Oxunma sayı: 129. 869
13 Noy 2020

Ondan çox ölkə kütləvi aclıq astanasındadır

by | posted in: Xəbər | 0

Ondan çox ölkə kütləvi aclıq astanasındadır

Afrika və Yaxın Şərqin ondan çox ölkəsi kütləvi aclıq astanasındadır. Bu haqda BMT-nin məlumatlarına əsasən Bloomberg agentliyi xəbər verir.

Münaqişələr, iqtisadi çətinliklər, ekstremal hava şəraiti və koronavirus pandemiyası yüz minlərlə insanın ərzağa çıxışını məhdudlaşdırıb. Nəşr yazır ki, dünyada qeyri-sabitlik artır, 16 ölkəni aclıq probleminin kəskinləşməsi təhlükəsi gözləyir. BMT ekspertləri Burkina-Fasonun, Şimal-Şərqi Nigeriyanın, Cənubi Sudan və Yəmən rayonlarının adlarını “qaynar nöqtələr”  adlandırıblar. Ərzaq qiymətləri və hava şəraiti vəziyyətin gələcək inkişafını müəyyən edəcək, təşkilatdan buna əmindirlər.

Bundan bir qədər əvvəl isə koronavirus pandemiyası səbəbiylə dünyanı “bibliya miqyasında” aclıq nəticələri gözlədiyi deyilmişdi. Belə bir proqnozla Ümumdünya ərzaq proqramının (ÜƏP) rəhbəri Devid Bisli belə bir proqnoz vermişdi. Onun sözlərinə görə, pandemiyanın nəticələrinin yumşaldılması üçün humanitar fəaliyyətin həyata keçirilməsindən ötrü təşkilata yaxın yarım ildə təxminən beş milyard dollar vəsait lazımdır.

Sentyabr ayında Bisli, milyarderləri və müəssisələri, bu il aclıqdan ölmək riski altında olan dünyada 30 milyon insanı xilas etməyə kömək etməklə bağlı çağırış etmişdi.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

13 Noy 2020

Pandemiya ilə bağlı alınan maliyyə dəstəyi vergi uçotunda necə əks etdirilməlidir?

by | posted in: sual-cavab, Xəbər | 0

Pandemiya ilə bağlı alınan maliyyə dəstəyi vergi uçotunda necə əks etdirilməlidir?

maliyyə dəstəyi pandemiyaSual: Sualım müəssisələrin və fərdi sahibkar fiziki şəxslərin pandemiya ilə bağlı aldığı maliyyə dəstəyi ilə bağlıdır. Müəssisələr və fərdi sahibkar fiziki şəxslər dövlət dəstəyi proqramı çərçivəsində aldığı yardımdan pul vəsaitlərini vergiyə cəlb etməlidirlərmi?

Bu sualla bağlı 102 və 106-cı maddələrdə heç bir məlumat tapa bilmədim (102.1.28. istisna).

Cavab: Bildiririk ki, koronavirus (COVİD-19) pandemiyasından zərər çəkmiş hüquqi şəxslərə muzdlu işçilərin əmək haqqının ödənilməsi məqsədilə dövlət tərəfindən verilmiş məbləğlər mənfəət vergisinin məqsədləri üçün gəlirlərə, işçilərə ödənilmiş həmin məbləğlər isə vergi ödəyicisinin gəlirdən çıxılan xərclərinə aid edilir. Fərdi sahibkarlara dövlət büdcəsinin vəsaiti hesabına ödənilən maddi yardımlar isə gəlir vergisindən azaddır.

Buna əsasən həmin məbləğlər gəlir vergisinin bəyannaməsinin müvafiq vergidən azadolma sətrində əks etdirilməklə bəyan edilir. Belə ki, Vergi Məcəlləsinin 102.1.4-cü maddəsinə əsasən Azərbaycan Respublikasının qanunları və müvafiq icra hakimiyyəti orqanlarının qərarları əsasında dövlət büdcəsinin vəsaiti hesabına fərdi birdəfəlik ödəmələr və ya maddi yardımlar gəlir vergisindən azaddır.

Əsas: Vergi Məcəlləsinin 102-ci və 104-cü maddələri.

Mənbə: taxes.gov.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

13 Noy 2020

Pandemiya dövründə Çin sərvət artımına görə ABŞ-ı ötüb keçib

by | posted in: Xəbər | 0

sərvətKoronavirus pandemiyasına baxmayaraq, 400 varlı çinlinin sərvəti 820 milyard dollar (64 faiz) artıb, amerikalı varlıların sərvəti isə 240 milyard dollar məbləğində artım göstərib. Bu haqda Forbes nəşri məlumat yayıb.

Nəticədə ÇXR-in ən zəngin adamlarının məcmu kapitalı 2,11 trilyon dollara bərabər olub. Çin milyarderlərin sayına görə çox tezliklə ABŞ-ı ötərək dünyanın əsas ölkəsinə çevrilə bilər, nəşr belə yazır. Reytinqə düşmək üçün zəruri olan minimal sərvət milyard dollardan 1,55 milyarda kimi yüksəlib.

Onu da qeyd etmək lazımdır ki, Çin siyahısına 68 yeni milyarderin adı daxil edilib. Amerikalı milyarderlərin siyahısına isə 18 milyarderin adı salınıb. Ekspertlər qeyd edirlər ki, çinlilərin kapitalının artımı internet-ticarət, texnologiyalar, həmçinin səhiyyə sahəsində yaşanan bum imkan yaradıb.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

13 Noy 2020

Obyekt valideynin adına olduqda icarə müqaviləsi bağlanılmalıdır?

by | posted in: sual-cavab, Xəbər | 0

icarə müqaviləsiSual: mənim anamın adına obyekt (qeyri-yaşayış sahəsi) vardır. Həmin o yerdə mən iş qurmaq istəyirəm. Anamla mən eyni evdə qeydiyyatdayıq, həm də eyni mənzildə yasayırıq. Sualım budur ki, həmin obyektə anamla mən icarə müqaviləsi bağlamalıyıq, yoxsa eyni ev təsərrüfatımız olduğundan icarə müqaviləsinə ehtiyac yoxdur?

Zəhmət olmasa, bu mövzunu mənə vergi maddələri ilə izah edərdiniz.

Cavab: Ailə üzvləri arasında verilmiş əmlakdan gəlir götürmək üçün istifadə edildiyi halda bazar qiymətləri nəzərə alınmaqla icarə müqaviləsi bağlanmalıdır. Belə ki, ailə üzvləri qarşılıqlı surətdə asılı olan şəxs hesab edilir və belə şəxslər arasında təsərrüfat əqdləri həyata keçirildikdə vergilər bazar qiymətləri nəzərə alınmaqla hesablanır.

Fiziki şəxsə icarə haqqı vergi ödəyicisi kimi uçotda olan şəxslər tərəfindən ödənildikdə icarədən gəlirlər üzrə vergi öhdəliyi ödəmə mənbəyində (14 faiz dərəcə ilə) icarəyə götürən şəxslər tərəfindən yerinə yetirilir. Fiziki şəxsin gəlirləri yalnız icarədən olduğu halda vergi uçotuna alınmaq və bununla bağlı bəyannamə təqdim etmək öhdəliyi yaranmır.

İcarə haqqını ödəyən şəxs vergi ödəyicisi kimi uçotda olmadıqda isə icarəyə verən fiziki şəxs özü vergi ödəyicisi kimi vergi orqanında uçota alınmalı (VÖEN almalı) və bu fəaliyyətdən əldə etdiyi gəlirdən 14 faiz dərəcə ilə vergini hesablamalı, hesabat ilindən sonrakı ilin mart ayının 31-dən gec olmayaraq “Gəlir vergisinin bəyannaməsi”ni vergi orqanına təqdim etməklə həmin müddətdə də hesablanmış gəlir vergisinin məbləğini dövlət büdcəsinə ödəməlidir.

Eyni zamanda, pandemiyadan zərər çəkmiş sahələrdə fəaliyyət göstərən sahibkarlıq subyektlərinə vergi güzəştləri və tətilləri mexanizmi məqsədilə Vergi Məcəlləsinə edilmiş dəyişikliyə əsasən, 2020-ci il yanvarın 1-dən bir il müddətinə Vergi Məcəlləsinin 222.5-ci maddəsində göstərilən fəaliyyəti həyata keçirən şəxslər tərəfindən fiziki şəxslərdən icarəyə götürülən daşınmaz əmlaklar üzrə ödəmə mənbəyində tutulan verginin məbləği 50 faiz azaldılır.

Əsas: Vergi Məcəlləsinin 14.3.2-ci, 18.2.5-ci, 99.3.3-cü, 124-cü, 222-ci, 224-cü maddələri.

Mənbə: taxes.gov.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 959 960 961 962 963 964 965 … 2. 388