528 59 900 0	– – digərləri: – – – rəngli
8542 31 90	Elektron inteqral sxemlər: prosessorlar və kontrollerlər, yaddaş qurğuları ilə, dəyişdiricilərlə, məntiqi sxemlərlə, gücləndiricilərlə, sinxronizatorlarla və ya digər sxemlərlə birləşdirilmiş və ya birləşdirilməmişlər: – – – digərləri