Oxunma sayı: 129. 780
15 Okt 2020

Ani Ödənişlər Sisteminə daha 2 bank inteqrasiya edilib

by | posted in: Xəbər | 0

Ani Ödənişlər Sisteminə daha 2 bank inteqrasiya edilib

Prezident İlham Əliyevin 2018-ci il 26 sentyabr tarixli Sərəncamı ilə təsdiq edilmiş “2018-2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı” çərçivəsində Azərbaycan Mərkəzi Bankı (AMB) tərəfindən yaradılan Ani Ödənişlər Sistemi (AÖS) oktyabrın 1-dən real rejimdə istismara verilib.

AMB-dən bildirilib ki, AÖS-ün əhatəliliyinin genişləndirilməsi istiqamətində həyata keçirilən tədbirlər çərçivəsində daha 2 bank sistemə inteqrasiya olunub. Belə ki, “AzərTürkBank” ASC və “TuranBank” ASC tərəfindən filial şəbəkəsi vasitəsilə müştərilərə AÖS-ün funksionallıqlarından istifadə imkanı təqdim edilib. Sistemin funksionallıqlarının tətbiqi nəticəsində fiziki və hüquqi şəxslər, habelə dövlət orqanları arasında hesablaşmaların 24/7/365 rejimində bank hesabları üzərindən sadələşdirilmiş identifikatorlar vasitəsilə (FİN kod, VÖEN, mobil nömrə, e-poçt) aparılması və pul vəsaitinin dərhal vəsait alanın bank hesabında əks olunması imkanı yaradılıb.

Qeyd edək ki, hazırda 15 bank və Maliyyə Nazirliyinin Dövlət Xəzinədarlığı Agentliyi AÖS platformasına inteqrasiya olunub. Sistemin əhatə dairəsinin genişləndirilməsi, habelə istifadəçilər üçün təqdim olunan rəqəmsal həllərin çeşidinin artırılması istiqamətində işlər davam etdirilir.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

15 Okt 2020

İsveçrə barədə 25 maraqlı fakt (I hissə)

by | posted in: Xəbər | 0

İsveçrə barədə 25 maraqlı fakt (I hissə)

Deyirlər ki, İsveçrədə bankların sayı diş həkimlərinin sayından çoxdur və dünyadakı bütün bahalı saatların yarısı bu ölkədə istehsal olunub.

  • İsveçrə həm də Confoederatio Helvetica kimi məşhurdur ki, bu da onun CH kimi qısaldılmış formasıdır. Rəsmi adı İsveçrə Konfederasiyasıdır – Bu, tarixi ənənədir, müasir İsveçrə isə 26 kantondan ibarət federativ respublikadır.
  • Dünyada kvadrat formasında dövlət bayrağına yalnız İsveçrə və Vatikan dövlətləri malikdir.
  • İsveçrə təkbaşına idarə olunmur. Ölkədə yeddi nəfər üzvü olan icra şurası fəaliyyət göstərir ki, o da kollektiv dövlət başçısı hesab olunur. Şura üzvlərindən bir il müddətinə prezident seçilir, hansı ki, ona primus inter pares – bərabər olanlar arasında birinci şəxs olaraq baxılır.
  • İsveçrə vətəndaşları parlament tərəfindən qəbul edilən istənilən qanuna etiraz edə bilərlər. Bundan ötrü 100 gün ərzində 5 min imza toplamaq lazım gəlir. Bu şərt yerinə yetirildiyi halda seçicilərin mübahisəli qanuna sadə səs çoxluğu ilə qərar verdikləri ümumxalq səsverməsi keçirilir.
  • İsveçrədə dörd rəsmi dil mövcuddur: fransız, alman, italyan və retroroman (latın köklü). Ölkə əhalisinin təxminən 60% ingilis dilini bilir.
  • İsveçrəlilər uzunömürlüdürlər. ÜST-ün məlumatına görə, 2015-ci ildə ölkədə orta ömür həddi kişilər üçün 81,3 il və qadınlar üçün 85,3 yaş təşkil edir. Bu rəqəmlər İsvçrəni orta ömür müddətinə görə Yaponiyadan sonra ikinci yerə çıxarıb.
  • İsveçrə doğulmaq, yaşama və xoşbəxt olmaq üçün dünyanın ən yaxşı yerlərindən biridir. Ölkə bütövlükdə və onun şəhərləri müxtəlif qlobal həyat keyfiyyəti reytinqlərində ən yaxşı yerləri tutur.
  • Ölkədə hündürlüyü 3 min metrdən yüksək olan 3 mindən çox dağ vardır ki, onların 24-ü 4 min metrdən ucadır. Ən yüksək (4634 m) Monte Roza dağı İsveçrə ilə İtalya sərhədi arasında yerləşir.
  • İsveçrədə 1500 göl var, onlardan ən böyüyü Cenevrə gölüdür. Şayiələrə görə, onun dibində 40-dan çox batmış gəmi var.
  • Liberal silah qanunlarına baxmayaraq, İsveçrə İƏİT (İqtisadi Əməkdaşlıq və İnkişaf Təşkilatı) ölkələri (OECD) arasında ən aşağı cinayət nisbətinə sahibdir. Small Arms Survey hesablamalarına görə, İsveçrənin hər 100 sakininə təxminən 45,7 odlu silah aid olduğu məlum olub. Bu ABŞ (88,8) və Yəməndən (54,8) sonra üçüncü göstəricidir.
  • Orduda xidmət isveçrəli kişilərdən ötrü əvvəlki vaxtlarda olduğu kimi yenə də məcburidir. İsveçrə Avstriya ilə birlikdə bu normanın gözlənildiyi ən sonuncu Qərb ölkələrindəndir. Konstitusiyaya görə, 18 yaşına çatan kişi cinsindən olan vətəndaşlar orduda xidmət etməlidirlər, qadınlar üçün isə orduda xidmət könüllüdür. Qanun, xidmət bitdikdən sonra orduda alınan silahları (adətən yarıavtomatik tüfəng) şəxsi istifadədə saxlamağa icazə verilir. Bu, ölkədəki silah sahibliyinin yüksək səviyyəsini qismən izah edir.
  • İsveçrəyə gedən əsas yollar xarici işğal hallarından müdafiə olunur. Hücum hallarında bütün ölkəyə aparan əsas yollar, körpülər və dəmiryolları məhv ediləcək. Ən azından bütün ölkə üzrə 3000 belə yer verilən əmrlə bir anda partladılacaq.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

15 Okt 2020

Kapital Bank 2020-ci ilin üçüncü rübünün nəticələrini elan edib

by | posted in: Xəbər | 0

Kapital Bank-ın aktivləri 1 oktyabr 2020-ci il tarixinə 5 milyard manat təşkil edib. Müştərilərə verilən kreditlərin həcmi isə 2,2 milyard manat olub.

Bankda müştəri depozitlərinin həcmi 1 oktyabr 2020-ci il tarixinə 3,7 milyard manat olub.

Bankın 1 oktyabr 2020-ci il tarixinə tutulmalardan sonra məcmu kapitalı 539 milyon manat, adi və imtiyazlı səhmlər isə 245 milyon manat təşkil edir.

Qeyd edək ki, Kapital Bank Moody’s və Standard & Poor’s beynəlxalq reytinq agentliklərinin reytinqlərinə malikdir. Bu reytinqlər ölkənin bank sektorunda yüksək reytinqlər sırasındadır.

Azərbaycanda ən böyük filial şəbəkəsinə malik olan Kapital Bank, 102 filialı və 18 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.

 

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

14 Okt 2020

Mühasibatlığın rolu və əhəmiyyəti barədə ibrətamiz ifadələr (19-cu hissə)

by | posted in: Xəbər | 0

Mühasibatlığın roluMühasibatlığın rolu və əhəmiyyəti barədə ibrətamiz ifadələr

19-cu hissə

Məqalənin 18-ci hissəsini buradan oxuya bilərsiniz.

Başqa xalqlarla maliyyə münasibətlərində biz mühasibatlıq dilində danışmalıyıq. Dil müxtəlifliyi  mütləq şəkildə beynəlxalq anlaşılmazlığa, qorxuya və nifrətə gətirib çıxarır. Mühasibatlıq  dilinin aydın və səlis olması çox mühümdür; beləliklə, bu, beynəlxalq qarşılıqlı anlaşma və etimadın inkişafı işinə töhfə olacaqdır. Yaxşı olardı ki, biz hamımız birgə səylərimizlə elmi araşdırmalarımızın köməyi ilə dünya mühasibat elmi birliyi əsasında aparılacağı günün gəlişini yaxınlaşdıraq.

E.B. Uilkoks

Hamı tərəfindən qəbul edilən bir müddəa vardır ki, ümumi sərvətə çevrilməli olan bütün məlumatlar, məktublar və əsərlər ədəbi dildə yazılmalıdır; ona görə başa düşə bilmirik ki, niyə tacir bu baxımdan istisna təşkil etməlidir və məktubu ədəbi olmayan dildə və hansısa ləhcədə, yalnız tacirlərin anladığı dildə yazmalıdır və bu səbəbdən də bu “tacir alman dili” adını daşımalıdır.

Q. Belolavek

Əgər mühasibatlığın müəssisənin güzgüsü olduğunu deyirlərsə, bu o demək deyil ki, (hətta mühasibat uçotunun ən yaxşı quruluşu olsa belə) bu güzgüdə hər bir müəssisənin iqtisadi cəhətdən işlənməmiş formada mühasibat rəqəmlərinin sıralarına malik olan hər bir şəxs ətraflı əks oluna bilər. Bu rəqəmlər aydın olsun deyə, onlar qabaqcadan hər kəsə aydın olan digər dilə “tərcümə” olunmalıdır.

V.K. Mnyux

Hesabat qeydlərini anlaşılan və hər kəsə əlçatan dildə təsvir etmək lazımdır, bu zaman əcnəbi ifadələr, əksəriyyətimizə naməlum olan və lazım olan fikri çatdıra bilməyən sözlərdən istifadə etmək lazım deyil.

A.S. Salmin

 Əgər mühasibat və maliyyə məlumatlarının təsərrüfat fəaliyyəti dili ilə müqayisəsi yerinə düşərsə, sağlam düşüncə və tədbir hissi əsasında bu dili bu gün elmi cəhətdən çətin dərk edən bütün təsərrüfat subyektlərinə daha aydın və daha əlçatan etmək bizim gücümüzdədir.

O.M. Askeri

Elmi və praktiki terminologiya tam unifikasiya olunmadıqda, heç olmasa, maksimal dərəcədə yaxınlaşmalıdır. Vahid, aydın və sadə terminologiyanın olması təkcə uğurlu tədqiqat deyil, həm də qarşılıqlı anlaşmanın vacib şərtidir. Lakin, uçot – analitik fənlər terminologiyası əhəmiyyətli çatışmazlıqlardan əziyyət çəkir. Bu terminologiyanın qüsurları nədən ibarətdir?Çox vaxt sinonim kimi müxtəlif terminlərdən istifadə edirlər (xüsusən də müxtəlif mənaları olan); eyni terminlə müxtəlif iqtisadi anlayışları ifadə edirlər; Bəzi terminlər hətta sadəcə səhvdir.

V. Kopnyayev

İndiyə qədər uçot – iqtisadi anlayışların və kateqoriyalarının vahid elmi cəhətdən əsaslandırılmış sistemi hazırlanmamışdır. Bəzi hallarda bir sıra anlayışlar başqa anlayışlarla əvəz olunur və demək lazımdır ki, bu hadisə çox geniş yayılıbdır.

V.İ. Mosyaqin

Hesabdarlıqda biz anlayışların müəyyən edilməsi məsələsində qarşılaşdığımız müxtəlif cərəyanlarla görüşürük. Elmin özünün tərifinə qədər ən əsas anlayışlar hələ də özünün son, hamı tərəfindən qəbul edilən növünü tapmamışdır.

V.K. Hun

Mühasibat terminologiyasının qeyri-müəyyənliyi və müxtəlifliyi həmişə ciddi mühasibləri təəccübləndirib.

S.Q. Muxov

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 978 979 980 981 982 983 984 … 2. 388