Oxunma sayı: 130. 609
1 May 2020

Vergi güzəştlərinin tikinti sektoruna da aid edilməsi təklifi verilib

by | posted in: Xəbər | 0

Azərbaycanda vergi və kredit güzəştlərinin tikinti sektoruna da aid edilməsi təklif edilib.

vergi güzəştləriAzərbaycan Sahibkarlar Konfederasiyası (ASK) vergi güzəştlərinin tikinti sektoruna da aid edilməsini təklif edib. Bu təklifi Konfederasiyanın tərkibində fəaliyyət göstərən “Tikinti müəssisələri ilə İş Komissiyası”nın iclası zamanı ASK-nın vitse-prezidenti Vüqar Abbasov səsləndirib.

İclasda pandemiyadan zərərçəkən tikinti şirkətlərində əmək ödənişləri ilə bağlı dəstək proqramının tətbiqi, vergi güzəştləri, bank kreditləri ilə bağlı vəziyyət müzakirə edilib.

V. Abbasov həmçinin tikinti sektoruna kredit güzəştlərinin də şamil edilməsini təklif edib.

O tikinti sektorunun iqtisadiyyatda lokomotiv rolu oynadığını və arxasınca çox sahələri apardığını vurğulayıb. Məhz buna görə sektorun dayanmaması üçün ASK-nın vitse-prezidenti kreditləşmənin, xüsusən də güzəştli kreditlərin verilməsinin vacibliyini qeyd edib.

Öz növbəsində, Komissiyanın sədri Şahin Məmmədov mövcud vəziyyətlə bağlı məlumat verərək, karantin dövründə tikinti sektorunda da fəaliyyətin zəiflədiyini bildirib. Daha sonra sahibkarlar mövcud vəziyyətlə bağlı məlumat veriblər. Tikinti materialları sahəsində çalışan şirkətlər ötən müddətdə satışın kəskin zəifləməsi, inşaat sektorunda çalışan işçilərin əmək haqlarının ödənilməsi məsələsini müzakirə ediblər. İclasın sonunda təkliflər toplanaraq sənədləşdirilib.

Mənbə: apa.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 May 2020

Bu ödəmələr “ASAN Ödəniş” Sisteminə inteqrasiya edilib

by | posted in: Xəbər | 0

Asan ÖdənişAliment, kredit və cərimələr “ASAN ödəniş” vasitəsilə nağdsız ödəniləcək.

Prezident İlham Əliyevin “Məhkəmə-hüquq sistemində islahatların dərinləşdirilməsi haqqında” 2019-cu il 3 aprel tarixli Fərmanına əsasən “Elektron icra” informasiya sisteminin tətbiqinin genişləndirilməsi üzrə görülən kompleks tədbirlər çərçivəsində icra xidməti üzrə məhkəmə və digər orqanların qərarlarının icrası ilə əlaqədar borcun və icra hərəkətləri ilə bağlı xərclərin ödənişləri “ASAN ödəniş” sisteminə uğurla inteqrasiya olunub. 

Bu barədə Ədliyyə Nazirliyinin onlayn mətbuat konfransında bildirilib.

Ədliyyə Nazirliyi tərəfindən Vətəndaşlara Xidmət və Sosial İnnovasiyalar üzrə Dövlət Agentliyi ilə əməkdaşlıqda tətbiq olunan bu yenilik vasitəsilə məhkəmə qərarları üzrə borclu şəxslər borclarını, o cümlədən aliment, kredit, cərimə və digər ödənişləri “ASAN ödəniş” və “Elektron hökumət” portalları, eləcə də müxtəlif mobil tətbiqlər vasitəsilə nağdsız şəkildə həyata keçirə biləcəklər.

Qeyd edilib ki, hər hansı səbəbdən nağdsız ödəniş etmək imkanı olmayan vətəndaşlar üçün respublikanın bütün bölgələrini əhatə edən “E-Manat”, “Milli Ön” və “ASAN ödəniş” terminalları vasitəsilə yaşayış yerindən uzaqlaşmadan borc və icra ödənişlərinin nağd şəkildə də həyata keçirilməsi üçün şərait yaradılıb: “Bundan əlavə, borca görə ölkədən getmək hüququna məhdudiyyət qoyulmuş şəxslər nağdsız qaydada və ya terminallar vasitəsilə icra üzrə borcunu ödədiyi təqdirdə həmin məhdudiyyət avtomatik aradan qaldırılır və müvafiq məlumat real vaxt rejimində Dövlət Sərhəd Xidmətinə ötürülür. Ədliyyə Nazirliyi tərəfindən məhkəmə və digər orqanların qərarlarının icrasının səmərəliliyinin artırılması üzrə ardıcıl tədbirlər davam etdirilir”.

Mənbə: apa.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

30 Apr 2020

Uyğunsuzluq bildirişi alan sahibkarlar dövlət dəstəyindən yararlanmaq üçün nə etməlidirlər?

by | posted in: Xəbər | 0

sahibkarlarUyğunsuzluq bildirişi alan sahibkarlar dövlət dəstəyindən yararlanmaq üçün nə etməlidirlər?

Koronavirus pandemiyasının qarşısının alınması məqsədilə həyata keçirilən məhdudiyyətlərin ölkə iqtisadiyyatına təsirinin minimallaşdırılması üçün dövlət sahibkarlara bir sıra dəstək proqramları həyata keçirir.

Vergilər Nazirliyinin şöbə rəisi Tural Vəliyevin sözlərinə görə, zərər çəkmiş sahələrdə çalışan muzdlu işçilərin əməkhaqqının bir hissəsinin ödənilməsi və fərdi sahibkarlara maliyyə yardımının göstərilməsi ilə bağlı maddi dəstək proqramının icrası hazırda uğurla davam edir: “Sahibkarlar muzdlu işçilərinə görə ödənişi iki dəfə ala biləcəklər. Bir aylıq əməkhaqqı bərabər hissələrə bölünərək iki dəfəyə veriləcək. Bu, aprel və may aylarını əhatə edəcək. Mikro sahibkarlara isə bu maliyyə dəstəyi bir dəfə ödənilir.

Sahibkarlar İnternet Vergi İdarəsindəki (e-taxes.gov.az) şəxsi kabinetlərinə daxil olaraq dəstək proqramlarından yararlanmaq üçün müraciət etməlidirlər. Bəzi vergi ödəyiciləri şəxsi kabinetlərinə girmək üçün lazım olan istifadəçi kodu, parol və şifrəni unutduğundan müraciət göndərə bilmir. Həmin sahibkarlar vergi orqanlarına gəlmədən poçtla müraciət edərək istifadəçi kodu, parol və şifrələrinin surətini ala bilərlər.

Aktiv bank hesabı olmadıqda, riskli vergi ödəyiciləri ilə əməliyyat apardıqda, 2019-cu il üzrə vergi və sosial sığorta ödənişləri olmadıqda sahibkarlar müraciət edərkən uyğunsuzluqlar çıxa bilər. Aradan qaldırılması mümkün olan uyğunsuzluqlar həll edildikdən sonra yenidən müraciət etmək mümkündür.

2019-cu il ərzində fəaliyyəti aktiv olan sahibkarlar nadir hallarda bu cür uyğunsuzluqla qarşılaşırlar: onların fəaliyyəti 1 mart 2020-ci il tarixinədək dayandırıldığı və 1 aprel 2020-ci il tarixindən sonra aktivləşdiyi üçün müraciəti göndərə bilmirlər. Həmin sahibkarlar dərhal elektron kabinetlərindən vergi orqanına ərizə ilə müraciət etməlidirlər. Əgər hansısa rəqəmsal uyğunsuzluq varsa, tez bir zamanda aradan qaldırılacaq və sahibkarın dövlət dəstəyi ilə bağlı müraciəti təmin olunacaq”.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

30 Apr 2020

E-kassanın tətbiqi gecikir

by | posted in: Xəbər | 0

e-kassaE-kassa-nın tətbiqi gecikir, POS-terminallar ləng artır.

2020-ci ilin ilk 3 ayında ticarət və xidmət obyektlərində POS-terminalların sayı 3 min 659 ədəd artaraq 31 Mart 2020-ci il tarixində 71 min 217 ədədə çatıb.

Mərkəzi Bankın statisikasına istinadən xəbər verilir ki, cəmi POS terminalların sayı 2020-ci ilin Yanvar ayında 1336 ədəd, Fevral ayında 1286 ədəd, Fevral ayında isə 1037 ədəd artıb.

2019-cu ildə POS – terminalların sayı 1358 ədəd artaraq ilin sonunda 67 min 468 ədədə çatmışdı.

Qeyd edək ki, POS terminalların sayındakı artım qənaətbəxş hesab oluna bilməz. Belə ki, 01 İul 2019-cu ilin əvvəlindən Azərbaycan Respublikasının ərazisində 4 mərhələdən ibarət olmaqla e-kassaların keçidinə başlanılıb. 01 Aprel 2020-ci il tarixindək Bakı,Gəncə və Sumqayıt şəhərlərindəki pərakəndə ticarət və ictimai iaşə obyektlərində POS-terminal funksiyasını da yerinə yetirən e-kassa tətbiq olunmalı idi. Lakin müşahidələr göstərir ki, Bakı,Gəncə və Sumqayıtda əksər ticarət və ictimai iaşə obyektlərində e-kassa mövcud deyil.

Mənbə: marja.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 1. 176 1. 177 1. 178 1. 179 1. 180 1. 181 1. 182 … 2. 389