Blog Full

2021-ci il yanvarın 1-dən etibarən təkmilləşdirilmiş “Sadələşdirilmiş Bəyannamə – Elektron Ticarət” (Smart Customs) layihəsinin tətbiqinə başlanılacaq.

Bu barədə Dövlət Gömrük Komitəsindən məlumat verilib. Ölkədəki mövcud vəziyyətlə əlaqədar tətbiqinə müvəqqəti fasilə verilən “Smart Customs” daha da təkmilləşdirilmiş formada istifadəçilərə təqdim olunacaq.

Yanvarın 1-dən etibarən fiziki şəxslər tərəfindən poçt göndərişləri və daşıyıcı şirkətlər vasitəsilə xaricdən edilən sifarişlərin “Smart Customs” tətbiqi ilə bəyan edilməsi məcburidir. Dövlət Gömrük Komitəsinin rəsmi internet səhifəsindən və sosial şəbəkələrdəki hesablarından tətbiqdən istifadəyə dair ətraflı məlumat almaq olar. (https://youtu.be/WcE7VBCosYk)

“Onu da qeyd edək ki, yeni layihə elektron ticarətin daha şəffaf və sürətli şəkildə həyata keçirilməsinə, xidmət səviyyəsinin yüksəldilməsinə, vaxt itkisinin aradan qaldırılmasına, şəffaflığın təmin olunmasına, vətəndaş-məmur təmasının minimuma endirilməsinə, gömrük statistikasının düzgün aparılmasına, mövcud resurslardan səmərəli şəkildə istifadə edilməsinə şərait yaradacaq”, – məlumatda qeyd edilir.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Mənim bir çox sahibkar dostlarım var. Və hər dəfə uçotdan söz düşəndə, onların böyük əksəriyyəti bu mövzunu tez qapatmağa çalışırlar. “Mənim mühasibim var. Mən mühasibatlığın işinə qarışmıram”.

Belə alınır ki, mühasib öz həyatını, rəhbərlik də öz həyatını yaşayır. Rəhbər işçilərin əksəriyyəti hesab edirlər ki, mühasiblər hesabatları nəzarətedici orqanlara təqdim etmək üçün yaranıblar.

Amma, maraqlıdır, əgər dövlət mühasibat uçotunu aparmamağa icazə versəydi, görəcən, sahibkarlar özləri belə bir uçotu aparardılarmı?

“Çox yəqin ki, sadəcə idarəetmə uçotunu aparardılar”, – sizin belə bir cavab verəcəyinizi təxmin edirəm.

Olsun. Lakin, hətta idarəetmə uçotu belə, mühasibat uçotunun məlumatları əsasında aparılır. Axı, yenə də ilkin rəqəmləri hardansa almaq lazım gələcəkdi.

İqtisadi hadisələr haqqında bütün ilkin məlumatlar birbaşa mühasibat uçotu metodları ilə həyata keçirilir.

Mühasibat uçotu – bu bir vasitədir. Və o, bizim tərəfimizdən düşünülüb tapılmayıb. Yazıb, hesablamağı bacarmayan adamları sağ qalıb yaşamaqdan ötrü uçotu aparmağa həyatın özü məcbur etmişdi.

Qədim dövrlərdə uçot məlumatları qəbilə başçısı tərəfindən öz mülahizəsinə əsasən idarə edilirdi. Qəbilə kifayət qədər böyük olduqda, başçı öz funksiyalarının bir hissəsini “səlahiyyətli nümayəndəsinə” həvalə edirdi. O vaxt yalnız yazmağı və hesablamağı bacaran biri mühasib ola bilərdi. Mühasib olduqdan sonra o, “əmək və istehlak ölçüsü” üzərində nəzarəti həyata keçirməli idi.

Misir kimi möhtəşəm uğurlar qazanmış – gələcək nəsillərə dünyanın yeddi möcüzəsindən biri olan heyrətamiz piramidalar bəxş edən bir möhtəşəm dövlətin təşəkkülü isə yalnız və yalnız  etibarlı məlumat daşıyıcılarına əsaslanan aydın və yaxşı qurulmuş mühasibat sistemi sayəsində mümkün olmuşdu. O vaxt mirzəlik məharəti əldə etməyə tam şəkildə 20 il vaxt sərf olunurdu (bu, heç də bakalavr pilləsini bitirmək kimi bir şey deyildi). Bu peşənin nümayəndələri hesabdarlıqdan başqa, yüklərin daşınması üçün məsrəflərin hesablanmasını aparmalı, qurğuların ölçülərini və torpaq sahələrinin sahəsini müəyyən etməli idilər.

Bu günkü günə qayıdaq. “Mühasib” sözünü eşitdikdə, ağlınızda nə canlanır? Darıxdırıcı, zəhlətökən və maraqsız bir iş?

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Gəlir (mənfəət) vergisinin üstünlüklərindən biri də bu vergi hesablanarkən gəlirin əldə edilməsinə sərf edilmiş xərclərin gəlirdən çıxılmasına imkan verilməsidir. Mövzunu maliyyə mütəxəssisi Vüqar Mirheydərov şərh edir.

Xərclərin gəlirdən çıxılması sahibkarın işində istifadə olunan əsas vəsaitlərin təmirinə də aiddir. Lakin bu xərclərin məbləği ilə bağlı müəyyən zəruri məhdudiyyətlər qoyulub. Bu məhdudiyyətlər Vergi Məcəlləsinin 115-ci maddəsində təsvir edilib.

Vergi uçotunda tanınan təmir xərclərinin məbləği, keçən ilin sonundakı maya dəyəri ilə əlaqələndirilir:

-bina və tikililər üzrə – keçən ilin sonunda xərclərin 2% -ə qədər;

-maşınlar və avadanlıqlar, həmçinin yüksək texnologiyaların məhsulu olan hesablama texnikası üzrə – keçən ilin sonunda maya dəyərinin 5% -ə qədər, nəqliyyat vasitələri üzrə – keçən ilin sonunda mayanın 5% -i;

-digər əsas fondlar üçün – keçən ilin sonunda maliyyətin 3% -ə qədər.

Amortizasiya olunmayan aktivlərin vergi uçotunda tanınması isə təmin edilmir.

Misal. Fərz edək ki, “AA” MMC şirkəti biznes fəaliyyətində qalıq dəyəri 2019-cu ilin sonunda 450 manat olan printerdən istifadə edir. Şirkət bu əsas vəsaitin təmiri üçün 2020-ci ildə 40 manat xərcləyib. Sadə hesablama göstərəcək ki, həmin məbləğdən yalnız 22,50 manat xərclənə və gəlirdən çıxıla bilər: 450*5%=22,50. Bəs qalan 17,50 manat necə olsun?

Vergi Məcəlləsinin 115.2 maddəsinə əsasən bu məbləğ əsas vəsaitin dəyərinə əlavə edilməli və onunla birlikdə amortizasiya edilməlidir. Beləliklə, 2020-ci ilin sonuna printerin qalıq dəyəri aşağıdakı kimi hesablanmalıdır:

450 – 112,50 (2020-ci il üçün amortizasiya) + 17,50 (təmir dəyərinin bir hissəsi vergi uçotunda xərc kimi tanınmır) = 355 manat.

İl ərzində təmir xərcləri dərəcəsinin istifadə olunmamış hissəsinin növbəti hesabat dövrlərinə keçirilməsi maraq doğurur. Məsələn, yuxarıdakı misala qayıtsaq, “AA” MMC 2020-ci ildə təmir xərclərinin 355 * 5% = 17,75 manat normasını istifadə etməsə, növbəti ildə bu məbləğ 2021-ci il tarixinə əlavə ediləcək:

(355-25%) * 5% + 17,75 = 13,31 + 17,75 = 31,06 manat.

İcarəyə götürülmüş əsas vəsaitlərin təmirinə çəkilmiş xərclər yalnız həmin xərclərin icarə haqqı ilə əvəzləşdirilmədiyi və həmin əsas vəsaitlərin icarəçinin balansına götürüldüyü halda gəlirdən çıxıla bilər. Əks halda həmin xərclər bölüşdürülməmiş mənfəət hesabına silinir.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

“Əmək pensiyalarının orta aylıq məbləği 2019-cu ildə 263,59 manat, 2020-ci ilin ilk yarımilliyində 297,85 manat təşkil edib”.

Bunu parlamentin bu gün keçirilən plenar iclasında Milli Məclisin Əmək və sosial siyasət komitəsinin sədri Musa Quliyev deyib.

Onun sözlərinə görə, 2020-ci ilin sonuna bu göstəricinin 301,1 manat, 2021-ci ildə isə 338,89 manat təşkil edəcəyi proqnozlaşdırılır, yaşa görə pensiya isə 370 manat təşkil edir.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun