Dünya iqtisadiyyatında qadın rəhbərlərin rolu (2-ci hissə)
Dünya iqtisadiyyatı hər il kişilərə görə trilyonlarla dollar itirir. Qadınlar vəziyyəti necə düzəldəcəklər?
Məqalənin 1-ci hissəsini buradan oxuya bilərsiniz
İşə qəbul zamanı cinsi üstünlükdən imtina olunması özü ilə praktiki fayda da gətirib. McKinsey&Company konsaltinq şirkətinin məlumatına görə, qadın liderlərinin sayı birbaşa mənfəətin artmasına təsir göstərir: qadın-rəhbərlərin payı 30 faizdən çox olan şirkətlər, bu göstəricinin 10 faiz olduğu şirkətlərə nisbətən iqtisadi cəhətdən 48 faiz daha uğurlu ola bilərlər. McKinsey & Company şirkətinin nəticələri Kolumbiya biznes-məktəbinin son araşdırması ilə də təsdiqlənir: ən azından bir qadının top-menecer mövqeyində olduğu firmanın dəyəri, bu mövqeyi yalnız kişilərin tutduğu şirkətlərin dəyərindən 40 milyon dollar yüksək olur, əldə edilən qazanc isə 6 faizə kimi yüksələ bilir.
Dünya iqtisadiyyatı qadın-rəhbərlərin hesabına 12 trilyon dollar əldə edə bilər
Əgər hər bir dünya ölkəsi gender bərabərliyinə can atarsa, 2025-ci ilə kimi dünya ÜDM-i 12 trilyon dollar yüksələ bilər. Boston Consulting Group şirkətinin analitik ekspertləri qeyd ediblər. “Qadınlar çoxtapşırıqlı rejimdə olan işlərin öhdəsindən daha yaxşı gələ bilirlər, onlara inteqrator rolu daha çox xasdır. Bundan başqa, qadın, top-menecer olmaq üçün öz üzərində daha çox işləməlidir. Və bu vəzifəni tutmaq üçün daha sərt mövqe tutmalı olur. Və nəticədə bu sahədə irəliləyişə malik olduqda, bir qayda olaraq o, rəqabətə daha çox davamlı olur”, Skolkovo müstəqil direktorlar Klubunun şura sədri Tatyana Olifirova məsələyə aydınlıq gətirib.
Yeni imkanlar
Rusiya rəhbər qadınların sayına görə hələ ki, Avropadan geri qalır, lakin, bütün hallarda onların sayı heç də az deyil. Deloitte-nin hesablamasına görə, 2020-ci ildə onların payı təxminən 20 faiz təşkil edib. Özü də demək lazımdır ki, hələ üç il bundan əvvəl Rusiya firmalarının direktorlar şurasında qadınların payı yalnız 8,5 faiz təşkil edirdi. Onlar daha çox təhsil, ictimai iaşə, səhiyyə sahələrində çalışırlar. Ən az qadın baş direktorların işlədiyi sahələr isə bunlardır: inşaat, hasilat, təhlükəsizlik və energetika.
Nəzəriyyədə Avropada olduğu kimi, qadın-baş direktorların sayını kvotaların tətbiqi hesabına artırmaq olardı. Amma, kadr ehtiyatının formalaşdırılmasına vaxt lazımdır, süni stimullar isə ona gətirib çıxaracaq ki, rəhbər vəzifələrə buna hazır olmayan adamlar gələcək, Ümumrusiya ictimai rəyini öyrənən mərkəzin dövlət hakimiyyəti orqanları ilə iş üzrə direktoru Kirill Rodin belə hesab edir. “Bizim dəyərləndirmələrimizə görə, növbəti on ildə siyasətdə və biznesdə “qadın kabinetinin” sayı 30 faiz artacaq, lakin, kvotalaşdırma çətin ki, effektiv olsun, o, qadınların bu vəzifələrdə təbii mövcudluğunu yalnız çətinləşdirə bilər”, – Rusiya-asiya sənayeçilər və sahibkarlar ittifaqının prezidenti Vitaliy Malkeviç belə hesab edir.
