Blog Full

Proqram təminatının hazırlanması sahəsində Avropanın ən nəhəng şirkəti – SAP – 2020-ci ilin üçüncü rüb üzrə neqativ hesabatının dərcindən sonra bir gün ərzində təxminən 30 milyard avro itirib. Bu haqda Financial Times xəbər verib.

Alman texnologiya nəhənginin səhmlərinin qiyməti bazar ertəsi, oktyabrın 26-da 20 faizdən artıq çökərək, 100 dollardan da aşağı aşağı düşüb. SAP şirkətinin bazar kapitallaşması 147 milyard avrodan 118 milyard avroya kimi azalıb. Bu, 2008-ci il maliyyə böhraından bəri SAP üçün ən acınacaqlı ticarət günü olub.

Şirkət, koronavirusa görə, korporativ müştərilərin 2020-ci ildə proqram təminatına daha az pul sərf etdiyini bəyan edib. SAP cari ilin yekunları üzrə gəlir və mənfəət proqnozunu aşağı salıb və 2023-cü il üçün hədəf göstəricilərindən imtina edib. Şirkət pandemiyadan sonra biznesin bərpasının gözləniləndən daha çox vaxt aparacağını etiraf edib.

Sözügedən sahədə böhranı aradan qaldırmaqdan ötrü şirkət diqqəti tam şəkildə virtual hesablamalara cəmləyəcəyini və Oracle və Salesforce şirkətləri kimi şirkətlərlə rəqabət aparacağını bəyan edib.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Kiçik və orta biznesə məxsus Avropa şirkətlərinin yarıdan çoxu gələn il koronavirus pandemiyası səbəbindən gəlirləri artmağa başlamazsa, onları iflas təhdidi gözlədiyini söyləyirlər. Bu haqda Bloomberg nəşri məlumat verib.

İtaliya və Fransanın hər beş şirkətindən biri altı ay ərzində iflas haqqında ərizə ilə müraciət etməyə hazırlaşırlar. Bunlar region üçün çox mühüm müəssisələrdir. Belə ki, işçi qüvvəsinin üçdə iki hissəsindən çoxu onların payına düşür. Pandemiya avropa şirkətlərinə güclü zərər vurub, onların 70 faizi qazanclarının azaldığını qeyd ediblər.

Avropalı sahibkarların əksəriyyəti iqtisadi vəziyyəti fəlakətli hesab edirlər. Onlar kreditlər üzrə ödənişləri yerinə yetirə bilmədiklərindən və əməkdaşlarının ixtisara düşə biləcəyindən narahatdırlar.

Almaniyada yekun nəticədə uzun illər boyunca iqtisadiyyatı darmadağın edə biləcək daha çox zombi-şirkətlər adlandırılan müəssisələr peyda olur. Minlərlə belə müəssisə, borclarına görə öz xərclərini gəlir hesabına ödəyə bilmirlər. Bir çox iqtisadçılar əmindirlər ki, bu cür müəssisələrin mövcudluğunu süni şəkildə dəstəkləməkdənsə, onların bağlanılmasına imkan verilməsi daha yaxşı olardı.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Kiçik və Orta Biznesin İnkişafı Agentliyi (KOBİA) menecment sahəsində beynəlxalq ixtisasartırma kursu keçmək istəyən sahibkarlıq subyektlərinə müraciət edib.

KOBİA-dan bildirilib ki, Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan Birgə Proqramı koronavirus (COVID-19) pandemiyası səbəbindən onlayn formatda davam etdirilir. Proqramın Azərbaycan üzrə əlaqələndiricisi olan KOBİA 2021-ci ildə keçiriləcək “İqtisadi kooperasiya” üzrə virtual ixtisasartırma kursunda iştirak etmək istəyən sahibkar və menecerlər üçün müsabiqə elan edir. İngilis dilində təşkil olunacaq ixtisasartırma kursunda menecment sahəsində peşəkar təlimçilər tərəfindən iştirakçılar üçün praktiki idarəetmə vərdişlərinin qazanılması məqsədilə treninqlər, alman şirkətləri ilə virtual formatda təcrübə mübadiləsi və işgüzar görüşlər təşkil ediləcək. İxtisasartırma kursunu uğurla başa vuracaq iştirakçılara beynəlxalq sertifikat veriləcək. Proqramda iştirak ödənişsizdir.

Virtual ixtisasartırma kursunda iştirak etmək istəyən sahibkar və menecerlər müvafiq sənədləri noyabrın 22-dək elektron qaydada KOBİA-ya təqdim etməlidir. İxtisasartırma kursunun iştirakçıları Almaniya Beynəlxalq Əməkdaşlıq Cəmiyyətinin (GIZ) mütəxəssisləri tərəfindən onlayn müsabiqə vasitəsilə seçiləcək. Proqram haqqında, eləcə də ixtisasartırma kursunda iştirak etmək üçün lazımi sənədlər barədə məlumatı KOBİA-nın “www.smb.gov.az” saytından əldə etmək olar: https://bit.ly/389xFlo

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun