Blog Full - Audit.Az

Oxunma sayı: 133. 861

24 İyn 2021

“Malların (işlərin, xidmətlərin) ayrı-ayrılıqda uçotu aparılması” dedikdə nə nəzərdə tutulur?

by Audit.Az | posted in: sual-cavab, Xəbər | 0

Sual: Vergi Məcəlləsinin 175.4-cü maddəsinə əsasən Vergi ödəyicisi tərəfindən ƏDV-yə cəlb edilən əməliyyatlarla yanaşı, ƏDV-dən azad olunan əməliyyatlar aparılarkən, bu əməliyyatlara aid olan mallar (işlər, xidmətlər) üzrə sənədləşdirilmiş məlumatlar əsasında ƏDV ödənilməklə və ƏDV-dən azad edilməklə mədaxil edilən malların (işlərin, xidmətlərin) ayrı-ayrılıqda uçotu aparıldığı halda, ƏDV tutulan əməliyyatlar üçün alınmış mallara (işlərə, xidmətlərə) görə ödənilmiş ƏDV-nin məbləği bu Məcəllənin 175.1-ci maddəsinə uyğun olaraq tam məbləğdə əvəzləşdirilir.

Qeyd edilən maddədə göstərilən “malların (işlərin, xidmətlərin) ayrı-ayrılıqda uçotu aparılması” ifadəsi üzrə praktiki izahat verilməsini xahiş edirəm. Yəni ayrılıqda uçot aparmaq dedikdə həmin məhsulları fiziki olaraq ayrı anbarlarda yerləşdirmək, həmin mallar üzrə sənədləri ayrılıqda toplamaq, həmin mallar üzrə dövriyyəni ayrılıqda göstərmək kimimi qəbul edilir?

Cavab: Bildiririk ki, vergi ödəyicisi tərəfindən ƏDV-yə cəlb edilən əməliyyatlarla yanaşı, ƏDV-dən azad olunan əməliyyatlar aparılarkən həmin əməliyyatlara aid olan mallar (işlər, xidmətlər) üzrə uçot sənədləşdirilmiş məlumatlar əsasında ƏDV ödənilməklə və ƏDV-dən azad edilməklə mədaxil edilən malların (işlərin, xidmətlərin) satışı üzrə uçot ayrı-ayrılıqda (ƏDV-dən azad olunan malların satışı üzrə ayrılıqda sənədləşdirilmiş məlumatlar mövcud olduqda) aparıldığı halda ƏDV tutulan əməliyyatlar üçün alınmış mallara (işlərə, xidmətlərə) görə ödənilmiş ƏDV-nin məbləği Vergi Məcəlləsinin 175.1-ci maddəsinə uyğun olaraq tam məbləğdə əvəzləşdirilir.

Adıçəkilən maddədə, Vergi Məcəlləsinin 164-cü maddəsində qeyd olunan əməliyyatların uçotunun (həmin məhsulların alışı və satışı üzrə məlumatların mühasibat uçotunun və Vergi Məcəlləsinin tələblərinə əsasən sənədləşdirilməsi nəzərdə tutulur. Mallar (işlər, xidmətlər) üzrə uçot sənədləşdirilmiş məlumatlar üzrə ayrı-ayrılıqda aparılmadıqda ƏDV-nin əvəzləşdirilməsi Vergi Məcəlləsinin 175.4-cü maddəsinə uyğun olaraq aparılmalıdır.

Əsas: Vergi Məcəlləsinin 175-ci maddəsi.

Mənbə: taxes.gov.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

24 İyn 2021

Hansı mallara görə ödəmə mənbəyində vergi hesablanır?

by Audit.Az | posted in: Xəbər | 0

Vergi ödəyicisi kimi uçotda olmayan şəxslərdən alınan mallara görə ödəmə mənbəyində vergi tutulması ilə bağlı təcrübədə müəyyən sullar yaranır.

İqtisadçı ekspert Anar Bayramov bildirib ki, ödəmə mənbəyində vergi tutulan malların siyahısı “Nağdsız hesablaşmalar haqqında” Azərbaycan Respublikasının Qanununun 3.5-ci maddəsində göstərilib:

– kənd təsərrüfatı məhsulları (istehsalçılardan alınan məhsullar istisna olmaqla);

– əlvan və qara metal qırıntılarının qəbulu;

– utilizasiya və digər məqsədlər üçün kağız, şüşə və plastik məmulatların qəbulu;

– utilizasiya məqsədləri üçün işlənmiş şinlərin qəbulu;

– xam dərinin tədarükü (alışı).

Misal: Tutaq ki, “AA” MMC vergi uçotunda olmayan şəxslərdən 20.000 manat məbləğində mallar alıb. Bunun 12.000 manatlığı kənd təsərrüfatı mallarıdır. Kənd təsərrüfatı mallarının 5.000 manatı birbaşa kənd təsərrüfatı məhsulları istehsalçısından alınıb. 3.500 manatlıq mal şüşə məmulatı, 4.500 manatlıq mal isə metal qablardır.

Kənd təsərrüfatı istehsalçısı olmayan şəxsdən alınan mallara görə ödənilən 7.000 manatdan (12.000 – 5.000 = 7.000) ödəmə mənbəyində 2 faiz məbləğində, yəni 140 manat vergi tutulmalıdır: 7.000 x 2% = 140 manat

Kənd təsərrüfatı məhsulu istehsalçısından alınan 5.000 manat məbləğində mal üzrə ödəmə mənbəyində vergi hesablanmır. Çünki Vergi Məcəlləsinə əsasən, kənd təsərrüfatı məhsulu istehsalçılarının gəlirləri vergidən tam azaddır.

Vergi orqanlarında uçotda olmayan vətəndaşdan alınan 3.500 manatlıq şüşə məmulatı üzrə ödəniş edildikdə ödəmə mənbəyində 70 manat vergi tutulur: 3.500 x 2% = 70 manat.

Şüşə məlumatları da “Nağdsız hesablaşmalar haqqında” Azərbaycan Respublikası Qanununun 3.5-ci maddəsində göstərilən malların siyahısına aiddir.

Vergi orqanlarında uçotda olmayan vətəndaşdan alınan 4.500 manatlıq metal qabların alınması zamanı isə ödəmə mənbəyində hər hansı vergi tutulmur. Çünki metal qablar “Nağdsız hesablaşmalar haqqında” Azərbaycan Respublikasının Qanununun 3.5-ci maddəsində göstərilən malların siyahısında yoxdur.

Onu da yadda saxlamaq lazımdır ki, vergi ödəyicisi qeyd edilən bütün malların alınması zamanı Vergi Məcəlləsinin 71-2.1-ci maddəsinin tələblərinə uyğun olaraq alış aktları və malların alışı tarixindən 5 gün müddətində elektron alış aktı tərtib etməlidir.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

23 İyn 2021

Auditorlar Palatası üzvlərinə xəbərdarlıq edib

by Audit.Az | posted in: Xəbər | 0

Son vaxtlar dövlət qurumlarından və təsərrüfat subyektlərindən daxil olan məlumatlardan görünür ki, bəzi auditorlar maliyyə hesabatlarının auditi və digər əlaqəli xidmətlər göstərən zaman ölkə qanunvericiliyinin, Beynəlxalq Audit Standartlarının (BAS), Peşəkar Mühasiblərin Beynəlxalq Etika Məcəlləsinin (Beynəlxalq Müstəqillik Standartları ilə birlikdə), İFAC-ın bu sahə üzrə normativ sənədlərinin tələblərinə, Auditorlar Palatasının üzvləri arasında dempinq və haqsız rəqabətin yolverilməzliyi barədə partnyorluq sazişinin müddəalarına əməl etmir, maliyyə hesabatlarının düzgün tərtib və təqdim olunmaması, rəylərin BAS-a uyğun formada verilməməsi, Palata Şurasının qərarlarına, Palata sədrinin əmr və sərəncamlarına əməl edilməməsi hallarına hələ də rast gəlinir.

Bu barədə Auditorlar Palatasının üzvlərinə müraciətində bildirilir.

“Palata audit xidməti bazarında şəffaflığın artırılması, haqsız rəqabətin, dempinq hallarının aradan qaldırılması, auditə ictimai etimadın gücləndirilməsi istiqamətində müvafiq tədbirlər həyata keçirir və öz səlahiyyətləri çərçivəsində həmin mənfi hallara qarşı mübarizəni mütəmadi davam etdirir. Yalnız belə olan halda, biz ölkəmizdə auditor peşəsinin nüfuzunun yüksəlməsinə, auditin daha da təkmilləşdirilməsinə, iqtisadiyyatın dayanıqlı inkişafına, auditdən gözlənilən dəstəyə nail ola bilərik.

Palata həm BAS-ın tələblərinə dair yenilikləri, həm də təlimatları, tövsiyələri, proqramları və. s. mövzuları hər birinizə çatdırıb və bu işlər hazırda da davam etdirilir.

Bir daha xəbərdarlıq edilir ki, auditor xidməti zamanı yuxarıda sadalanan qanunvericiliyin, BAS-ın, Palatanın təsdiq etdiyi metodik vəsaitlərin, xüsusən də auditor rəylərinin düzgün tərtib olunmasının təmin edəsiniz. (BAS-ın 700, 701, 705, 706, 710, 720. link- https://audit.gov.az/Az/page/414) Əks tədbirdə auditor təşkilatları və sərbəst auditorlar barədə səlahiyyətlər çərçivəsində müvafiq tədbirlər görüləcək”, – deyə müraciətdə qeyd olunub.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

23 İyn 2021

Dənizçinin şəxsiyyət sənədinin verilməsinə görə rüsumun məbləği təsdiqləndi

by Audit.Az | posted in: Xəbər | 0

Prezident İlham Əliyev “Dövlət rüsumu haqqında” qanuna dəyişiklik edilməsi barədə qanunu təsdiqləyib.

Dəyişikliklə dənizçinin şəxsiyyət sənədinin verilməsi və ya dəyişdirilməsinə görə rüsumun məbləği müəyyənləşib.

Belə ki, dənizçinin şəxsiyyət sənədinin verilməsi və ya dəyişdirilməsi: on iş günü müddətində verildikdə və ya dəyişdirildikdə – 40 manat, beş iş günü müddətində verildikdə və ya dəyişdirildikdə – 80 manat, bir iş günü müddətində verildikdə və ya dəyişdirildikdə isə 120 manat rüsum ödənəcək.

Mənbə: report.az